size="4"]💖 الباأإٱآرت الراإأٱآبع 💖
احتجتك ذات مساء
وهمست لنفسي
أترا يعلم انني أحتاجه
أترا هنا يتفقد ذكرياتي معه
أيأخذه الحنين الي
فبدا لي طيفك
واجتاحتني همساتك
فاحتضنت نفسي
ولملمت مابقي مني
وسخرية القدر تتلقفني
جالسين على البحر نطالع بالموج كيف يروح ويجي احس اننا مخنوقين ما ندري وش نتكلم في حتى : الحين جايبنا هالمشوار عشان البحر
عبدالعزيز : مخنووق يا فارس مخنوق
فارس : كل ذا عشان زواج اختك ياخي لو انها حبيبتك ما سويت كل ذا
عبدالعزيز : ااااه يا فروس لو تدري وش انين بالنسبة لي ...هي بنتي الصغيرة تصدق انها تعرف عني اشياء انا عن نفسي ما انتبه لها كل اسرار عندها من يوم كانت صغيرة والكل يتحكم بها بس بحضوري ما حد يقدر يتعرض لها تخاف من الكل الا مني فارس انين هي كل شي اعيش عشانه ...البنت الي احبها ما جا حبها شي قدام حبي لانين
فارس : والله ياخي انت مدري وش اقولك لهدرجه
عبدالعزيز : تصدق عمري ما حسيت اني اخو غير مع انين او اني ابن غير مع انين امي وابوي دايما مشغولين وما حد ينتبه لاكلنا وشربنا غيرها
فارس : طيب لي مانع زواجها
عبدالعزيز بعصبية : لان ياسر واحد نذل نذذذل تعرف وش يعني نذذذل دااااشر وما يستحي على وجهه ماضيه اسود من عتمة الليل
انصدمت من كلام عبدالعزيز كانه يتكلم عن عدوه مو ولد عمه : اخوانك يدرون انك هنا
طالعت بفارس بسرعه وضربت راسي : يوووه نسيتهم يا ربي تلاقيهم قالبين الدنيا علي من امس ما جيتهم ولا يدرون عني
فارس : الله يهداك يا عزوز امش امش طيب
قمنا ورحنا للسيارة وجينا بنركب بس نسيت جوالي وين ما كنت قاعد : عزوز انتظرني بجيب جوالي شكلي نسيته
عبدالعزيز : زين بسرعه
رحت وين ما كنا جالسين واخذت جوالي وجيت بروح بس يوم لفيت لقيت قدامي وجه اعرفه زين وحافظه ومو قادر انسا ابدا : انتي ...شجابك هنا
كنت اطالع في صاير احلا من قبل وشخصيته بعد متغيرة عيونه فيهن حقد كبير وابتسامته اختفت قلت وانا كلي شوق وخوف : شلوونك
طالعت فيها وانا كل الي اتمنا احضنها وادفنها داخل ضلوعي بس كرامتي وعقلي يقولون لي اذبحها ولا تقرب منها رحت من قدامها بس نادتني وصوتها الي ما تغير للحين بعقلي : شتبين الحين ااه شتبين دمرتي كل شي فيني شتبين ...روحي من هنا احسنلك فااهمه
حسيته تأخر وجيت بشوفه بس انصدمت يوم شفتها واقفه : الييين
طالعت بعزوز الي منصدم مكانه من وجودها : عزوز خل نمشي
قلت بعصبية والحقد عاميني : شجابك الحين ااه بقى شي ما سويتي في شتبين الحين
شفت ردت فعل عبدالعزيز وردة فعل فارس وكنت خايفه وقلبي يدق : ف..فارس ا..نا ابي مساعدتك
ضحكت باستهزاء على طلبها : تبين مساعده لو كنتي اخر بنت على وجه الارض مستحيل اساعدك ...تدرين لو يطلع بيدي كان دفنتك هنا وريحت الناس من شرك وكذبك انا الغلطان تصدقين الي كذبت كللل الناااااس وصدقتك انتي ليتني سمعت كلام اختي واخوي وخوياي ...روحي يا بنت الله يستر عليك ويحفظك مالك عندي شي ابدا ...
