لست عانس

جزء بلا عنوان 15

مر شهر تقريبا ..بدأت امتحانات نهاية السنة ..وكان كالعادة احيانا تضطر رقية الذهاب الى مدارس بعيدة لكي تكمل الامتحانات الوزارية ..كان احمد يمتلك سيارة وقد كان لديه اخته وبعض الطالبات يوصلهم بطريقه ..

رقية:يمة حيل محتارة ..

الام:ليش ياستار شكو

رقية:امتحانات الوزاري راح تصير بشهر رمضان وبعيد المركز عني وجاي افكر شلون اروح ..

الام:سوي خط ؟؟

رقية مبتسمة :وهو منو وياي حتى اسوي خط ..لازم الكة خط بس الي

الام:شنو رأيج اسأل بيت ام احمد ~~ ابنهم عنده خط واكيد يعرف احد ..

فعلا كان الغروب ..ذهبت ام رقية لبيت جارها ..

احمد:اهلا خالة ..تفضلي هسة اصيحلج امي

الام:لا وليدي اني جايه عليك بموضوع واتمنى ماتفشلني ..

احمد:تأمرين خالة ..كولي

الام : ماعندك خط او تعرف خط يكدر يوصل رقية لدوامها بس هالشهرين ..

أحمد :اسألج خالة واردلج خبر ان شاء الله ..

حاول احمد ان يعثر على خط لرقية لكن محاولاته بائت بالفشل ..وكان يشعر بالاحراج لانه لم يستطع مساعدة ام رقية

طرق الباب :خرج والد رقية

الاب:هلة بحمودي ..شلونك وليدي ..

احمد:بخير خالي .. بس علمود الخط ..تكدر رقية من باجر تجي ويانه بالخط بي اختي وصديقاتها.. واحنه الصبح نمر عليها ..

عند الصباح .. خرجت رقية للذهاب للعمل ..

رقية:السلام عليكم

نرجس :وعليكم السلام ..تفضلي كل الهلا بيج

رقية:تسلمين ..هاي اول مرة اتعرف بيج رغم احنه جيران..