في قَلبـ♡ــي فتاة جننتني 😍(مكتمله)

تعارف

بالبدايه ملاحظه : انو امير مو ابن عم سلمى هوه اقاربهه من بعيد
من عرف امير من والده انو عدهم اقارب وعدهم اولاد وابوهم متوفي وامه رادت ترؤح تشوفهم وتتعرف عليهم لانهم لانزلين جدد بالمدينه جبرت امير ايرؤح وياهه ف اجت الغرفته
ام امير : يمه اموري فدوه اريد ارؤح لام عباس (هيه ام سلمى ) ابوك كال رؤحلولهم تعرفو عليهم لان نازلين هنااا جدد
امير : (الشفيه ملتهي امهه تحجي وهوه ملتهي يكتب رساله لعفاف صاحبته )
امير :حبيبتي (هاي الرساله كاعد يعبر من كلبه هههه ) تعجز الكلمات عن وصف مايجول في داخلي حبيبتي التي اراها ليلا ونهاراا (لا لا مو حلوت خلي اغيره شكتب هاااا اكووول اممم لبنات يحبن لغزل اكثر احبكي في ليل ولنهار انا نائم وصائح لا لا اني هواي دست بالحجي )
ام امير : وهيه تباوع عليه وهوه ملتهي بالرساله ؛: ولك يمه احجي وياك باوع عليه خايب هسه ارؤح اكول لخوك احمد يطيح حضك اطيح بس اكوله يكتب رسايل للبنات تدري شيسوي بيك
طفرت من مكانه امير وكبل وكف امير : لايمه دخيلج حبيبتي وين تردين اخذج انعل حتى لبنات ام اموري الورد اخذج على ضهري وباس امه (لوكي مو بيده )
راح امير هوه وامهه لبيت اقاربهم بيت اهل سلمى وطبعاا هوه ضايج لان مكمل لرساله
من وصل لبيتهم دك لباب مره ثانيه منفتح الباب
امير : اهووو يمه يمكن نايمين خلي نجي غير وكت منعرف وضع اهل لمدينه احنه نكعد من لصباحيات وهوه يحجي ويه امه يدك بالباب وممنتبه وفتحت لباب سلمى وصارت لضربه براس سلمى امه نتبهت فزعت وكلتله
ام امير: صخام صخمك اموري شسويت طاحت لضربه بالبنيه
امير انتبهه ضل يباوع عليهه وشاف بنيه زغيره حلوه مدبدبه كصيره وصاحبه ضفاير طوال وباوعت عليه ضلت تبجي بدون صوت ودنكت
امير : لعفوو يبنيه ام لكصايب (ام الضفائر ) وحس كلبه مدري شبي طال من لفرح
وهيه ضاجت منه ومحجت شي طب جوه
طلعت امهه (ام عباس ) رحبت بيهم ودخلو جوه وجان لمفرؤض امير من يوصل امه يرجع بس مرجع(لكن هاي الحادثه الي كلبت كيانه وغيرت امير 180درجه )
ملاحظه / امير صحيح يعرف هواي بنات لكن صدفه لخلته شاف سلمى مو مجرد شخص اجه زار اقارب مجرد انو شاف سلمى وبرائتهه وجهه لمستحيل ينساهه ولخله صورهه رسمت بكلبه/ )
ام امير : هااا اموري يمه رؤح اني اتاخر شويه يم بيت ام عباس ساعه ورجع
امير : ضل يتلفت يباوع بالبيت شاف اولاد ثنين ازغر منه ب4و5سنين لا لا اريد اتعرف على ذولي ونصير اصدقاء طبعاا هوه يريد حجه علمود يشوف سلمى (ابو درب )
ضل امير يتعرف على الولد عباس / واخو لازغر منه وصادقهم وشافهم عائله بسيطه مع ذلك جان فكره من يتعرف على الاولاد يكدر يطب ويطلع يشوف سلمى اثناء كلامه ويه عباس انتبهه على سلمى تسوي جاي للخطار ومطيتهم ضهره وهو ضل يباوع عليهه وشعرهه لطويل وطولهه كصير شكل طفولي بنيه مختلفه
مر الوقت ورجع امير من بيت اقاربه ويه امه بالطريق
ام امير : اكلك يمه امير منك من لشيطان صاير عاقل عد لعالم خاف مسويلك مصيبه وتريد اسدلك هااا لا لا خاف فليساتك خلصن وتريد فلوس يله ميخالف مادام وصلتني شكد متريد انطيك امييير حاجيني (امير صافن ) هوه يفكر شوكت يرؤح مره ثانيه يشوف سلمى )
لزمته امه من ايده : اموري يمه بيك شي
امير : هااا يمه هاا لا لا ماكو شي بس خطيه ذولي كرايبنه من زمان اني اول مره اعرف عدنه اقارب هناا حلوين وحبابين اويلي على جمالهم يمه وعدهم برائه تذوب لصخر هاا يمه وو (قاطعته امه )
ام امير : يااا انته شتحجي وحدك ولك علمين تقصد
انتبهه امير : هاا لالا اقصد اولادهم خوش ولد تعرفت عليهم يمه كل يوم نرؤحلهم
ام امير : هااا وصويحباتك ييمه تعوفهن ونته مو متحب تلعب ويه لزغار
امير : لايمه لا ذولي ايتام ولله وصانه بيهم يي يمه اريد اسئلج بداعت لعزيز لغالي
ام امير : ولك منوو ا
امير : لوالد غير عندج غيرهه
ام امير : يااا طركاعه تجي على راسك كوون
امير : لايمه لا ابداعتي ابداعتي خلي اسئلج
ام امير : احجي بله
امير : يمه ابوهم متوفي منو يصرف عليهم
ام امير : هاي خطيه ام عباس هيه صارت امهم وابوهم
امير : يمه بعدهه زغيره شلون تطلع تشتغل
ام امير : ولله يمه ولله لوكت خلاهه هيه جانت مدلله وابو عباس مجان مقصر بس يمه الدنيا تفتر وهيه مره تعرف تحافظ على نفسهه ولشغل مو عيب واهل لخير ساعدوهه ونطوهه كم فلس فتحت محل تبيع مخضر بي ومساعدهه بتهه لزغيرهه لان خوانهه بالمدارس وخواتهه مزواجات
امير (متفاجا ) يااابنيه وياااسوك لسوك ليمنه
ام امير : وللك يي يمه لسوك ليمنه  وبتهه سلمى وياهه لفتحت لباب ترؤح قبل امهه تفتح وتعزل لحد نتجي امهه
امير بضوجه : وليش هيه ترؤح مو عدهه خوان وبعدين هيه حلوه ميصير ترؤح
ام امير : يمه غير اساعد امهه ومحد الهم وخوانهه بالمدرسه محد موجود وهيه لازم ترؤح
امير : زين مكالت شوكت تفتح ونتي واقصد اخذج لسوك وحتى تشترين منهه او تردون مسواك اني ارؤح اجيب
ام امير : شنوو يمه اول تالي انته تروح اشو انته ترؤح لسوك بس ويه صاحباتك لو متواعد لو عندك مصييه

امير : ليش يمه ضالمتني اني ابنج لزغير اخر لعنقود حبيب كلبج بساع تنطين بيهه
(اثناء ذلك وصلو للبيت ومازال امير يسولف ويه امه ويسائلهه عن تفاصيل بيت ام عباس وامه حجتله كلشي )
___________________________
ولهناا خلص لبارت اتمنى يعجبكم انطوني رئيكم بي
احبكم 😘😍 صوتو وعلقو حتى اكمل