سمعت كلامه الي طالع مت قلبه بس انا اعرف انه للحين يحبني وينتظرني : اذا ما ساعدتني بطلب المساعدة من ثامر...
قاطعتها وانا معصب : اليييين يا ويلك لن قربتي من ثامر كفايه الي سويتو في ترا كره حياته بسببكم اتركووه بحاله ولو سمعت انك تكلمتي معاه وربي لتندمين فاااااهمه ...عزوز مشينا
رحنا انا وفارس بدون لا نسمع ردها وكان الهدوء سيد الموقف
بعد هدوء داام ثلث ساعه قلت : تسويييها
فارس : شقصدك
عبدالعزيز : تروح لثامر
فارس بتردد : مدري
عبدالعزيز : بس هي لي جت الحين
فارس : مدري يا عزوز مدري
عبدالعزيز : بتعلم ثامر
فارس : ثامر لو عرف انها بالسعودية يمكن يذبحها
عبدالعزيز : ياخي ابي اعرف شتبي الحين شتبي لي جت لييي
ضحكت على طريقة عزوز : الي يسمعك ما يقول انها كانت حرمتي كانت حرمتك
عبدالعزيز بعصبية : هذا الي قاهرني انها كانت حرمتي
قلت وانا ندمان : ليتني سمعت لكم لييتني
عبدالعزيز : انسا وانا اخوك ...وقف هنا عند البقالة بشتري موية
فارس : جب لي معك كندر
ضحكت عليه : هههههههه جب فلوس
فارس : كل تبن بس ورح
رحت وانا اضحك عليه : ههههههه
دق جوالي وكان ثامر وخفت يكون درا : هلا
...شفيك ...شلووون ...ااااه اي ...انا وعزوز ...اي ...لا بنجي ...عزمك ...معقوله ...زين زين اكلمك
ركبت السيارة ولقيته يكلم بالجوال : من تكلم
طالعت في وابتسمت : لي تغار علي
عبدالعزيز : كل تبن بس
فارس : كنت اكلم ثامر
عبدالعزيز : درااااا
فارس : لا يا رجاااال بس قالي ان عمك اعزمه
طالعت في مستغرب : عمي عزم عمك ليي
فارس بتردد : بسوون ملكة وزواج بيوم واحد
انجنيت حسيت ان جنون الانس والجن قدامي شلوون بسوون الملكة والزواج سواا حسيت راسي بيتفجر وما عاد قمت شي قدامي : فاارس ...
طالعت في لقيته يدوخ قدامي : عزوز شفيك
عبدالعزيز بتعب : المستشفى ..خذني
فارس حرك السيارة وبسرعه للمستشفى
________________________________
قمت الصبح سويت لي كوفي وانا للحين فاقد حس عزوز مو من عادته يغيب كذا رحت لغرفته بس ما لقيته : عبوود ...عبووود
عبدالله : يا عيوون عبود شتبي
عبدالرحمن : عزوز وينه
طالعت بعبدالرحمن : موب بغرفته
عبدالرحمن : لا
عبدالله : الساعه تسع الصبح وهو غايب من امس وييينه
عبدالرحمن : طيب حاول تدق عليه
عبدالله : دقيت امس ما يرد مغلق
اخذت جوالي وحاولت ادق بس مغلق : مغلق
عبدالله : وييينه
عبدالرحمن بضيقه : احس صاير معه شي
حسيت بضيقه خفيفه بس ما بينت لعبدالرحمن : طيب نتصل بأحد اي احد وينه
عبدالله : عزوز مو صغير تلاقي طالع مع اخويا
عبدالرحمن : عبود ماني بزر عبدالعزيز متضايق ونقدر نحس في شفيك انت
عبدالله : طيب وش نسوي
دق جوالي وكان فارس : هلا فارس ...الحمد الله ...لا بس مشغول شوي ...لا والله بس عزوز مختفي ...-وبخوف- شلووون ...ويين ...زي جايك ...اي اي ...سلام
عبدالله : شفييك
عبدالرحمن : عزوز بالمستشفى
طالعت بعبدالرحمن وانا مو مصدق : كييف
مسكت عبدالله من يدينه ورحنا مع بعض للمستشفى وظلينا نسأل لين لقينا غرفة عزوز وشفنا فارس واقف عند الباب : وييييينه
فارس : لا تخاف هو بخي...
