💖 الباأإٱآرت الحاأإٱآدي عشر 💖
جالسه ومقهورة من الي صار : يمما وش بنسوي بنظل كذا يعني اخواني معطين هالبنت فوق حجمها لازم اسوي شي
سارة : يمما شرايك نروح للمزرعه
منيرة : اي والله ..نروح لي لا
سارة : يمما بروح اجهز نفسي والله ما يتهنون بدوني ..اجل بنت الحرام تاخذ كل شي لها
منيرة : قومي يبنيني قومي اوريهم اوريهم
رحت غرفتي وجهزت نفسي وانتظرت امي " والله ما اخليك تتهنين يا انين والله "
ابو عبدالرحمن : وين بتروحين
سارة : بنروح انا وامي للمزرعه يببا
ابو عبدالرحمن : خلاص اوصلكم انا .. اخلصو
طلعت انا وامي وركبنا مع ابوي ورحنا للمزرعه
________________________________
وصلنا للمزرعه ونزلت مع اخواني طبعا كل واحد من جهة وعبدالرحمن ماشي قدامي حسيت اني شخصية مهمة وذولي حراس لي ضحكت على شكلي بينهم : ههههه
طالعت فيها وشفتها تضحك : وش الي يضحك يا ست انين
طالعت بعبدالعزيز : شكلي بينكم انتم طوال وانا قصيرة بينكم يعني شي يضحك
معها حق اشكالنا تضحك يعني ثلاث نسخ مثل بعض قدامها وهي قصيرة وحنا طوال يعني شي يضحك صدق : لا يكثر بس
لاحظت شي ..شي حلو واقف عند المسبح ..كانت لابسه عباتها وشيلتها مع كذا عرفتها من وقفتها ..او قلبي عرفها ..وشفت بنت جايه من وراها
كنت واقفه قدام المسبح اكلم فيصل اخوي وما سمعت الا وفي احد صرخ من وراي : اريام
لفيت بسرعه وزحطت رجلي وطحت بالمسبح وبصراخ : اااااااااااااه ..." طحت بالمسبح طبعا اخاف من المسبح وما اعرف اسبح "
وقفت اطالع ب أريام منصدمه ونسيت انها ما تعرف تسبح : اريااام ..اريااام ..هاتي يدك
كان راسي يطلع وينزل وحسيت الهوا ينقطع شوي شوي وميهاف تحاول تساعدني وهي بعد ما تعرف تسبح وكنت بغرق وهي تنادي علي الغبيه ذي بغت تذبحني وبدل ما تقوم تنادي احد يساعدني تمد يدها : ميهاف ..ااااه نادي احد ..اااااه بسرعه بغرق اااه ..
وقفت منصدمه مكاني ودموعي تطيح : وش سويت ..ذبحتها ..ذبحتها ..اريااااام اطلعععي تكففى ..قووومي ..اريااام ..قوومي
طلعت من الصاله وسمعت صراخ عند المسبح وشفت بنت تصيح قربت منها وشفت شي صدمني ..شفت اريام طايحه بالمسبح وبصراخ : اريااااااااام ..
نقزت بالمسبح بدون تفكير ورحت لها رفعتها فوق : اريااام ..اريااام اصححي ..ارياااام
حملتها وطلعتها من المسبح وقعدت اضرب على وجهها : ارياام اصحي ..ارياام اصحي ..اريااام ..انتي لي واقفه هنا روحي نادي احد سوي شي
كنت واقفه اصيح مكاني ولما صرخ علي عبدالعزيز او مدري من هو المهم واحد من التوأم ركضت بسرعه للڤله
مسكتها ولفيتها علي جنب عشان تطلع المويا الي دخلت : اريااام ..ارياااام اصحي ..تكفين اصحي ..لا تسوين كذا ..كله مسبح ارياام اصحي ..اريااام قووومي ..
