في قَلبـ♡ــي فتاة جننتني 😍(مكتمله)

فكره عمل

يوم جديد ويه اموري ابو لمشاكل بعد مااكل كتله زينه من اخو محمد بس اموري ماافقد الامل بمحاوله انو يلكي. شغل حتى يكون نفسهه ويكول لاهله يخطبوله سلمى
هاي لمره يوم جديد وعمل جديد بس لمشكله انوو هوه ميعرف شنوو يشتغل لان اخونه خده وخدم
.
طلع اموري للشارع يصفن وضل يتمشى وصل لكراج نال سيارات باوع على لسيارات هوه ميعرف يسوق فكرر اباله (االله ليستر ) اشتره سطل مال فافون وهله بي كلاص مال مي من لبلاستك حتة مينكسر 😅وشتره خاولي خلاه على راسه وترس لسطله مي  ودخل للكراج مال سيارات
امووري يشوف وين لسياره تريد توكف يضل يصيح مي بارد كلاص بربع  (هوه جذب مي حار )
ياخذ لسطل قبل لتوكف لسياه لبيهه ناس وخلي لسطل حتى تدعمهه لسياره وهوه يوكع كدامهه وضل يصرخ ولسايق ماله حل غير انو ينطي فلوس حتى يسكت 😅 وخلصهه كل يوم يرؤح لكراج ويسوي نفس لحاله وامهه مكيفه عباله صدك يشتغل بنفس لوقت هوه يخلص مراقبه يله يرؤح يشتغل
ذاك ليوم انتبهت سلمى عليهه وراحت لامهه
سلمى : اكوول يمه
ام عباس : كولي يمهه شكوو
سلمى : يمه هذا الولد لكرايبنه لجاب امهه اشوفهه يوميه يمشي ورايه
ام عباس : شنو تعرضلج حجى ويااج
سلمى : لايمه بس كل يوميه بس يمشي ورايه
ام عباس : ماشي اني اشوف امه وحاجيهه
طلعت ام عباس تسوي بالخضرؤات وشافتههه بالركن واكف ولازم لسطل مال مي وصاحت عليهه
ام عباس : امير تعااال
هوه رتبك واجاهه يمشي على كيف  وسلم علييهه
امير : سلام عليكم هااا خاله شلونج ان شالله زينه محتاجه شي اساعدج بي
ام عباس : لا خاله مشكور امك شلونهه خوانك شلونهم بس ردت اسئلك شسوي بهذا لسطل كم مره اشوفك هناا تفتر
امير : هااا لا خاله مو اني كمت اشتغل اعتمد على نفسي ولله خاله اني حباب وخوش ولد ولله اعجبج اني رجال مااحب اكعد بالبيت وماحب اخذ من اهلي مصرف (شووف لجذب ) موحلوه لرجال ياخذ من اهله واني كلت اشتغل هسه كلشي وادبر وضعي وبعدين اسويلي مشرؤع زغير
ام عباس : يي خاله الله يوفقك ويفتحهه بوجهك
امير : تامريني بشي خاله
ام عباس : لا خاله تسلم ولله يباركلك برزقك
راح امير سوه رؤحه يبيع مي ام عباس حجت ويه سلمى
ام عباس : شبيج يمه ضلمتي لولد هوه رزقه يمشي ويبيع
سلمى : لا يمه ولله اشوفهه لصبح
ام عباس : كافي كافي عيب عليج تحجين هيج
وسكتت سلمى
~~~~
نرجع لاموري للكراج وطبعاا اهل لكراج كلهم عرفوو وخله لسطل وره سياره جديده وحلوه
وكعد وراهه ونتضر شوكت لرجال يحرك لسياره وضل منتضر وماتحركت لسياره اجه ابو لسياره شافهه كاعد باوع عليهه
ابو لسياره :كله ولللك شسوي هناا كاعد تريد تبوك لسياره
امير : لاولله كاعد ابيع مي
ابو لسياره : هااا انته ابو سطل كلولي عليك شو نطيني السطل اخذ لسطل منهه وذب لمي على راس اموري هذااا لمي لبارد تبيع بي ولزم اموري وكتله وضربه بوكسي على عيونه وكسر لسطل كلهه خاف الك نيه ترجع تخلي وره لسياره

«««««
ورجع اموري مكتول من وره لسطله مال مي مالته
دخل للبيت شافتهه امه
ام امير : ولك يمه هااي شصاير بيك
امير : لايمه ماكو شي اندعمت
ان امير : سوده عليه يمه اموري غير تنتبهه
بس هوه يفكر غير شي مامنتبهه لامه يفكر شلوون يلكه شغل جديد هوه كلشي ميعرف
اثناء ذلك فكر بشغله جديده وراح نام
----
نرجع لبيت ام سلمى
سلمى ترجع قبل امهه للبيت تاخذ لمسواك حتى تسوي غده لان امهه تتاخر
اثناء ذلك اجه عمهم وياه ابنه مقررين انو يفاتحون ام عباس بموضوع زواج لكن مالكوهه. ف اجلو لموضوع لحد متجي

بيت اموري /كعد لصبح كالعاده حضر نفسهه طلع تفاجاا شاف شخص يمشي ويه سلمى وصلهه للسوك هوه حركته لغيره بس ميعرف شيسوي
شخص اول مره يشووفه ضل يمشي وراه لحد موصلو للسوك وفتحوو وشاف ام عباس اجت
فكال خوش فكره
راح سلم عليهم
امير : السلام عليكم خاله 
ام عباس : وعليكم السلام خاله شلونك
امير : خاله اليوم اريد اخذ وياي عباس موجود قبل فتره كال مشايف السينما وهسه نازل فلم كلت اخذه وياي
ها لحجي هوه عينه على سلمى ولولد الموجود
امير : خاله منوو هذا
ام عباس : خاله هذا ابن عم سلمى
وبعد كم يوم اذا راد يصير خطيبهه
امير : هاااا شنوو (معرف شيحجي )
««««««
رجع للبيت وقرر يحاجي امهه بعد معنده.وقت خاف اطير من ايدهه سلمى
لكن اكو مفاجااا تنتظره بالبيت.وميعرف شنوو راح يصير

_______________________

ولهنااا يخلص البارت اتمنى يعجبكم
غلسو على لسحكات لان مراجعته 😅
صوتو وتفاعلو حتى استمر