Mga Tula Para Sa Pag-ibig Kong Nawala

Isang Liham Para Kay J

Nagsimula ang lahat ng sinabi kong
Kamukha mo si Tom Rodriguez
Na sinuklian mo ng iyong
Mga ngiting kay tamis

Naging malapit tayong magkaibigan
Na nauwi sa lihim na pagtitinginan
Isang gabi'y inamin mo
Na ako'y iyong gusto

"Pwede bang manligaw?", iyan ang tanong mo
Nagdadalawang isip, ngunit, "Hindi pwede" ang sagot ko
"Bakit hindi pwede?", tinanong mo ulit ako
"Dahil di pa ako handa", cliché, ngunit 'yan ang totoo

Sa kabila ng lahat, naging malapit tayo sa isa't isa
Ito ata ang "M.U." na tinatawag nila
Ang lahat ng ito'y banyaga sa akin
At ang totoo ako'y natakot na baka masaktan ang damdamin

Ako'y umiwas sa'yo ng biglaan
Na sa huli'y na-miss kita ng lubusan
"Ako'y nagsisisi", gusto kong iparating sa'yo
At hanggang ngayo'y umaasa sa noong sinabi mong " Maghihintay ako"

Ngunit tingin ko'y huli na ang lahat
May nobya ka nang ipinakilala mo pa sa lahat
At ngayon, ang tangi ko lamang hiling
Na sana masaya ka sa kanyang piling.

~IJA~