#فصليه_ملوك

11

#فصليه_ملوك
#الجزء11
#بقلمي
ام آيه
#كروب_اماسي_الليل

اشتركت اني ورضاب وسوينه بحث عن التسمم المعوي للاطفال..
كمنا يوميه نروح للمستشفى ساعتين ونرجع
تعرفنا على دكتور ايهم متخرج صار سنتين كلش ساعدنا وياخذنا على حالات اطفال عدهم التهاب امعاء وتسمم وبدينه نكتب بحثنه ..
صارت اكو تبادل بالنظرات والابتسامات بين رضاب ودكتور ايهم..
اليوم جان اخر يوم النا بالمستشفى وجان عدنا نقص كومه بالبحث ف اطرينا نجي بوقت حتى نلحك..
اني ورضاب دنمشي بالممر واجه بااذني صوت يشبه صوت مصطفى ..لا لا اني متوهمه شيجيبا هنا ..
رحنا ندور على دكتور ايهم بغرفه الاطباء كالوا بعده مجاي عنده اجازه زمنيه يجي ساعه 11..
دكتوره جبيره كاعده سألتنه وكالت انتو الطالبات الي ديساعدكم دكتور ايهم بالبحث..
جاوبناها نعم ..
الدكتوره:انطاني خبر من تجون تروحون على دكتور مصطفى وهو يساعدكم..
تسلمين دكتوره..
زين وين نلكه دكتور مصطفى ..
تلكوا بردهه رقم 1 عنده حالات ديجيكها..
شكراا دكتوره..
وصلنا الردها وبقيت بره ودخلت رضاب تدور وشافته..
حضرتك دكتور مصطفى؟؟
اي عيني تفضلي..
دكتور احنه طالبات ودزنا دكتور ايهم
اي اي عندي علم اهلا وسهلا ،انتو مو طالبتين؟؟
نعم دكتور وزميلتي بره تنتظر...
#اماسي_الليل
مصطفى:طلعنه اني والطالبه من الردهه واول مفتحت الباب اتفاجئت وصارت كبالي عسل..
عسل:بقيت ساكته ومتفاجئه ..وبس العيون تحجي..
مصطفى :شلونج عسل
عسل:اهلا دكتور مصطفى احاجي بثكل وعيني على ايده وعلى حلقته الي لابسها باليسره...
رضاب:هاي شنو طلعتوا عرف واني ماعرف..
مصطفى: جاوبتها معرفه قديمه ،وخفت اكوللها تصير زوجتي لان يجوز عسل محاجيه لا احد..
عسل اخرشي توقعت تقدمين طب البصره لان جنتي رافضه الفكره..
عسل:كلشي قسمه ونصيب..
شلونج ويه الطب اكيد صعب ودتعانين ، بس لتشيلين هم اني موجود شتحتاجين كولي..
عسل:شكرا دكتور
رحنا ويا وشوفنا حالات وصارت ساعه 11 واجه دكتور ايهم وكملنا البحث ورجعنا اني ورضاب بدون مااودع مصطفى
عسل:تدرين دكتور مصطفى هو نفسه زوجي
رضاب:لابربج هذا شلون خلقه صدقه اثاري من هيج راد ياكلج بعيونه وابد منزلها
مصطفى:رجعت للبيت وحاس نفسي اسعد رجال بالدنيا..شلونج يوم
هله بوليدي خيرك ان شاءالله فرحان مبين عليك.. فرحني وياك..
يوم متصدكين المن شفت بالمستشفى اليوم..
منو شفت وليدي..
عسل اجتي ومقبوله طب البصره وعدها بحث وجايه تكمله من يمناا بالمستشفى..
ام مصطفى : ياعيني الها وحشه..اكيد حليانه وفرحت بشوفتك
مصطفي:وداعتج يوم صايره كمر مضوي
ام مصطفى :شنو سولفتوا؟؟
كلشي مسولفنه جانت وياها بنيه ومبين عليها الارتباك..المهم هيه صارت قريبه يمنه بالبصره..
مرت ايام واني اريد بس اشوفها بس شلون مااعرف..
قررت اروحلها اليوم للكليه قبل مينتهي الدوام،اخذت زمنيه وطلعت،وصلت للكليه وبقيت ادور بالاقسام ورحت للكافتريا شفتها كاعده ويه رضاب و ولد على ميز وديشرحلهم وجان قريب عليها،مكدرت اروح احجي وياها وأثر عليهم لان ديدرسون وبداخلي اكثر الغيره اشتعلت..
طلعت من الكليه ومريت على محل وحبيت اشتريلها هديه بمناسبه قبولها بالطبيه تليق بيها وظليت حاير ،اخر شي اخذتلها سلسله ناعمه وبيها مداليه ناعمه بيها حرفها ومطعمه بزاركون..
مرت كم يوم والتهيت عنها ومرحت للكليه..لان اجانه مدير جديد معاقب وناقلي من بغداد..ومن اجانه لسه يبيع حقاره..
عسل:شفتي رضاب شلون اني ولاعلى بال مصطفى وشلون عايش حياته وملتهي بالجذب مسئال عليه ولاحب يستفسر عن موضوع طلاقنا،معقوله معاملته الي من جنت بيتهم جانت عاديه واني فسرتها على انو هيه حب..
رضاب:حيل دتقهرني عسل لان تحبه حب فضيع وذابه كلشي وراها وهيه جميله ومؤدبه وعين الطلاب عليها بس هيه رافضه مبدء الارتباط لان تفكيرها كله بمصطفى ،والله ياعيني لو تلتهين بدراستج والزمن كفيل يحل سالفتكم ويداوي جروحج...
مصطفى:صباح الخير ايهم
ايهم: هلو صطوفي
(دكتور مصطفى ودكتور ايهم تربطهم صداقه كلش قويه)
ايهم:اليوم اروح لكليه الطب اشوف الحب رضوبه
مصطفى :اها قررت تصارحها
ايهم:لا يمعود مو راسا خل اشوف نبضها ،هيه مو مرتبطه لان اخر يوم سئالتها بس نمشي وياها ستيب بايستيب(خطوه بخطوه)
مصطفى:شكو رايح لعد؟؟؟
ايهم:جايتنه عينات طبيه ولازم نوديها لكليه الطب والمدير كلفني،اليوم حبيته للمدير ههه
مصطفى:بشرفك اني اروح وياك اشوف عسل لان الشوق كاتلني والمدير حاصرني هههه
ايهم:يله راح اروح اكله للمدير واخذك امري لله،دكيت باب المدير،صباح الخير استاذ بعد اذنك راح اخذ دكتور مصطفى ويايه حتى يحضن الحاضن مال العينات اخاف تتلف بالطريق وتعرف مسؤليه واني اسوق مااكدر اهتم بيها،
المدير:عليش روح بتكسي وانته تحضن العينات
ايهم:دكتور الجو حار وتبريد سيارتي بارد واضمن علمود متتلف.
المدير :روحوا ،ساعتين وانتو بالمستشفى
ايهم:اشكرك دكتور مع السلامه،
مصطفى:بشر قبل العكره
لا مقبل تروح ويايه باع حقاره ودك الناقصه
مصطفى:حرامات حيل جنت متلهف
ايهم:امشي بابا كدامي قبل ،ساعتين ونرجع
مصطفى:نعلا على،اعوذ بالله منك يالساني