حطيتها على جنب ونزلت رقبتها وقمت اضرب على ظهرها بشويش عشان تطلع كل المويا الي بلعتها : يلا ارياام قوومي يلااا
قامت تكح وتطلع المويا الي بلعتها : ككح ..كححح ..كحكح .. عبدالعزيز ..انت هنا ..معاي
بدون شعور حضنتها مدري كيف سويت كذا : كنتي بتذبحيني ..كنتي بتذبحيني
غمضت عيوني وانا اكح وحسيت ببروده فتحت عيوني وانا مو مستوعبه اني بين يدينه وبحضنه : بس انت ذبحتني ..ذبحتني
فتحت عيوني على كلمتها وفكيتها بسرعه ووقفت وشفت الشباب جايين : غطي راسك
طالعت في وغمضت عيوني وغطيت راسي
ركضت بسرعه لأريام : ارياام شفيك شصار
طالعت بعبدالعزيز وشفته كله مويا : عزوز انت بخير فيك شي
ابتسمت لأنين : لا تخافين ما فيني شي ..بس برد هنا ..بروح ابدل ملابسي زين
خليتهم ورحت للمجلس جلست وحطيت يديني على راسي " شسويت يا عبدالعزيز شسويت ..شسويت "
ركضت بسرعه لأريام : اريام شصار
مسكت يد فهد ووقفت : لا تخاف مافيني شي
مسكتها من كتوفها : تعالي باخذك غرفتك
طلعت مع قوت وفهد للغرفه
كنت واقفه بعيد شوي وقربت مني انين : شفيك ..لي تبكين
طالعت بأنين وحضنتها بسرعه : والله مو قصدي كنت بمزح معاها ..ومدري شلون طاحت والله موب قصدي ..والله ..والله
حضنت هالمسكينه كانت تبكي بقوة : خلاص ما صار شي شوفيها بخير الحين وما فيها شي
ميهاف : اشتقتلك ..اشتقتلك يا انين ..لي كذا عذبتيني ليي ..لييي ..تخلين توأمك تعاني لي لي ..حرااام عليك
استغربت من كلامها : انا ..بس ما سويت شي
طالعت فيها : شلون ما سويتي شي ااه شلون انتي خليتي اصيح كثير واتعب عشانك
انين : بس انا الحين اشوفك كيف اعذبك واتعبك معاي ..انتي زينه
طالعت فيها بإستغراب : وشوو ..انين شفيك انا ميهاف ..شصايرلك
انصدمت لما قالت لي ميهاف : ميهاف ..انتي ..ميهاف ..مو مصدقه اخييرا شفتك ..
حضنتها بقووة : ما تدرين شقد اشتقتلك والله اشتقتلك وااجد ..لو تدرين وش صار معاي ..تعرضت لحادث قوي ..ونمت بالمستشفى فترة ..بس مو مصدقه بعد كل هالسنين شفتك
استغربت بالحيل من كلامها : اي سنين و اي خرابيط ..انين حنا قبل اسبوعين كن...
جيت بسرعه ومسكت يد انين : انين انتي لازم ترتاحين الحين موب زين توقفين كثير
طالعت بعبدالرحمن : عبدالرحمن طالع هذه ميهاف اخيرا شفتها بعد كل هالسنين شفتها مو مصدقه والله
طالعت بميهاف : اي ..سنين ما شفتو بعض ..صح ميهاف
استغربت من كلام عبدالرحمن : سنين ..
عبدالرحمن : انين انتي ادخلي داخل وانا بجيب جوالي من السيارة ..يلا
هزيت راسي ورحت داخل
وقفت قدام ميهاف : ميهاف سمعيني زين وش بقول لك ..انين مو متذكرة اي شي قببل الحادث ..ولا شي لا ياسر ولا زواجها ولا حتى انتي ..ابيك تقولين لببنات وتوصيهم انهم لا يجيبون سيرة قدام انين فاهمه .. حنا بنقول لها كل شي بس موب الحين
كنت اسمع كلام عبدالرحمن منصدمه : نست كل شي ..انا وزواجها والبنات ..يعني ..كل شي انمسح من راسها ..مو متذكرة شي ..شلون
عبدالرحمن : ميهاف اعرف هالشي بزعلك بس انتي تعرفين كل شي مرت في انين ولازم تساعدينها زين ..
مسحت دموعي وهزيت راسي : لا تخاف انين عيوني
