الم الحياة

part 3

للكاتبة
(روجين القريشي)....(فرح الشكري)

خلص اليوم صبحنه ثاني يوم للعصر تقريب الساعه ب5 امي خابرت ام صلاح وكلتلهه انو احنه موافقين وشوكت متجونه هله بيكم واتفقو انو الخميس الخطبه واني مكيفه ومتونسه عقل صغار بعد صار يوم الخميس واني متحمسه اريد اعرف شون يخطبون اني شلت شعري وخليته مفتوح من وره ونزلت خصلتين ع وجهي ولبست ثوب وردي وحطيت شووويه مكياج ع وردي وخليت عطر بقيت اباوع لنفسي بلمرايه بهل اثناء سمعت صوت الباب وامي تكول ياهله ام صلاح عرفتهم اجو كبل رحت للمطبخ سويت العصير والكيك كعدو واني طبيت سلمت عليهم طبعا بس نسوان الزلم بلاستقبال المهم قدمت العصير والكيك وكعدت حجت ام صلاح وامي بهواي امور مهر ونيشان وهالسوالف اني صافنه ماعرف شنو هاي والمن بعدين اتفقو انو يوم الاثنين اليجي نعقد سيد ومحكمه ومشت الايام وبقو يمنه وصار يوم الاثنين عقدنه بلاول سيد لبست بدله ع الجسم لونهه احمر وتسريحه بسيطه ومكياج بسيط اجه السيد والمعازيم وصلنه لحد موافقتي كلت نعم وبدت الحفله والهلاهل دخل صلاح باوعلي وابتسم بسمة غرور 😏
 بكلبي كلت .. هسه هذا ميبطل غروره ع شنو هيج متكبر 😒😒
المهم انتهت الحفله كمت بدلت لبست دشداشه وشعري بقيته مفتوح والمكياج خليته لان هو خفيف اصلا صار الليل سوينه عشه وتعشو وصلاح طلع ورجع كال رحت يم اصدقائه صارت ب12 بالليل فرشت الهم كلهم بغرفه عدنه مو لاحد ونامو واحنه هم نمنه
صار الصبح كعدنه سويت ريوك وتريكو وخذاني صلاح وامه ويانه نعقد محكمه عقدنه وخلصنه هف خلصت هالخبصه واخيرا