قاطعت فارس : فاارس ويينه
فارس : داخل يسوون له تح...
ما كملت كلامي الا واثنينهم داخل الغرفه
الدكتور : لا تخافون بخير
عبدالرحمن : سلطان شصار له
سلطان : تعرفون ان عبدالعزيز قلبه ما يتحمل لي تخلونه يتضايق
طاحت دمعتي غصب عني على اخوي هو مو بس اخوي توأمي ونصي الثاني : عزوز قووم
سلطان : عبدالرحمن قلتلك الدخان موب زين له صح لي ما تسمعون الكلام انتو
عبدالرحمن : هو يقوم الحين واتفاهم معه ..عبود امسح دموعك ما في شي هو بخير
صحيت على اصواتهم عندي : دحووم
عبدالرحمن : يا غناتي
عبدالعزيز : شفيك تصيح انت
عبدالله : ما اصيح من قال
ضحكت بصعوبه : هههه انا عزوز لا تخاف
عبدالرحمن : ياخي نذالتك هذه ما بتخليها شقلت لك انا الدخان انسا انسااااا يرحم امك
عبدالله : انت بس قم وانا اوريك شغلك
عبدالعزيز : احد يدري
سلطان : لا تخاف امان
عبدالرحمن : شصار معك ..وين كنت
عبدالعزيز : كنا انا وفارس عند البحر ..الا فارس وينه
عبدالله : واقف برا
عبدالرحمن : خلي يدخل
رحت ناديته ودخل عندنا : فوراس ذا سلطان ولد عمي
سلمت عليه : يا هلا
سلطان : هلا بك والله ..عندي شغل بطلع
الشباب : موفق
عبدالرحمن : كمل
عبدالعزيز : كنا عند البحر وحنا مروحين ضاقت فيني الارض وصحيت هنا
عبدالله : عزوز حنا توأم يعني عارفينك زين وش صار معك ضايق كذا
فارس : عمك عزم عمي وابوي
عبدالرحمن : عزمهم ليي
فارس : بسوون الملكة والزواج مع بعض
انصدمنا انا وعبدالله اخوان العروسه واخر من يعلم : شلوووووون
فارس : شباب تعزوني
عبدالله : افااا يا فورااس
فارس : خلو كل شي على مسرا ..صدقوني لو تدخلتو بتكبر القصه وبدل ما يصير عرس بتقلب تحدي وانتو بغنا عن هالشي خلكم هادين واذا مقسم يصير هالزواج بصير واذا لا لو وش ما يسوون ما بتم
عبدالرحمن : فارس انت مو فاهم شي ياسر ..
قاطعت عبدالرحمن : دحووم خل ايمانك بالله كبير صدقوني كل شي بهون خلكم مع اختكم وساندوها وادعموها ولا تزعلوها
حسينا ان كلام فارس صدق لازن نساند انين وما نتخلا عنها لازم نكون معها وندعمها ولو هالعرس مقدر له يتم بتم واذا لا ما بتم ...........
