لست عانس

جزء بلا عنوان 16

نرجس:فعلا!! وبأبتسامه ولاتهتمين هسة بهالايام نكدر نصير صديقات..

مر اليوم الاول بهدوء..

وهاهو اليوم الامتحاني الثاني ..

كان التعب واضح على ملامح نرجس ..

رقية:خيرج ..خومابيج شي

نرجس:لااا بس مالحكت اكمل قراية واحس مامسيطرة على المادة ..

رقية :اهدئي ..وقبل الامتحان اقرأي سورة الفاتحة المباركة واهديها للسيدة ام البنين لقضاء حاجتك ..واني هم حدعيلج

واذا بصديقة نرجس تضحك عاليا..

رقية:اكو شي يضحك !!

الصديقة :لااا لااا سلامتج دااقلب بالتلفون وشفت شي وضحكت مو يمج ..

وصلت رقية لمكان مدرستها ونزلت

ليكمل احمد طريقه مع اخته وصديقتها وفجأة استمع الى حديثها ..

نرجس :شنو شفتي وضحكتي ..

الصديقة:يمعودة جنت اضحك على هاي ..بطرانه لو بيها خير خل تدعي لروحها بلكت تلكه احد يباوع بوجهها ..

نرجس بفضب :ماتوقعتج هيج انتي ..وهاي الماتعجبج ..احسن مني ومنج ..

بعد ان انتهى الامتحان ..انتبه احمد الى ان نرجس عادت لوحدها ..

احمد:نرجوسة لعد وين صديقتج..

نرجس:بعد ماتجي ويانه

احمد:ليش ..

نرجس: اللي يسمعك يكول ماتدري ليش ..وضحك الاثنان..

احمد:والله كبرتي بعيني حيل اليوم ..جنت اتوقعج مثل باقي البنات تفكيرج

نرجس: لااا احمد لااا ..رقية خوش بنية ومامسويتلنا شي حتى نستهزأ بيها ..

انقطع حديثهما ..بوصول رقية:اعتذر تأخرت ..السلام عليكم

رد الاثنان السلام وبقيا صامتين طوال الطريق

في لحظات معينه ..يخلوا

قلب المؤمن من اي شعور الا من شعور الحنين ..حنين للوصول الى رضا الله والأنس به

كاالعادة احمد يستأنس بقراؤة ماتيسر له من القرأن الكريم واذا به يقرا الاية المباركة

(فأصبر لحكم ربك فأنك بأعيننا)

ربي دائما ادعوك ..أرزقني بنت الحلال واحفظها لحد ماتوصل الي برحمتك يارب

يتبع