💖 الباأإٱآرت الثاأإٱآلث 💖
تأخذني الذكرى
لأاول يوم ذكرى
اول همس
أول حرف
أول عطر
حتى آخر جنون !!
يبعثرني حنيني اليك
تبعثرني ترهاتي عنك
يؤلمني ذاك القصي حين يتذكرك انت فقط دون سواك
في عيونهم ارى طيفك
همسك
و جنون ضحكاتك
صحيت على اذان الفجر بالضبط دخلت الحمام - اكرمكم الله - وتوضيت ولبست اجلالي وبديت اصلي صليت الفجر وكنت ابكي بقوة بس هالمرة كنت ابكي على اخواني الي خسرتهم انا عارفه انهم يبون مصلحتي ...يا رب اصلح احوالنا يا الله وترجع علاقتي باخواني احسن من الاول يا رب اذا هالزواج خير لي خله يتم بدون مشاكل واذا شر لي يا رب تبعدني عنه وتبعده عني يا رب اذا قصرت بصلاتي وبواجباتي الدينية تسامحني يا رب احمي اخواني واختي سارة يا الله واحمي بنات عمي وعيال عمي يا رب احمي جدي وجدتي وطول بأعمارهم يا رب ارحم امي يا الله واهديها وتحنن قلبها علي يا رب اعطيني الخير لي وابعد عني الشر يا رب العالمين .....
قمت بروح المسجد اصلي ومريت من غرفتها وسمعت انينها وسمعت شهقاتها الهادية مو غريب علي صوتها لاني تعودت اسمعه بآخر الليل اسمعها وهي تصيح اسمعها وهي تشهق يتقطع قلبي عليها اكثر شي اكره بحياتي اني اسمع صوتها انينها وهي تصيح دخلت الغرفه عندها ولقيتها تدعي شافتني وطاحت دموعها قربت منها ومسكت يدينها بس هي حضنتني
انين تصيح : سامحني ..تكفى سامحني
عبدالعزيز : خلاص لا تبكين
انين تشد على اخوها : لا تخليني امانه
عبدالعزيز : والله ما بخليك بس خلاص
انين : عارفه انكم زعلتو مني لاني وافقت بس غصبن علي والله والله ..تكفى يا عزوز لا تخليني مقدر اعيش بدونك والله انا مابي اتزوج والله بس غصبن علي صدقني
حضنتها بقوة وانا احس بألم بصوتها : اشش خلاص لا عاد تبكين يا قلبي هدي خلاص ان شاء الله كل شي ينحل
انين : والله مو قادرة ارتاح وانتو زعلانين مني عزوز انا مالي غيركم تكفى لا تخلوني تكفى
عبدالعزيز : انين انتي قطعة من قلبي كيف بخليك انتي الحين اهدي وانا بروح اصلي بالمسجد وانتي نامي وارتاحي زين
انين : بترجع صح
عبدالعزيز : اكييد
قمت ورحت للمسجد بعد ما تأكدت انها فسريرها ومرتاحه ...
