لست عانس

جزء بلا عنوان 20

في ثاني يوم ..ذهبت نرجس الى بيت رقية

رقية: توقعتج راح تنسين صديقتج..

نرجس: لا والله لااا ..رقية اريدج بموضوع مهم جدا بالنسبة الي ..

رقية:كولي ..تدللين ..

نرجس :عندي فد حاجة مستعصية واريدج تدعيلي الله يقضيها ..

رقية :اليوم وية صلاة المغرب ..ادعيلج الله يفرجها ..بس !!

نرجس: بس شنوو ..

رقية: شنو رأيج ..نروح نزور وندعي يم الامام ..

نرجس: خوش فكرة ..موافقة

كأن الحنين يخترقك ..يقطعك ويوزع اوصالك ..حنين غريب ..تشعر به وانت تلثم اعتاب المكان ..توزع نظراتك ..لتلملم اكبر قدر ممكن من الصور لتكون ذكرى جميلة ..تقترب خطواتك من الضريح ولاتعلم هل هي خطواتك التي تقترب ام هي روحك التي تقترب وتسير لوحدها لتعانق ريح الجنة..اول الغيث قطرات الدمع لتشعر بان انكسار قلبك دليل قبول زيارتك وبان هناك هيبة محمدية اعطتك الاذن بالدخول ..

كان رقية تقترب هي ونرجس وفجأة لاحظت نرجس دموع رقية الغزيرة ..

قرأو دعاء الزيارة واتموا الزيارة وجلسا في مكان بقرب الامام..

نرجس: شبيج رقية؟؟

رقية: محتاجة انه الامام بمقامه عند الله يعطيني القوة حتى اتحمل ..

نرجس: شتتحملين ..

رقية: اتحمل الناس اللي اعرفهم واعرف تفكيرهم ..اعرف غاياتهم وتعبت من التمثيل انه اني ماجاي انتبه ..اعرف يسموني عانس ..واني مو عانس ..اني وحده واثقة انه الله سبحانه منع عني شي لمصلحتي وانه اذا اراد يقول للشيء كن فيكون لكن بوقت هو اعلم بي..

تدرين نرجس ..الناس تلوم عبأتي وتكول هي السبب بان اني لحد هسة ماتزوجت ومايدرون هي مصدر قوتي وثباتي..

نرجس:حيل دااحترم تفكيرج رقية ..وحيل جاي اتعلم منج..

رقية: الله يقضيلج حاجتك بحق السيدة الزهراء ..

اكملا الزيارة وعادت كل منهما..

بعد اسبوع تقريبا ..كانت ام احمد قد اتخذت قرارها وذهبت بمفردها لتخطب ريم لتتفاجأة..

ريم :خالة اني اصلا مامفكرة باحمد واريد اكمل دراستي..

عادت الام لتخبر احمد بان ريم رفضت الموضوع ..وانه يستطيع ان يخطب من اختارها..

احمد بفرح ودهشة:نرجس روحي شوفي رقية شنو رأيها واذا موافقة المغرب نروح نخطب ..

نرجس: رقية دعائج الله استجابه ..وربي فرجها من عنده ..

رقية بفرح :اللهم صل على محمد وال محمد ..الله يسعدج تستاهلين..

نرجس:انتي اللي تستاهلين وبنت حلال ..

رقية:شتقصدين ..

نرجس : احمد اخوية يريد يتقدملج شتكولين ..

رقية: يعني الحاجة اللي طلبتها من الامام الج كانت هاي..

نرجس بأبتسامه ..ايييي

رقية:اني ماعندي اعتراض ولكن الامر امر اهلي ..

نرجس: معليج ..اليوم كولي لوالدج احنه المغرب نجيكم ..مع السلامة..

تمت الموافقة وعقد قران رقية واحمد ..

كل ابتلاء من الله عزوجل اما يرفع درجتك عند الله او يخفف مقدار الذنوب والمعاصي فكن واثقا بأنك بعين الله التي لاتنام ..

انتهى