الم الحياة

part 9

للكاتبة
(روجين القريشي)...(فرح الشكري)

ضليت ببيت اهلي 12 يوم واجة خالي وهاب لبيتنة
وهاب...شلونج هنودة حبيبتي
هند...زينة خالو الحمد لله انتي شلونك
وهاب...الحمد لله...اي هنودة شوكت تمشين لبيتج
ابو هند ...لا خوية بعد متمشي
وهاب....ليش ابو هند شصار
ابو هند...خلي اسولفلك (.............)و حجولة كلشي
وهاب....بس انتي الغلطانة
هند....ليش خالو شسويت
وهاب...اولا؛؛؛طلعتي من بيت رجلج بدون علمة
ثانيا؛؛؛شمهما يسوون بيج هذولة مثل اهلج وغصب ما
عليج تستحمليهم
ابو هند....خوية شنو القصة معذبيهة
وهاب....ابو هند بس هذولة بيت اهل زوجهة يعني اهلهة
ومن رخصة ابو هند وام هند باجر ارجع هنودة لبيت عيالهة
ابو هند....خوية هنودة مثل بتك وانتة تعرف مصلحتهة
ام هند....بكيفكم😔
وهاب....خيتي ام هند لتزعلين والله اريد مصلحتهة
ام هند....بكيفك خوية
:::::وهاب اخذهة لبيت ام صلاح واعتذر منهم لأن طلعت هند بدون علم زوجهة و صلاح كاعد يباوعلهة نظرة قاسية فرجع وهاب للناصرية و كالة دير بالك عليهة
هند...شلونج خالة
ام صلاح...هلة ،،هستوج ذكرتيني
هند...لا خالة حشاج دومج مذكورة
::::واثناء ما هند تحجي وي ام صلاح اجة صلاح جر هند من شعرهة
صلاح....لج بنت الكلب تطلعين بدون متكليلي
هند....اسفة والله ما اعيدها بعد
::::صلاح ضرب هند ضرب قوي واجتي ضربة على بطنهة
هند....اااااااه،،، وفقدت الوعي
صلاح....هند هند كعدي
:::حس صلاح برطوبة جوا ف شاف دم
صلاح....يمة يمة الحكي
ام صلاح...ها شكو
صلاح...هند يمة
ام صلاح ...عزة العزاك بس لا ماتت
؛:::صلاح اتصل بالاسعاف واخذوا هند ف خابر اهلهة واجو بعد 3 ساعات وهند بعدهي بالعمليات
ام هند...يمة بنتي راحت يمة بنتي
ابو هند...لك كلب شمسوي بيهة..روح اطلع اطلع ما اريد اشوف وجهك وبنتي بس تطلع من المستشفى تطلكهة
:::طلع صلاح من المستشفى وهو ندمان لأن ضرب هند هيج ضرب هيج و احتمال كبير يخسر ابنة
ام هند...يمة بنتي بس لا تموت 😭😭
ابو هند...اهدي يا مرة ان شاء الله ماكو شي
الدكتورة...منو اهل هند حسن؟؟
ابو هند...احنة تفضلي خو ما بيها شي
الدكتورة... لا بخير حالتها مستقرة،،، هية جانت حامل بتوم مات واحد وبقة واحد يا اما ينجو او لا
ابو هند...زين نكدر ندخللهة
الدكتورة ...حاليا لا بس تصحى تكدرون تدخلولهة
ابو هند...شكرا دكتورة
الدكتورة...الشكر لله
::بعد ساعة تقريبا صحت هند وحالتها مستقرة ف بلغت الممرضة اهلهة ودخلولهة فهية من شافت اهلهة حظنت امهة وكامت تبجي
هند....ها يمة ابني مات
ام هند...لا حبيبتي انتي جنتي حامل بتوم ف مات واحد والله عوضج بالثاني
هند....الحمد لله ..زين عادي اشوفة
ابو هند....لا بنتي لأن حاليا بالخدج
ام هند....يمة هنودة صلاح يدري بيج حامل بتوم
هند...لا يمة ميدري ولتبلغوا اصلا
ابو هند..بس من حقة يعرف بأبنة
هند...لا بابا ميستاهل هو لو يحبني ويحب ابنة ما جان هسة اني بهاي الحالة
ام هند....لا بنتي شلون ميصير
هند...ماما رجاءا اذا تتعاجزون مني ومن ابني عادي اني ادبر امور حياتي
ابو هند.....لا بابا هنودة شنو هذا الكلام
هند...اي بابا واني اربي ابني وحدي
ام هند...براحتج