________________________________
★ في الصباح ★
عهود : يعني انا مو عارفه نتجهز ولا لا
ميهاف : بنات يعني انا شفت نفسيتها مو نفسية زواج
ليين : حنا نخليها نفسية زواج
عهود : شلوون
ليين : دقيقه ..انييين انووون انييييين
انين : شفيكي جيتك لي تصارخين
ليين : يلا تجهزي بنطلع
انين : وين
ليين : بنروح نتسوق
انين استغربت : انا بروح معاكم
ليين : يا ماما حنا بنجي معك لان هذا عرسك
انين تغير وجهها : يعني شتبون الحين
ليين : نبي نروح نتسوق معاكي
انين انحرجت : بس ..شسمه انا ...يعني
ميهاف تدخلت : دقيقه اتصل على راكان
ليين : اوكي بسرعه
عهود : اريام وقوت ما بجون معانا
ليين : ما اعتقد
انين : نشوفهن اذا بجون معانا
ميهاف : ما بجون انا متأكدة خلونا احنا نروح نتجهز ونطلع بسرعه انتو اسبقوني بشوف راكان
البنات : زين
اخذت جوالي ودقيت على راكان : صباحو ...نايم ...اشواا ابيك تاخذنا للسوق ...انا وانين ولين وعهود ...تكفى راكان ...طلبتك يا رجال ...بليييييز ...تبيني انذل اكثر من كذا ...يا سلام انتظرك تحت ...اي لا تخاف ما بنطول ...سلام
عهود : خلصنا
ميهاف طلعن عيونها : شلووون خلصتو
عهود : خلصنا
ميهاف : انا اعرف بنات يوقفون قدام المرايا ساعه يتجهزون وينهم
ليين ضحكت : هههه حبيبتي اعرف راكان لو طولنا يروح ويخلينا
ميهاف : اجل كذا ..زين هو تحت ينتظرنا
انين : بنات ضروري اروح انا يعني مدري علفاضي
ميهاف : انين عارفين نفسيتك زفت بس نبي نغير جو
انين : طيب لي تبوني اجي معكم
عهود : يا بنت وش بلاك انتي عادي نروح نتسلا شوي
انين استسلمت : زين مشينا
طلعنا كلنا وركبنا مع راكان
البنات : السلام عليكم
راكان : وعليكم السلام
ميهاف : عسا ما طولنا عليك
راكان : هالشي محيرني لي ما طولتو
ميهاف : قلنا ما نبي نخليك تنتظرنا
راكان : بتروحون تتسوقون للعرس
ميهاف : اي
راكان : تنزلون لوحدكم انا انتظركم بالكوفي زين
ميهاف : اوكي
نزلنا وطالعت المكان حولي كبير ووسيع والناس وااجد هنا طالعت فيهن احس اني غريبه يعني ما اطلع وااجد ولا اعرف شي حسيت بالخوف بس الي خلاني مرتاحه شوي ان البنات كانو معاي ريحوني شوي
ميهاف : بنات طالعو هذا الفستان يجننن
عهود : اي والله صادقه حتى لونه
انين : لا احسه ثقيل شوي ...يعني مليان لمع وكذا
ليين : معاك حق
عهود : تعالو ندخل هنا
ميهاف : كويس اني اخذت بطاقة راكان ولا جينا نسوي لايك ونطلع
انين ضحكت : هههههه حلوة ذي لايك
عهود : بنات المحل ذا كل اسبوع اجيه ما في شي جديد
انين استغربت : كل اسبووع معقوله
عهود : اي كل اسبوع نجي انا والبنات اذا عجبنا شي نشتري واذا ما عجبنا نرجع البيت
ليين : لي انتي ما تجين يعني
انين ضحكت : هههه اخر مرة جيت هنا من اربع سنين يا ثلاث ما اذكر
ليين وعهود انصدمو : شلوووون معقوله
انين : اي امي ما تسمح لي اطلع ابدا
ليين : كيف ما تسمحلك وحنا لا جينا عليكم تقول انك طالعه
انين طالعت فيها : قصدك محبوسه بغرفتي
ميهاف حابه تغير القصه : بنات حنا نبي نتسوق خلصونا
انين : بنات المحل ذا باين في اشياء حلوة مشينا عليه
عهود : بنات شوفن ذا يهببل
ميهاف : يوييل قلبي الا يجنن
ليين : ذا سعودي مصدق
انين : يمما بنات والله اخاف سكتو
ميهاف : كيف وانا اجيب راسه
انين فتحت عيونها : استحي يا بنت لونك رجال ما سويتي كذا اركددي بس