________________________________
صحيت على صلاة الفجر وصحيت ميهاف وليين وصحيت انين بس ما صحت عرفت انها تعبانه وخليتها تنام صلينا الفجر مع جدتي وقرينا قرآن لين طلعت الشمس وحضرنا الفطور ورحت اصحيها بس ما قامت وفطرنا مع جدي وجدتي
الجد : سمعوني يا بنات وش بقول ...بكرا مو بس ملكة
ميهاف : شلون يعني
الجد : بكرا ملكة وزواج
انصدمنا كلنا حتى جدتي
الجده : وش هلكلام يا رجال
الجد : اي والشباب واعمامك بتكفلون بكل شي تحضيرات وزينه وكل شي
ليين : بس يا جد...
قاطعها جدي : مابي اسمع شي
قمت وانا معصبة : الحمدلله
عهود : الحمد الله
ميهاف : الحمدالله
الجده : ما كليتن شي يا بنات
ميهاف : الا يا جده اكلنا ..اكلنا
رحنا كلنا وطلعنا الغرفه وانين بعدها نايمه طالعت الساعه وكانت تسعه ونص : كل ذا نوم
ميهاف : تلاقينها تعبانه
ليين : بنات انين اذا عرفت وش بتسوي
عهود : مدري
قمت من وانا احس اني ما شبعت ابي انام بزيادة لقيت البنات جالسات علارض ويتكلمن : صباح الخير
طالعنا فيها شلون مبتسمه كانها بزر : اي صباح الساعه تسع
طالعت فيهم منصدمه : شلوووووون
عهود : كل ذا نووم حشا لك كم سنه ما نمتي
قمت بسرعه : احلفي راحت علي صلاة الفجر
ميهاف : صحيناك بس ما قمتي
انين : شلووون ما حد صحاني والله
عهود : يا قلبي كنتي تعبانه امس عشان كذا نمتي بدون لا تحسين بشي عادي
جلست عندهن : اففف بس
ميهاف بتردد : انيين لو قالولك ان يبون الملكه والزواج بيوم واحد توافقين
انين : اكيييد لا
طالعت بعهود وانا خايفه : انيين ..شسمه يعني جدي وعمي يعني قررو ...ان الملكة والزواج بكرا
فزيت بسرعه من مكاني : شلوووووووووون
قمت بسرعه ومسكتها : انيين اهددي اهددي
طالعت بعهود وليين وميهاف : الملكة والزواج مع بعض بكرا طييب جدي قال نقدر نحدد شهر من بعد الملكة ليي
دخلت وانا قلبي يتقطع عليها : ياسر يبي كذا امس جا وتكلم مع جدك وقال يبي الملكة والزواج مع بعض
حضنت جدتي وانا دموعي على طرف عيوني : ليي يا جده لييي
الجده ' فاطمه ' : يبنيتي لا تخافين حنا معك وان شاء الله ما يصير الا كل خير
غمضت عيوني دقيقتين وانا احاول اقنع نفسي اني بصحى من الكابوس الي انا في بس قام يطرا لي اشياء ثانية اني بكون زوجة ياسر وحياتي معه وكيف بيتعامل معي وامه واخواته حسيت اني ابي اصارخ بكل ما عندي من صوت
عهود : انين فيكي شي تبين شي
انين بحزن : خلاص ما بقى شي
ميهاف : انين خلي ايمانك بالله قوي
انين : ايماني بالله عمره ما كان ضعيف بس الي ماله حظ بالدنيا لا يتعب ولا يشقى
ليين : انين سمعيني خلك قوية ما نبي احد يتشمت فيكي زين
سمعت اصوات اخواني من تحت كانهم ينادوني :كان اخواني تحت
عهود : جده في احد تحت
الجده : لا جدك راح لربعه ...
