عشاني؟
مابي احد يجبر قلبه ويحبني..
ليش اعلمكم كيف تعطوني وتحسسوني بحياتكم من اكون؟
بتكون اسهل اذا مشينا على مبدأ ؛
كثر ماتحبوني (عاملوني)
وانا اوعدكم اني (افهم مكاني وقدري وين)'≠
• • •
اشوف..
اسمع..
انتبه..
وادري..
دير بالك ؛ ترى افهم..واستوعب..بس ما اعلّق..'≠
• • •
الضو خافت
الجو بارد
وبقى دفى صوتك وانت تنور علي احلامي بكلمة
(تصبح على حبي وهو يكبر!)'≠
• • •
خف علينا..ياللي حاط في بالك اني ابدي يومي لجلك..
السؤال اللي يطرح نفسه ؛ تدري كم واحد يدعي ربه لجل بحياتي
ياخذ مكانك؟'≠
• • •
يا كيف يبدون باهتمام جبار
وبعدها يقل؟..جد يخلون الواحد محتار
يشك هل قلبهم مني مل؟'≠
• • •
نكابر لجل مانخسر العشرة..ونقول يلا نعطيهم خطوة جديدة
افعالهم ساعة حلوة..وساعات مرة
لي هنا عاد خلاص..!
ميسّرين وفرصة سعيدة'≠
• • •
هدوء الليل يجذبني..
اتمنى لو الليل قلب ؛ عشان اعشقه..!'≠
• • •
بين رغبة كبيرة تسكن قلبي اني ارجع معاك مثل ماكنت..
وبين صوت فيني يصرخ ؛ ( لأ ، تراه مو مقدر وجودك )'≠
• • •
ماني من الطراز الاول شاعر..ولاني اديب افهم بادوات الكلام..
انا بسيط واقولها من الاخر..كلمتين بقلبي اكتبهم قبل لا انام
فياض الكلام اللي فيني ولاتكفيني سطور..!
عشق، والم، وقلب مكسور..
او حب وغلا واعجاب وغرور..
المشاعر اللي بقلبي صافة اثنين اثنين وبالدور..'≠
زحمة حكي🍃
علي نجم✨