ميهاف : اصبري شوي ما بنخسر شي بنخرفنهم شوي ونروح ..دقيقه من معاها محرمه
ليين ضحكت : خذي
عهود : بس انتي منقبه
ميهاف : احسن ما يشوفني
شفتها تمشي لين الرجال وانا قلبي يدق من الخوف احس انها بتسوي شي كبير
ميهاف : عفوا اخوي
الشاب : هلا اختي
ميهاف : ذا طاح منك قبل شوي
الشاب استغرب : مني انا
ميهاف : يب ..قصدي اي
الشاب ابتسم : اسف هذا مو لي يمكن غلطانه
ميهاف " يلبى هالضحكه " : انا شفته طاح منك
شفته جالس يتكلم مع بنت استغرب : فارس
فارس التفت له : جيت
الشاب الثاني : من هذه
فارس : هذه تقول هالمحرمة طايحه مني
ميهاف : اي شفتها
الشاب طالع في : اي هذه لي جيبيها
ميهاف طالعت في : يا كذاب هذه لي ..-يربي-
فارس ابتسم واخذ المحرمه : خلاص جيبيها
ميهاف راحت بسرعه : يممما بنات وش ذا
انين قامت تضرب فيها : وش سويتي ااه وش بقولون عنك موب محترمه يا غبيه انجنيتي انتي كيف تروحين له ميف انا هنا قلبي بغا يوقف شلوون سويتها
ميهاف : بنات يجنن يجنن يزينه ربي يحفظه
انين ضربتها : ان ما انعدلتي بعلم راكان يعدلك صدق الي استحو ماتو مخبوله انتي ااه
عهود : ريلاكس انون تراك مكبرتها ترا مو اول مرة تسويها
انين بعصبية : وانتي بعد وانا اقول عنك عاقله يويلي انا وش طلعني معكم لو باقيه بالبيت ابركلي
ليين ضحكت : ههههه بنات انين دقه قديمة
ميهاف : انشهد
انين : ترا ان ما انعدلتو بخليكم واروح
عهود : خلاص خلاص يبوي بننعدل شفيك
انين : الحقوني اشوف ويا ويلكم ان سويتو شي بذبحكم
ليين : امرك سيدي
مشيت قدامهم وانا احس من عصبيتي بولع بالمول كله من الخوف قلبي بيطلع برا -وفجأة- ااااااه - رجلي خبطت بالباب حق المحل وبغيت اطيح بس مسكني واحد
الشاب : عسا ما تأذيتي
قمت بسرعه وبعدت عنه : انا بخير
الشاب : انتبهي ترا خطر يمكن يقص رجلك
انين : مشكور ياخوي وما قصرت
الشاب : لا اش دعوة ما سويت شي
ليين : اخر الهياط مسويه فيها قائد بغيتي تقصين رجلك
ميهاف تضحك : بتتزوجين ورجلك مقطوعه
انين طالعت فيهم : بسم الله علي كلو تبن بس
فارس : انت وش تسوي هنا
الشاب : بغت تصفق وجهها بالارض وتقص رجلها
فارس : وش دخلك انت طيب
الشاب : ساعدتها
انين : مشكور وما قصرت تقدر تروح
فارس ابتسم : ثامر امش
ميهاف طالعت في " يويلي وش صار لي انا "
ليين : انين مشينا بنتأخر على راكان
انين : زين خلونا نخلص بسرعه امشي ميهاف
ميهاف مبحلقه بفارس
عهود : ميهاف امشي
ميهاف لا حياة لمن تنادي
انين ضربتها على راسها : خزيتي الرجال يبنت ميهاف : بنات طحت بالحب
عهود : امححححق من حب وش هالحب ابو عشر دقايق
انين : تراني مليت منكم ومن سوالفكم وش ذا خلاص استحو شوي لا حووول حرااام الي تسوونه حراااااام
عهود : اوكي خلاص سكتنا
فرينا المحلات كلها واشترينا الي يعجبنا وما خلينا شي بخاطرنا ولاول مرة افرح بخروجي مع البنات حسيت اني حرة ومو مسجونه حسيت بقيمة الحياة صحيح جننوني البنات بس فرحنا بهالطلعة
عهود : ويي بنات رجولي
انين : وانا بعد نفسي انقطع تكفون خلونا نشرب شي
ليين : مشينا نشتري لنا شي نشربه
انين : ابي موويه تكفوون
ميهاف : انا ابي عصير برتقال
انين طالعت فيها : انتي ما عندم احساس ابدا وتتأمرين بعد -وتقلدها - انا ابي عصير برتقال
ميهاف : مشينا يلا