ميهاف : البسو على روسكن خل ننزل
لبسنا على روسنا ونزلنا وشفنا البيت معفوس ادوات وزينه وعمال وناس واخواني بينهم
الجده : وش قاعد يصير هنا يا عيال
عبدالرحمن طالع بجدته ومسك يدين اخته : عندنا عرس لاحلى عروسه ونبي نزين البيت
طالعت باخواني الي كل واحد ابتسامته مزيفه وقاعدين يجاملوني وهم ما يدرون الضيقه الي بصدري : ماله داعي كل ذا عرس بدون عروس علفاضي
طالعت فيها مستغرب : شقصدك
قلت وانا مقهورة : العرس يصير اذا العروسه متحمسه واذا العروسه عايشه بس بحالتي انا ميته بس جسد يتنفس بدون قلب لانهم شلو قلبي من داخل وخلوني مرمية عندهم الكل يتحكم فيني على كيفه
طالعنا فيها كلنا منصدمين من كلامها وشلون قالته : وش هلكلام
عطيتهم ظهري وطلعت غرفتي : لا تعبون انفسكم على الفاضي
عبدالرحمن : انيين انتظري شوي
انين : عبدالرحمن لا تلحقني مابي اسمع شي
عبدالله : شباب في شي غلط انين حالتها ما طمن وش الي قاعد يصير
عهود : حالتها سيئة وااجد اليوم صحيتها اربع مرات ما قامت حتى صلاة الفجر ما صلتها
انصدمت من هالكلام : شلوووون صلاة الفجر ما صلتها
عبدالرحمن : كانت نايمه صح
ميهاف : الا غيبوبه مو نايمه
عبدالرحمن : هالزواج بدمرها نهائيا
الجده : بكرا بتتزوج وبتروح
ليين : يا رب هالزواج ما يتم يا رب يا رب
البنات : اميييين
الجده : وش بتسوون الحين
عبدالرحمن : بنسوي بالصالة وبكون كبير
طالعت في وانا معصب : تبونها تمووت يعني
عبدالله : عزوز لا تعصب مو ناقصين
عبدالعزيز : شوف اخوك بيسوي بصاله ومدري وشو
عبدالرحمن ابتسم : لو هالزواج تم بذبح نفسي
عهود : يعني
عبدالرحمن : بنات ابي منكم تبقون معاها وما تخلونها وبكرا ابيها ملاك قدامي زين
طالعت بعبدالرحمن : شتبي تسوي انت
عبدالرحمن : لا تخافين اصبري بس لا تنسون
ليين : طيب زين
عبدالرحمن : انين ما تعرف تستعمل الجوال في واحد خليته معها خلو معاكم عشان اذا احتجت شي اتصل عليكم
عهود : زيين
عبدالله : كاني دلة بينكم فهموني
عبدالعزيز : انت دله وانا مزهرية
عبدالرحمن : ابي منكم تشوفون صاله كبيرة وكل الترتيبات ابيها جاهزة
عبدالله : يالحبيب شدخلنا حنا لازم ياسر يسوي كل شي
عبدالرحمن : لا تخافون انا كلمت فيصل وبسوي كل شي انتو الحين خلص وقتكم تقدرون تروحون
عبدالعزيز : احلف يا شييخ اشتغل عندك انا
عبدالرحمن : عزوز تكفى سوي الي اقولك عليه
عبدالرحمن يمسكني من نقطة ضعفي : زين
عبدالله ابتسم : يا حلاة توم وجيري مع بعض
الجده : انتبهو على انفسكم زين
الشباب : زين يا جده
طلعت غرفتي وانا حابسه دموعي ما حبيت ابين قدام اخواني اني ضعيفه رغم قلبي المكسور دخلت عهود وكان مبين عليها زعلانه : ليي زعلانه
عهود : انيين لي دخلتي قلبي
ابتسمت على كلامها : انتي قلبك بابه مفتوح
