خو ممحتاجه شي
جج سلامتك
كعدت يمها عالقنفه اباوع عليها شوي وجابو الطفل نضراتها تخبل تبجي وتباوعله
ابيض مثلك
اي امي تكول نسخه مني من جنت بكده
هههه
حبيبي شكدوته ياالله خليته على صدري اريد ارضعه واخجل منه مستغربه
ها اطلع
اي حباب
ماشي خليته حاولت ارضعه مكدرت كمت ابجي فاتت نور ساعدتني الحمد لله رضع واخذوه شوكت اكوم انطي واداري براحه يربي قويني عاللي جاي يارب لخاطره بكعدتي 3ايام بالمستشفى قررت كلشي اقبل لخاطر غيث مستحيل اخلي بدون ام لو اني اكدر دونه رجعنا وره اسبوعين اني تعافيت سوينا جوازاتنا كلنا وطلعنا لجوء على اني ام ابنه ومرته السابقه طلكني محكمه جنت موافقه
ليث- استغربت حيل موافقه بكلشي وبشروطي اللي الها واللي عليها ويحني هالشي ونفس الوكت خوفني
جواهر- ليث انلغى من حياتي راح اعيش لغيث بس هاي خلود مو عاشت لجهالها كومه يتقدمولها وترفض هاهي بعد سافرنا اشتره عمي شفه لمتنا كلنا بقو ريم واكرم وبمجر انه اشتراها حصل الجنسيه نضام السويد هيج بلشو تحضيرات العرس واني مستغربه من بروده اعصابي وعدم غيرتي عليه صار العرس وهو ابد مفرحان يباوعلي بحنان واني ممهتمه اله والمصيبه حتى مينا مفرحانه حتى بجت جان عرس جدا عادي تذكرت عرسنا شكد جان حلو وعيوننا وشون لفني بحنانه معقوله حيسوي هيج وياها اوووي ماريد افكر بي زفوهم وراحو للشقه مالتهم الحكومه السويديه تنطي لكل متزوجين شقه مجهزه
رجعنا للبيت رجعت مرهقه وبس ابجي انخيله يحضنها يبوسها والوب بقهري
ليث- تقربت منها لمينا جانت عيونها مليانه دمع
مينا شبيج
تعبانه حبيبي عوفني ارتاح اليوم
براحتج تنهدت عفتها نامت بقيت اتذكر شكلرجواهر بالعرس مسيطره منزلت ولا دمعه وين راح حبها وين غيرتها غيث هواي غيرها اشتاقيت اشيله واشتم عطره
تقربت من مينا
منوش حروح اشوف غيث واجي براحتك جاوبتني وعيونها مال نعس
نزلت من الشقه جننا بنفس البنايه شققنا اني وعمي ووالدي دكيت الباب
جواهر- جنت سهرانه ويا ارضعه سمعت دكه الباب رحت شفت من لعين السحريه شفته هو فتحتها مستغربه شكو
ماكو شي جيت اشوف عيوطي
اضوج تصيحه هيج
هو بس يصيح طياني شوي
هاك اخذه مني باوعله مبتسم يبوس بي وهو ضايع بحضنه جنه مفتاح بالباب عفتهم وفتت نوعا ما ارتاحيت لان مصار ساعه من دخلو لشقتهم واجه معناها متقرب منها هسه انتي شعليج اووف مني بقه يمي ساعتين نام غيث باوعلي ونصه راسه
ادري بيج دتتاذين
لا عادي عديت هالمرحله
اني شنو بالنسبه الج جواهر
ماضي باوعتله ببرود ومراح يجمعني بيك اي مشاعر ولا احاسيس ابدا
هزيت راسي خسيت روحي هسرتها لان جنت بس وياها اتاثر بقيت اباوع بعينها
اني حنام مصدكت نام غيث يله باي روح لمرتك
اي نزلت وعفتها نمت تعبان ربي والله تعبان الصبح كعدنا عمي جمعنا بشقته وتريكنا اباوع لجواهر حايره بغيث وتضحك بوجهه تقربت اخذته منها متباوع بوجهي
اكرم- مينا بغير عالم فاصله بعد عمج الله اليعلم شكو براسها التمشي على ليث متمشي عليه وراج وراج لحد ميبينلج كذبه
جواهر- علي ومحمد جانو وياما بنفس الشقه محمد ميهد غيث وعلي هم تعلم الطفل عالشيل واني بليل اكلها من يبجي مرت ايام وليث يوم هنا ويوم هناك
ليث- تقربت من مينا احتاجيت مره بس محسوب اني متزوج 2 من تقربت ضلت تبجي ابتعدت مستغرب انتي شبيج صارحيني ولج اني ابن عمج تره دخت بسالفتج