رحنا واشترينا كل وحده شي تشربه انا شريت لي مويه وميهاف عصير برتقال وليين كولا وعهود ايس كافي وجلسنا عالطاولة
ميهاف : بنات ابي نفس الفستان
عهود : يوم تتزوجين بنجيب لك نفسه
انين : زواج الغبنه
ليين : يبنت انسي
ميهاف : اقولكم احساسي
انين : تكفين انتي واحساسك عاد
ميهاف : والله لاقول احس ان هالزواج ما بتم
انين طالعتها : يا رب احساسك يكون صح
عهود : بنات يعني مدري لي طاحت براس انين بس
ليين : الحظ الاقشر وانا اختك
انين : الا من قرادة حظي من يوم يومي منحوسه ومقرودة الحظ
ميهاف : يعني بكرا ميهاف بتكون زوجة ياسر
ليين : يوم الجمعة موب بكرا
انين : افرقت يعني كل ابوها يوم
ميهاف شهقت : بنااااات راكان
انين : نسيينا لنا ثلاث ساعات هنا
عهود : يويلي مشيينا بسرعه
رحنا نركض بسرعه واتصلنا على راكان بس ما يرد : يا ربي وينه هذا
انين : تلاقي مو سامع الجوال
ميهاف : اففف وش بنسوي الحين
انين : خلونا نروح وين ما نزلنا وننتظره هناك
عهود : اي مشينا
ليين : بنات خايفه
انين : لا تخافين ان شاء الله ما في شي
وقفت شوي وانا اشوف سيارته واقفه : بنات هذه سيارته
انين : متأكدة
ميهاف : اي شفيك مشينا لها
رحنا لها بس تفاجأنا بشباب عندها وصوت صراخ وضرب
ميهاف صرخت : رااااااكان
انين خافت : يمما من ذول
ميهاف تصارخ : وخخرو عنننه تكفووون
راكان : ميهاف روحي من هنا
ميهاف صرخت : راااكان وراك
لفيت ورا وشفت احد معه عصاه ما حسيت الا بضربه على راسي بس ظليت اقاوم كانو ثلاثه وكل واحد معه عصا
انين تصيح : وخخرو عنه شتبون منه
عهود مسكت شنطتها : بنقعد نتفرج لين يذبحوه اضربو
مدري كيف مسكت شنطتي وقمت اضرب بش هم كانو كبار ويضربون ميهاف تصيح وتصارخ وما في احد غيرنا يساعدنا
ليين : يا كلب يا نذل تحسبها مرجلة تضرب شاب لحاله يا حيوان انا اربيك
عهود : تحسبنا بنقعد نتفرج في
ميهاف ركضت لراكان : راااكان راااكان قووون تكفى قوووم راكان
راكان فتح عيونه : ميهاف روحو من هنا بسرعه
ميهاف : وين بخليك وانا واروح
راكان وقف على رجوله ومسك واحد وقام يضرب فيه وانين وعهود بشنطهن يضربن واحد والثالث يتهاوش مع ليين وميهاف
شفنا هواش من بعيد : ثامر شوف هناك
ثامر : ويين
فارس : يا رجال اركض بنات يتضاربون مع شباب
قمنا نركض انا وثامر ووصلنا عندهم شفت واحد مسك عصاته وبيضرب بنت بس ما لحقت امسكه وضربها
عهوود بصراخ : انييين ...يا قلييل الخاتمه تضربها من ورا يا كلب والله لاربيك يا حيوان
ثامر : فارس امسكه
مسكت واحد وقمت اضرب في وثامر يضرب بواحد والبنات متجمعات كلهن على واحد وفي شاب طايح وبنت طايحه
ثامر : بتصل على الشرطه
فارس : اي اتصل بسرعه
بعد ربع ساعه جت الشرطه وشالتهم والاسعاف تأخر شوي
ميهاف تصيح : رااكان تكفى قووم قووم
ليين : ميهاف خلاص ما يصير الي تسووينه ما في شي كلها ضربه خفيفه
فارس : لا تخافين بكون بخير
ميهاف : راكان يا عيوني تكفى قووم والله ما عاد اطلب منك اجي اتسوق خلاص قووم تكفى راااكان
ثامر : يا بنات شوفو هالبنت وش صار لها
عهود : انين ..انين قوومي انووون ...نبي مويه ليين شوفي داخل السيارة
ليين : اي في خذي
عهود : انتو تقدرون تروحون ما قصرتو
ثامر : لا يا بنت الحلال وين نخليكم ..حنا لازم ناخذكم للمستشفى فارس رح جب السيارة