ضحكت على جوابها : هههه لييتك اختي
طالعت فيها : عادي انتي اختي اصلا
دخلنا انا وميهاف حبينا نغير جو : بنات شرايكم نسوي شي
عهود : وش بنسوي
ميهاف : امممم كل وحده تتكلم عن فارس احلامها
ضحكت على تفكير ميهاف : ههه اماا فارس احلام مرة وحده
عهود : طيب يا انسه ميهاف وش تبين يكون صفات فارس احلامك
غمضت عيوني واول شي جا ببالي الشاب الي قابلته : تذكرون الشاب الي شفته
ليين : اياا
ميهاف : ذاا الطويل المعضل
فطست ضحك على ميهاف : ههههههههههه الله يقلع ابليسك يا بنت حلوة ذي الطويل المعضل
عهود ضحكت : ههههههه قال طويل معضل
عصبت عليهم : اقوول اصصص خل اكمل
ليين : كملي يا حبيبتي
ميهاف بحب : تصدقون احس اني طحت بحبه مدري كيف قمت اتخيله بكل شي
انين : ذا اسمه هبال مو حب
ميهاف : مدري حب هبال غرام اي شي المهم قمت افكر في وساكن بعقلي
ليين : احسه كبير
عهود : احتمال يجي بعمر عبود
طالعت بعهود : نعم نعم نعم وش قلتي يا ماما
عضيت لساني " الله يغربل العدو " : بعمر عبدالله اخوك
انين : كان من شوي عبود شصار الحين
عهود : انين خلااااص
ابتسمت عليها : تحبينه
انصدمت من سؤال انين : ها لا انين خلاص
انين : ايشبك امززح
ميهاف تصارخ : طييب خلووووني اكمل
انين : كملي لا يقرح لك عرق
ميهاف : بنات والله حبيته شفيكم حبيته
ليين : حبتك قرادة زين ..دوري الحين ابي مثل اممم ابي هندي
ضحكنا كلنا على تفكير ليين : هههههههههههههه هندي هههههههههههههههههه اجل بنزوجك بقرة
ليين عصبت : بقرة تنطحكم زين
انين : عاد انا مابي لا هندي ولا فرنسي حتى ابي واحد يحبني كيف ما انا يحبني على طبيعتي ابي يحترمني ويثق فيني وابي ما يقارني باحد واكون انا كل شي بحياته يهتم بأدق تفاصيلي ويهتم فيني وما يزعلني ابي يهتم لزعلي ولفرحي ابي لما اكون معه انسا العالم كله وانسا كل شي عشته بحياتي ابي واحد يحبني ويغليني وينسا كل شي بحضوري وما يحب علي اي وحده هذا فارس احلامي ...
طالعنا بانين منصدمات كل ذا طلع منها : من انتي ..يعني كل ذا
ميهاف : عاد انتي بتبقين بدون حب طول عمرك حبيبتي الاسباني ما عنده حب وخرابيط
ليين : والله الهندي ابرك لك
عهود : عاد اشوفه شي عادي كل وحده تتمنى شي زي كذا
انين بيأس : وليس كل ما يريده المرء يدركه
ميهاف : بكرا بتكونين متزوجه
انين : اقدر اطلب منكم طلب
عهود : اطلبي جعل ما يطلب غيرك
انين : ابيكم تلبسون مثل بعض وما تبعدون عني ابدا تبقون لاصقات فيني
ميهاف : نلبس مثل بعض كلنا
انين : عادي تلبون لي هالطلب
عهود : من عيوني انا موافقه
ليين : وانا موافقه
ميهاف : وانا موافقه
انين : بنات بدلتي وين
عهود : خبيتها
انين : مالي نفس اشوفها والله
عهود حضنتها : يا قلبي انتي ما عليك ربنا يفرجها ...
