اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقت الفجر..مطر وريح قوية لكنها نسمات جميلة نقية ...وقلب حبيب يناجي حبيبه ..حبيب يأنس ويشتاق للحديث مع حبيبه ..سجادة ومسبحة وسجود بخشوع
'''ربي احفظها وين ماتكون ..واستر عليها حتى تبقى نقية الى ان تأذن لي بالاجتماع بيها ..سبوح قدوس ربي جل جلالك وتقدست اسمائك ..اني اطلب منك سيدي ان تكون اللي تقسمها الي هيج يارب '''
كان هذا احمد ..اكمل صلاته ونزل للجلوس مع اهله ..
احمد:صباح الخير يابة
الاب:صباح الخير ..تعال تريك وياي لاتطلع مثل كل يوم بدون ريوك
احمد:شعندي غيرك حجي اكيد اتريك وياك ..
الاب:شلونه دوامك ؟؟
احمد:عادي لاجديد بس مرات انغث ..
الاب :خير !!شنو السبب
خوماكو شي ؟
احمد:بنات هالوكت وتصرفات بعض الولد ..مكياج صارخ ولبس غريب عجيب وبعضهم اهل سؤء يؤذون بنات الناس ..
الام مقاطعا الكلام:شتريد لعد شنو البنات مايلبسن
احمد:يعني هو الدوام مكان للعرض والتباهي بهيج شي
الام:لعد شنو الوحدة تخربط روحها حتى الناس ترتاح وتبطل حجي
