Mga Tula Para Sa Pag-ibig Kong Nawala

Isang pagkakataon na nais ko nang ibaon

Nagkaroon uli tayo ng komunikasyon
Nag-chat ka isang araw noon
Isang simpleng, "Kamusta?"
Ako'y labis na lumigaya

Sa isang iglap, naalala ko ang lahat
Samahan nating sa aki'y tumatak
Masaya ako dahil parang okay ang lahat
Ngunit di inaasahang luha pala ay papatak

Paminsan minsan kang nag cha-chat
Kwento mo'y miss mo na iyong pamilya
Minsan din ika'y bumabanat
Na di ko maiwasang muli na namang umasa

Isang araw tinanong mo 'ko
Pwede ba akong iyong maging bestfriend?
Kasabay noon sinabi mo
Nag away kayo ng iyong girlfriend

Sa isip ko'y "bakit ngayon mo pa sinabi?"
Ako sana'y handa nang sumugal
Mahal na kita ngunit di ko na masabi
Huli na naman ang lahat may iba ka palang mahal

Ako'y napa isip, hanggang bestfriend lang pala ako?
Bumabalik ka lang kung nag b-break kayo ng girlfriend mo
Langya! Nasaktan talaga ako
Bakit pa kasi ako'y umasa pa sa iyo

~IJA~