مينا- ماادري عوفني
ماعوفج اريد افتهم فلمج انتي بيج شي ضامه شي عليه عفتها صرت عصبي داانزل جلبت بيدي جرتني للغرفه تقربت مني تبوس مبينه بس تريد تنهي السالفه ابتسمت
مينا دفعتها على كيفي شو شويه
شتريد مو تريدني هياتني دااقترب منك
احد كلج اني ارنب بابا
شنو قصدك
انتي تحبين غيري وهذا الغيري هو الغدر بيج وانتي بعدج تحبي
نصيت راسي ابحي مااكدر اضم عليك بعد اني مااكدر انطي روحي لغيره اني عراقيه مو سويديه ياهو اليجي انطي نفسي
هزيت راسي سبعه بت عمي عدج غيره علىً روحج بس ليش فرطتي بشرفج
عقد عليه وطلكني قبل ليسافر
هيج الحجي لعد وخفتي من عمي
اي
ليش محجيتي يبت الناس وبقيت جابره نفسج والله من جنتي تقربين شفتج وتبوسيني ببغدا ماحس بيج كمره ورجال احس ريم دتبوسني
مو بيدي
جان اتفقنا اني وياج وجواهر زواجنا يصير فتره ونطلك مثل كبل زين شنو فلم الصوره
هاي من جنت تتعالج جابوك ونمت بغرفتي جنت فاقد وطكيتلك الصوره حتى اكولك انت ماخذني جنت متكتكه هالشي لان اخاف انفضح
تنهدت بحسره هسه اني شسوي
ابقه شهر وطلكني عالانفاق اني مااكدر انطيك كلبي نصيت راسي اسفه
شيفيد الاسف الجوه شيقنعها
اني احاجيها
لا تموتج والله
معليك بس خلي يكمل الشهر
ماشي ماشي اني نازل اشوف عيوطي
روح وليث اشكرك
عادي بقت عليج شو هي الدنيا كالبه فيوز ويايه نزلت للشقه يم والدي ملكيت احد
جواهر- لاىل مره نطلع بعد شهر من جيتنا الجو فضيع الخضار الناس الترتيب هالبلد فدشي غيوثي ممخليني احس بغربه ابد خلود وامي مكيه ومحمد وعلي تصنيفهم وقربهم مني ىمن غيث حسيت عائله ثانيه وجديده حبوني بدون مقابل بقيت افتر وياهم وكل ميكولون نرجع اكولهم لا عفيه مخليت خضار مكعدت بي مشايفه ىشفت هههه افترينا هواي لحد ماتعبنا رجعنا جنت كلش متونسه فعلا بديت انسى ليث دااصعد الدرج لمحته اني الوحيده اللي مااصعد المصعد اخاف اصعد بالدرج ونطيت غيث لخلود جان ينتضرني كاعدعالدرج لان سالهم كلوله هسه دتصعد
ها شو كاعد
انتضرج ابتسمت
غيث يم خلود
ادري شفته باوعت عالشقه وباوعتلها تنهدت تونستي
ضحكت اي كلش
ممم حلوه موالسويد
اي
شو اني اختنك بس من حيتو صارت عادي
اي مو تشتاق لاهلك ردت افوت من يمه خله ايده سد الطريق
شتريد ليث
احاجيج كعدي
كعدنا
جواهر باوعت بعينها بتوسل
نعم باوعتله ببرود
تكرهيني
كومممه
هزيت راسي اعرف
من رخصتك
فوتي تنهدت فوتي
جواهر- كمت اتعود عليه كلسا صاعد وطاب للشقه كام يكضي وكت يمنا اكثر من فوك ومينا ابد ممعترضه شقتنا صغيره 3 غرف وصاله ومطبخ وحمامات غرفه لمحمد وعلي وغرفه اني وخلود وغرفه لعمي وامي مكيه هطيه خلود من وره غيث متنام كلشا تكعد بليل عمي قرر يشتري اكبر باع هالشقه بقينا يومين بيت عم ليث واشتره اكبر بنفس المنطقه بعد كم متر عنهم بس غير بنايه هالشقه تخبل خمس غرف اول متدخلين المطبخ اوروبي وردي يجنن وراه يجي الهول مربع اثاثه ابيض حيصير دفتر لغيث من يكبر اكيد وداير مداير الهول الغرفه طبيت غرفتي وحد مجهزه عبالك مال عرسان خليت هدومي بفرح رتبتها وهدوم غيث وغراضي وفتت للحمام للبانيو بكل غرفه حمام داخلي فد شي رااائع المشكله وين الحمام شفاف قفلت الباب وسبحت وطلعت البيت يهص من الترابه يرادله كربه منهاي التمام كعدت ارضع غيوثي اندكت الباب -- منو
اني ليث
