في قَلبـ♡ــي فتاة جننتني 😍(مكتمله)

عسكريه

وصل اموري للبيت ولكه لمفاجئه
وحده من صاحباته القديمات جان يواعدهه بالزواج جايه لبيتهم تبجي لكت امهه وكلتلهه ابنج ضحك عليه وكلي يزوجني واهلي درؤؤ واذا مازوجني اهلي يذبحوني
ام اموري : خلي يجي الولد وافتهم ويصير خير
(طبعاا هيه يعرفوهه بالمنطقه عدهه اخ.واحد ومخبل وهيه اصلا اكبر من اموري بس ابو اموري كلبه مثل لرمانه وهوايه حبيبات بي )
دخل اموري وجرته امه كلتله تعااال محد يدري قبل لصير مصيبه دخل لكه عفاف
امير : اجااابج هنااا عفاف شكووو شسوين هنا
ام امير : هاااا تعرفهه يعني صدك حجيهه
امير : ايي اعرفهه جنت اعطف عليهه
عفاف : شنووو تعطف عليه اني حبيبتك ونته دكولي ازوجج وانته صار فتره ماكوو وضل بالي وجيت اسئل عليك
امير : اني ماااحبج ولاريدج جنت اعطف عليج علمود اخوج لمريض
هيه نصدمت
عفاف : جذااااب اني هيج اسوي بيهه بسيطه
عافهه وطلع
ام امير : لزمتهه : يمه صلي على محمد لو تطلع نخله براسج مياخذج اول شي انتي جبيره اكبر منه ب5و6سنين وثنين اخوج مخبل و3زغير وطايش وينه وين لزواج استري على نفسج وعلينهه واخذي اخوج ورؤحي كبل لتنفضحين هوه ولد عادي
عفاف ضلت تبجي : بس اني احبه
ام امير : يي يمه ابني حلو وينحب (شوف لعجوز ) بس يمه هوه مو مال زواج مايعرف مسئوليه
راحت عفاف
وضل اموري يفتر بالشارع ويم اصدقائه ويسئلهم شلون يحجي ويه اهله لان يعرفونه هوه مو مال زواج وماعنده شغل ولاعمله
بس يحس برؤحهه ضايع وراح اضيع منه سلمى ولازم يسوي حللل
واحد من اصدقائه مقرب اله (حسن )
حسن : عندي اقتراح اني وياك اهليناا حاسبينا طايشين وماعلينه اعتماد ليش منثبتلهم العكس
امير فرح : شلووون ايدي على ايدك
حسن : تعال نرؤح لساحه لنهضه هنااك مركز تطوع امشي نطوع بالعسكريه بعد هنااا لعسكريه اتسوي زلم ومو اي احد يتحمل هاا شتكول اموري
امير : من دوون تفكير ولاياخذ رئي اهله /مووافق
راحوو وقدموو وسئلو شنو لمطلوب منهم ونطونهم استماره انضمام كملوهه واخذو موعد التحاق وطبعااا محد يدري بيهم
وتاخر اموري لليل وامه ضل بالهه عليه
اما اموري قبل ليرؤح لبيتهم يعرف رجعه ام عباس شوكت انتضرهه لحد مرجعت واجه عليهه
امير : شلونج خاله
ام عباس : هله بيك خاله كل لهله
امير : خاله عندي شغله وياج هم اوصلج وهم احجيلج
ام عباس : خير خاله شكوو
امير : خاله انتي تعرفيني وتعرفين اهلي ومااكلج اني خوش ولد ومااكلج عندي وماعندي صحيح اهلي عدهم
قاطعته : اني اعرف لحجي كله لتلف ودور كول شتريد بالضبط حتى اعرف شكي بمحله او لا
امير : خاله مباشر اني احب سلمى واموت على لكاع لتمشي عليهه ولهوه اليفوت عليهه اغار منهه وحتى اثبتلج اني احبهه اني اجيت افتح الموضوع وياج لان انتي المسؤله لاول ولاخير عليهه واني مااكلج هسه اريدهه لان ادري هيه زغيره بس اريد اخذ حجايه منج متنطينهه لاحد غيري لان اني سجلت عسكري وراح اداوم يعني راح ارؤح مااعرف سنه سنتين بس اريد حجايه منج لان ادري حجايتج تعادل 10زلم لان انتي مو مره انتي اب وام والزلم ترؤحلج فدوه
سكتت ام عباس ضلت ساكته هواي تفكر
وكالتله ام عباس : باجر اردلك جواب
امير : باجر وره صلاة الفجر التحق ومااعرف شوكت ارجع
ام عباس : صلي وتمر علينه من تريد تلتحق ويصير خير خاله

رجع امير للبيت وامه خايفه وقلقانه عليه وشافته لازم علاكه بيهه ملابس عسكريه وجهه ميتفسر
ام امير : يمه اموري خيرك ضل بالي عليك
امير : يمه مابيه شي كل لخير
اتعشى وكل لامه وين اخواني عندي شي وياكم كلتله بالطرمه كاعدين يسمعون اخبار
راح كعد يم اخوانه وهاي اول مره يسويهه ويكعد وياهم
كال الوالده
امير : يابه تره اني سجلت عسكري وباجر ارؤح التحق
اخوانه نصدموو لان مماخذ رئيهم وقراره مفاجه
والد امير : بكيفك تتصرف غير تشورنه دكول لخوانك
امير : هذا قراري واني مستعد اتحمله ونتو تحجون عليه ودكولون انته زعطوط وماعدك حجايه واني قررت اصير رجال ويكولون العسكريه تربي وتخرج زلم
امه ضلت تبجي يمه تريد تموت نفسك متريد رؤحك ليش يمه اموري مقصره وياك بشي طالب مني شي ومامنطيتك
امير : يمه مو شغله فلوس اني لازم اكبر اريد ازوج واكون عائله ماريد ابقه اموري اريد اصير امير
والده : توكل على الله يابه شوكت ترؤح
امير : يابه باجر لفجر
والده خلص احنه نوصلك
امير : لالا اني اصدقائي يجوني ورؤح وياهم
حضر نفسه وحضر غراضه بوسط بجي امهه وعائله كلهه مصدومه بقراره وخوانه يحسون هوه صدك تغير بس يبقى اموري لزغير ويخافون عليه مهما كبر
----
كعد لفجر كمل غراضه وحضر جنطه ولبس ملابسه وزين شعره ودع اهله وامهه شبكتهه ومقبلت تعوفه بعدين باس ايدهه وراسهه
امير : يمه ادعيلي يوميه وادعيلي ارجع بالسلامه
ام امير : يمه ولله كلبي وربي راضي عليك طريقك اخضر ترؤح وترجع بالسلامه
وصلوه اخوانه للشارع وراح لبيت ام عباس ولكه ام عباس منتضرته بالباب
سلم عليهه
ام عباس : رؤح يمه الله محمد وعلي وياك وسلمى الك مصير لغيرك سنه سنتين هيه الك
طبعااا هوه طار من لفرح وهاي الحجايه الخلت كل المصاعب تهون عليه وتحمل تدريب لعسكري وكل ميتعب يتذكر لحجي ورجع يقوي نفسهه وهذا كوله علمود سلمى
---------------------------------
لهناااا خلص لبارت اتمنى يعجبكم وشويه تفاعلو يعني مشاهده هواي وتصويت وتعليق قليل ليش اذا ميعجبكم كولو حتى
ماااكمل اعوف لرؤايه 😟 😐.