(طبعا انتي اللي غلطانة يا "هيا" )قالتها "ميار" إلى "هيا" التي قالت مستنكرة : أنااااااااااا
فقالت "ميار"مؤكدة : طبعا أنا لو مكانة كنت طفشت من بدري
فقالت لها "هيا" وهي تلوح بيدها غاضبة : أة صحيح مهو إبن خالتك لازم تدافعي عنة...
فقالت "ميار"بغضب : و الله إنتي هبلة و بقيتي بتقولي كلام عبيط زيك أنا مش عارفة مالك يا بنتي بردو من قريب قولتيلي إنكم اتخانقتوا علشان مطمنش عليكي في التليفون دة كلام واحدة عاقلة ؟
فقالت "هيا" مدافعة : مش يطمن علية و يعرف أخباري إية مبوحشوش مثلا..
فرفعت "ميار"حاجبيها بإندهاش : و الله هتلحقي توحشية و هو لسة كان جنبك طب إزاي يعني ؟و بعدين يا بنتي مش الراجل دة عندو شغل و لا هو بيلعب كورة هناك؟
فقالت "هيا"بعتاب : إنتي كمان بتقولي زية
فقالت "ميار" مستطردة بهدوء و هي تقترب منها : مهو دة الطبيعي يا "هيا" إن الراجل بيروح شغلة علشان يشتغل
فقالت "هيا" :دا أنا سبت الشغل علشانة علشان أتفرغلة
فقالت "ميار"و هي تقرب وجهها من "هيا" : أنا عايزة أسألك سؤال هو طلب منك تسيبي الشغل ؟
فهزت"هيا" رأسها نفياً : لأ انا اللي سبت الشغل لوحدي
فقالت "ميار" بعتاب : يبقى متلوميهوش و تستني منة إنة يشكرك على إنك سبتي الشغل علشانة
فسألتها "هيا" مستفهمة : يعني إية مش فاهمة ؟
فقالت "ميار"بصوت حاني : يعني يا " هيا " إنسية شوية وإهتمي بنفسك مالك كدة فيكي إية؟
فنظرت "هيا" إلى ملابسها و نفسها و قالت بتعجب : مالي فيا إية يعني ؟
فقالت "ميار"بضيق : اولاً وزنك زاد شوية و إهتمامك بنفسك راح فين؟ و لا علشان إتجوزتي يبقى خلاص ..شوفي أكبر غلط بتعملة الست إنها بعد الجواز تنسي نفسها و تقول خلاص ما أنا إتجوزت ودة بيخلي الراجل يطفش و يدور على واحدة حلوة مهتمية بنفسها و بشكلها و شعرها مش الشعر اللي ضرباة في الخلاط
فنظرت "هيا" إلى المرآة و قالت بإندهاش و هي تمسك بشعرها : أنا شعري ضرباة في الخلاط يا"ميار" ؟
فسألتها "ميار" بضحك: إنتي شايفة إية ؟
فقالت "هيا" معترفة : تسدأي عندك حق أنا لازم أراجع نفسي و أهتم تاني بشكلي و هدورعلى شغل أو أجرب أرجع للشركة اللي سبتها دي يمكن يوافقوا يرجعوني تاني...
أنت تقرأ
حب و لقاء
Romansaدة أول عمل ليه القصة بتدور في إطار إجتماعي و في بيوت مصر الأصيلة شخصياتها أكيد قابلتوهم في حياتكم ممكن أولادكم أو بناتكم يقروها متقلقوش :) مش +18 و الحاجات دي :)