جيت هليت شي على صدري وفتحت الباب
باباتي كعدت باوعت بعينها شونج مرتاحه هنا
كلش
الحمد لله
تقربت ابوس عيوطي باوعلي مبتسم للول مره يبتسم باوعتلها هذا ديضحك مو
ايييي فدوه حبيبي
بقيت اباوعله رجعت بسته برقه شميت عطرها تقربت لزكت بجسمها شميت ركبتها رجعت ليوره لزمتها قوي مكدرت تقاوم الطفل بيدها بستها من ركبتها همست مشتاق لعطرج
احمم اريد ارضعه ليث
رضعي انتي مرت
ماه اخجل
كيفج
شون ابقي جوعان
شعليه
باوعتله ابتسم تره انطي مي وشكرباوعلي نضره عبالك سامع هالشي قبل
لزمت راسي هالشي موجود براسي وجع قليل وراح ابتسمت سامع هالشي قبل
صدك تذكرت اني الكلته الك
تنهدت مااعرف والله العضيم موبيدي
ميخالف زين تروح هسه داانطي حليب حباب
ماشي تنهدت طلعت كعدت يم امي بس اتذكر اريد اتذكر كلمه المي والشكر وين سمعتها وين طلعت من الغرفه
جواهر- خلود-
ها عيني ام غيث
حبيبي البيت يهص نكوم ننضف
اي هسه بس نكمل غده
اوك يله تغدينا كلنا سوه اكرم وميمو اليوم يرجعون كملنا الغده ولملمنا المواعين ونضفناها
خلود- جواهر يله نبلش
جواهر- اني فايته امسح الغرف
مو ماعدهم وصل
باوعت لليث ضحكت وباوعت لاكرم اعرف واحد يمسح بالزوليه
اكرم- يازوليه هاي
جواهر- ورث الجرخجي ههههه روح شوف بيت جدك
ليث- اسمعها صافن عليها كله كله معيود كله دخت افترت الدنيا بيه راسي نصيت راسي عصرت عيني التمت كل الصور وحده وره اللخ تذكرت التعذيب كمت اصيح تذكرت مكالماتي وياها تذكرت من حكموني اعدام شون تهسترت تذكرت شكه راسي وقتل السكران صوره وره صوره والم فضيع اخر شي اغمى عليه واهلي يصيحون اثناء المي
جواهر- عرفت رجعتله الذاكره ابنعدت بالزاويه بجاني المه على غفله يصيح اخخخ بعلو صوته ويعصر بعينه ويرجع يصيحً ويلزم راسه وينزله موتني قهر التمو اهله عليه لحد مااغمي عليه صححو بالكوه اكرم اقترح يودو لدكتوره المختص بالسويد فتح عينه صاح
جوجو
ابتسمت
جواهر وين
اكرم ههههههاي يمعود سفره سعيده هيانها ام غييث
بقيت بالزاويه ابجي جرني اكرم وكفتي كدامه غيث بيدي باوعلي عيونه حمز كلش
ليث- مشتاقلج تنهدت لزمت ايدها ضحكت ذكرتني الزوليه لان عانيت هواي يله انشكت وتذكرت دشداشتج الحمره المشككه
هههههه اضحك وابجي الكل صافن ميدري شنو السالفه بس يبتسمون كعدت يم ليث
تذكرتني
تذكرت عيونج وحنانج حضنتها قوي اشتم بعطرها مشتاقلج
بلحضه رضيت بكلشي رضيت بضره بس ماضيع حنانه بيومها بقه بشقتنا مقبل يروح مينا بالشغل بعدها متدري رجعتله الداكره
لليل اجتي وراها راحت لشقتها نام بالصاله ليث نيمت غيث وطلعتله جان ينتضرني كعدت يمه مشتاقه لحجيه
ليث- كعدت اتذكر شغله شغله وربطت وي فقداني للذاكره شكد تاذت من كتلها منو انتي تقربي وتصرفاتي وي مينا كومه شغلات موتتها بيدي تذكرت شتحب وشتكره وشكد عانت من كتلها قبل الزواج اريد اخذ الجنسيه وارجع جانت عدها الشي هذا مستحيل سبحان الخلاها تتغير هلكد تحبني تذكرت من تقربت منها كل حركاتها بالحمام بالبانيو همساتها غمضت عيني رحت لغير عالم تمنيت قربهاكعدت يمي باوعتله مبتسم ضحكت ضحكتها تخبل
طاقتي الايجابيه
اللله صح هيج جنت تسميني
اذيتج دمعت عيني وراها متحملت بجيت خليت راسي على كتفها سامحيني
سامحتك وراضيه اكون زوجه ثانيه
باوعت بعينها صافن والعده مثلج يكدر يروح يم ثانيه
