الم الحياة

part 2

بارت 2
للكاتبة
(روجين القريشي)...(فرح الشكري)

 لليل ردنه نطلع من بيت ام صلاح بس لحت علينه انو نبات لان اول مره ندخل لبيتهم بقينه يمهم لليل اجه صلاح اول مادخل عيونه عليه اني استحيت وبقيت كاعده يم امي ماكمت صار وقت النوم توسلن بيه جناين ام صلاح انو انام بغرفة وحده منهن بس ماقبلت وفرشت يم امي ونمت كعدت الصبح لكيت الريوك صاير كمت كبل غسلت وجهي وعدلت روحي ورحت للمطبخ صبتلي زهراء (جنة ام صلاح ) الريوك كلنه وخلصنه وراهه امي كالت يله بنات نرجع بعد لان ابوجن وحده خطيه صارت ال10 الصبح اجه علينه خالي ورجعنه للبيت بس بقيت افكر ليش صلاح هيج باوعلي شيقصد المهم هسه اني ليش افكر بيه هلكد يوم وراح
كعدنه ع عوايدنه ابويه وامي واني واختي واخويه بلطارمه العصر سوينه جاي وكعك بس امي تفكر و علساعه امي كلتلنه كومن عندي موضوع ويه ابوجن ومبتسمه الي صفنت وراهه كمنه اني بقيت واكفه وره الباب اسمع ::
ام هند .. ابو هند عندي موضوع وياك مهم
ابو هند .. كولي ام هنوده
ام هند .. من رحنه لبيت كرايبنه ام صلاح ام صلاح نعجبت ب هند وخطبتهه مني ل صلاح ابنهه واني الله كريم ان شاء الله يصير خير ويا ابو هند منلكه احسن من صلاح ولد مكمل هو الي يسعد بتنه وحته هو يدري كلية صيدله مرحله ثالثه تبقه يمك
ابو هند .. بس هند بعدهي صغيره
ام هند .. ام صلاح كلتلي اخليهه بعيوني لتاكلين هم
ابو هند .. اني موافق بس لازم نسئل هند صيحيلهه
امي صاحتلي اجيت كعدت وسولفولي الموضوع اني مادري بعدني صغيره كلتله بويه اذا انته موافق اني موافقه (جنت عبالي الزواج بس بدلة بيضة وهوسة و يرجعوني لأهلي)
ام هند .. جا نكول مبروك كللللوووش خل اكوم اخابر ام صلاح واكللهه انو موافقين