________________________________
قاعده بالصالة تقرا المجلة : انيين انينو انين
الخدامه : ماما انين مو موجود
منيرة : يووو نسيت ..سوي لي كوفي بدون سكر
الخدامه : حاضر ماما
اوريكي يا انين رحتي عند جدتك وارتحتي اوريكي
ابو عبدالرحمن : منيرة منيرة
منيرة : هنا
ابو عبدالرحمن : سمعيني بكرا العرس وابي كل شي جاهز
وقفت بسرعه : عرس من
ابو عبدالرحمن : عرس انين عرس من يعني
منيرة : نعمممم بتزوجها من
ابو عبدالرحمن : شفييك ياسر
منيرة : وانا مو موافقه
ابو عبدالرحمن : لي انتظر موافقتك يعني سمعيني البنت بتتزوج فكيها من شرك خلاص -وراح -
دخلت البيت وشفتها وافقه وباين انها معصبه : السلام عليكم
منيرة : وعليكم السلام ها سمعت انين بتتزوج
عبدالله : اي في شي
منيرة : وهي وافقت
عبدالله : الا طايرة من الفرحه لييتك تشوفينها يمما كم مبسوطه
منيرة : جعلها بالبلا هالملسونه
عبدالله : يممما شهلكلام
منيرة : خلكم دافعو عنها اصلا هذا الي تبغا تبغاكم تبعدون عني تبيكم تظلون تحت جناحها هالكلبه
عبدالله : لا حول ولا قوة الا بالله يمما حراام عليك شفييك انتي وش سوت لك هالمسكينه كافي متحمله ظلمك شتبين فيها
منيرة : جعلهم بالموت هي وهالزوج الي بتاخذه امحححق بس
عبدالله : لا اله الا الله ..امنت بالله وش ذا انا الغلطان الي جيت هنا بروح
رحت بدون لا اسمع اي شي منها
منيرة بكره : اوريك يا انين والله ما تفرحيين
الخدامه جت : ماما كوفي
منيرة رمت الكاسه : روحي من وجهي
________________________________
راكان : يمما يمما
ام راكان : بالمطبخ
رحت المطبخ ولقيتها قاعده تقطع الخضره : شلونك يا الغالية
ام راكان : بخير بشوفتك يماا
راكان : وين ميهاف تساعدك
ام راكان : ميهاف عند جدتك
راكان : الا يمما نسيت اقولك بكرا زواج ياسر وانين قرروا الزواج والملكة مع بعض
ام راكان : شلوون
راكان : ويبون الكل بكرا يكون موجود
ام راكان : جدك وعمك بيدمرون حياة هالبنيه
راكان : عاد يمما صدقتي هالبنيه ما في مثلها
ام راكان : شقصدك
راكان توهق : ها ولا شي بطلع الحين ...الا سلطان وينه
ام راكان : عنده دوام اليوم
راكان : الله يوفقه ...تبين شي يالغالية
ام راكان : الله يوفقك يا يمما انتبه لنفسك
طلعت من البيت ورحت للمكان الي احبه التفحيط اخذت سيارتي ورحت افحط وش بسوي يعني مالي غير هالتفحيط الي مسليني دق جوالي وكان فيصل : هلا فويصل شلونك ..لا والله بروح افحط ..شتبي الحين ..الحين لي ..زين جايكم وينكم ..اي عرفتها خلاص دقايق واجيكم ..سلام
لفيت ورجعت للشباب الي ينتظروني وصلت لهم ولقيت التوأم وفيصل ينتظروني : عسا ما شر شصاير
عبدالرحمن : نبي فزعتك يبو راشد
راكان : ابشر بالفزعة شتبي
عبدالله : نبي العرس يطلع مضبط
تفاجأت بطلب عبدالله وهم رافضين هالزواج من اساسه : شلووون
عبدالرحمن : هاا وش قلت
راكان : ابشرو بس شتبون مني بالضبط
عبدالرحمن : عزوز لي ساكت
عبدالعزيز : فكوني من هالشي بظل قاعد هنا ..وواصور سناب زين بس فكوني من هالمبزرة
فيصل : تصدقون عاد احس ان بصير شي
عبدالرحمن ابتسم : عاد تصدق انا ما احس انا متأكد ان في شي بصير خلونا نشوف شغلنا بكرا بنشوف جدي وابوي وش بسوون
عبدالله : فهد وينه
فيصل : مدري والله