نصيت راسي دمعت عيني متاخره الذاكره من رجعت
لا عمري انتي كلشي متدرين جواهر اني اعشقج حبي الح مو رغبه حب صادق
اعرف
باعي اني تنهدت اضحك باوعتلها ولج خوما نطيتي عيوطي مي وشكر
ههههههههلالا
نرجع لمًوضوعنا اني ومينا زواجنا على الورق
شون صار سبوعين
اششش سمعيني اني وياها ابد مصاير شي بيناتتا مينا تحب واحد مصري وهالواحد عقد عليها بدون علم ابوها لان مقابل ابوها واخذها وراها علكت اوضاع مصر فراح لاهله وهافها بعد ماطلكها فهي جتي عليه حتى انقذها وسوت هالفلم ومن تقربت منها مقبلت كالت اني روحي لعمر اللي تحبه وتفاهمنا سبوع اليجي اطلكها وكلشي يكعد بمكانه
تدري اني هسه شون فرحانه
مو بكد فرحتي تنهدت اني اسف بس تدرين هالمواقف خلتني اعرف شكد تحبيني
اموت عليك ليث جبتك بشلعان الكلب
اي والله الحمد لله تذكرين شكد عانيت اقنع بيج بس اخذ الجنسيه حتى اسحبج
اي واني مااقبل لو اني لو هي
ههههه هسه شوفي شصار والدنيا شون افترت اللي الج الج لو مدري شيصير واللي مو الج ميصيرلح لو تخلين روحج بروحه
اي والله صح
تقربت منها بوسه ماكو
لا
ليش بله يمعوده مو كلنا كلمن يكعد بمكانه واني مكاني هنا اشرت على كلبها ذبلت عيونها بلعت ريك وعضيت شفتي
اهاااا من عضيت شفتك انلاصت عفته وانهزمت لغرفتي اجه ورايه ادفع بالباب ويدفعها هربان ضحك
لج فتحي لحد يسمع
ماه
ماه
يا ما فتحي خرب دفعتها قوي وسديت الباب قفلتها وين تنهزمين مني
اي ليث ميصير
شنو ميصير حلالي ومحروم منج 8شهور بت الخلال
مو اني جايبه نصيت بدلع
شنو صدك ميصير
هههههه لا بصير صارلي كومه كمزت عالجربايه
وين ترحين يعني لو تنكلبين سبايدر مان انكلب بات مان حريتها انشكت دشداشتها باوعتلي لاااا
يله تلحك الحمرا غمزتلها حضنتها واشتم بيها احس اول مره اقترب منها عشنا يوم بالاحلام الورديه تقربت منا 3 مرات بهاليله ممصدك روحي وره اسبوع طلكت مينا وهي حجت وي ابوها وابويه الغريب بالموضوع امي مغلسه ابد متدخلت بقينا بشقه وحدي اني وحبيبي انضف وياها بس مو بالزوليه ونغني دويتو وعيوطي ويانا ههه بس باسلوبه مر كم شهر ورجع المصري ودزت عليه مينا حجيناله كلشي رجعو تزوجو الحمد لله ريم واكرم صار عدهم مرام بنوته الا اخذها لعيوطي يعيط عليها شويه ومحمد خطبناله لبنانيه من جبل العاملي خلود بقت يم ابنها واهالي فتره وسحبنا ريم وزوجها تجنسنا سويدي بس بقينا كل عطله ننزل لبغداد نلم الاجارات ونروح للطارميه نبات كمً يوم ونرجع الدولمه كمت احبها ام الكشمش والجاي كمت اني اعرف اسوي مرت عليه احلى ايام صار عمر عيوطي سنه دنعبر الشارع كلنا دنروح للمتنزه فات من يمي واحد يركض وكع سلاحه منه شلت السلاح يمعود هذا وكع منك ابويه صاح عوففففه ابو المشاكل يمعوود ماشوف الا الشرطي كلبجني من وره باوعت لامي
رحمه للعباس متكوليلي شمتوحمه على غراب موكلتني حلال مشاكل من جنت صغير فهميني شنًو هالفكر
الفكر صعد عالجبل عضه الجلب
والفكر اشتغل مكوي طلعت الموده معقج
بس شنو السجن السويدي الا بشده يعني بعد من اطمس بمشكله عالمرتاح رايح منتجع والله كضيتلي اسبوع وراها برئوني طبعا قابل اني بالعراق هههههه
تمت قصتنا على خير وسلامه عبرتنا اليوم العكوسيات اللي تصير بحياتنا والعراقيل مااعرف شون تدبر بس عسى ان تكرهو شيئا وهو خير لكم متابعه ممتعه
مريم السعدي
