تزوجت ولكن......... ?

البارت الاول

البارت الاول 🔞
#تزوجت_ولكن...?
#بقلمي_شمس

القصه حقيقه ..
لكن لا استطيع تحديد المكان او المحافضه .. طلبا من صاحبة القصه حفاظا على الخصوصيه ..

القلم ✍️ الج حبي ..
مرحبا اسمي مها عمري حاليا20 سنه .. كنت طالبه سادس اعدادي .. طبعا قبل كولشي خلوني اعرفكم عن عائلتي
ابويه عنده محل مال حلويات ومواد غذائيه بسيطه مطلع محل من البيت .. وامي ربة بيت .. يعني ناس ع گد حالهم ..
عندي اخ واحد واحنه سبع بنات .. امي سوتنا واحد فوگ الاخ عبالهه يجيها ولد وتالي سطرتنا سبعه اني الوسطانيه بأخواتي .. اخويه رضا متزوج وعنده اثنين بنات واخواتي ثلاثه قبلي هم متزوجات وعندي ثلاثه اصغر مني .. بيتنا صغير ومن تزوج اخويه .. اخذ غرفه وبقينا كولنا بغرفه .. #شمس
مااوصلفكم الازدحام الي بالبيت .. لهذا اهلي عبالك بس يردون يخلصون منا .. كل وحده تجيها قسمه ينطوها .. حتى من غير ميسئلون عن اصله وفصله .. تزوجت اختي الكبيره نسرين الواحد اكبر منها بعشر سنوات ..
واختي شيرين الواحد مطلق وعنده اولاد .. وصابرين الي هي صديقتي مو بس اختي لان ماكو فرق بينا هوايه اشهر اكثر وحده تأثرت عليها من تزوجت ..
اخذت واحد زين ويحبها بس امه شويه مأذيتها ..واني الوسطانيه اخواتي البقيه اصغر مني بهواي لان امي قطعت فتره وبعدين رجعت .. ع نفس المنوال ..

اني مواصفاتي شويه مربربه بس جسمي متناسق حلو وبيضه .. طولي متوسط ..
كنت من اطلع للمدرسه واني بالاعداديه .. اني اول وحده اوصل الهيج مرحله ..
كان ابن جيرانه اشوفه بالباب عندهم حديقه خارجيه .. من امر من يم بابهم عيونه متفارقني احس بنضراته اتجاهي بس اني مااتباوع .. اخجل .. #شمس

تكررت هذي الحاله الصراحه هو انسان حلو وحنطاوي ووسيم وعنده شوارب ولحيه .. اوووووف يخبل اسمه رائد ..
كلما اطلع للمدرسه اشوفه ومن ارجع هم عبالك يعرف وقتي .. الي اطلع بي ..
اني تكونت عندي اتجاهه مشاعر .. ع رغم محاجين مع بعض .. يعني بس نضرات واني اول مره احد يتباوعلي هيج .. حسيت اهتمامه الي بنضراته .. الاهتمام الي افتقدته من اهلي بالبيت .. بديت ارتب بنفسي واعدل مع انه ماعندي ملابس هوايه ..
لان حالتنا ضعيفه .. بس كنت نضيفه حيل .. ومره عثرت گبال باباهم .. گال اسم الله وطفر من مكانه وعيونه خايفه عليه .. گال خو ماتأذيتي .. گلتله لا تسلم ..
وتركته ومشيت ولسا ملامح وجهه وشلون خايف عليه ببالي واني اذا اعثر ببيتنا يگلولي وعمى هههههه.

استمرينا شهر ع هذي الحاله .. #شمس
وتالي اختفه رائد بعد ماشفته .. ضجت حيل حسيت اكو شي بحياتي مختفي ..
معقوله كميه المشاعر هذي اتجاهه واني حتى محاجيه وياه ..
كل يوم اطلع وعيني الباب ومن تجي كذلك ..
اووووف وين راح وليش اختفى فجأة ..
وينك رائد عرفهم ع نفسك وعود روح اختفي ..

هههه مرحبا حبايب اني اسمي رائد طالب بكليه الضباط .. جسمي ضخم ورياضي وعندي شوارب ولحيه خفيفه ..
ومرات احلقها بحكم. عملي ..

اني كان طموحي وامنتي ادخل كليه ضباط .. ابويه مستشهد وعندي اخوات اثنين وحدها اسمها ايمان متزوجه والثانيه إسلام بعدهي تدرس .. #شمس

من اجي بأجازه التهي بحديقتنا الخارجيه ارتبها واسقيها .. ولاحظت بنيه تمر من يم بابنا الصراحه مشايفهه قبل او مملاحظها حلوه ومربربه وبيضه ومحجبه .. تجي من الشارع الي ورانا .. احنا جدد بالمنطقه فمااعرفهم ..

بقيت اراقبها وعيوني عليها .. وين متروح .. صراحه بنيه مؤدبه وحبابه .. بقت بس عيونه تحجي سألت عليها عرفت اسمها مها .. وبيوم عثرت ووگعت اخذت گلبي بوگعتها عرفت گلبي بدا ينبض الها .. #شمس

عجبتني حيل حتى حجيت الامي عليها والاسلام .. وگالت اسلام اني اسألك عليها هي بمدرستنا .. بس هي سابقه اسلام بمرحله اعتقد بالسادس لان اسلام بالخامس ..

صار وقت التحاقي وداومت .. بقى بالي يمها وكل يوم اتصل باسلام تجيبلي اخبارها ..
وحمدت بيها تگول خوش بنيه وحبابه ومن ناس ع گد حالهم وفقيره ..

اني مااهتميت الحالتهم .. الاهم عندي الاخلاق وقررت من ارجع احجي وياهه واذا تبادلني نفس المشاعر اخطبها .. #شمس

مها .. افتقدته هوايه وكل يوم عيني ع بابهم وحبيت حديقتهم هوايه .. لان هو الي يعتني بيها .

ارجع للبيت هوسه ويبدي الكراب وكل ساعه يردون يبطلوني واني متحمله الشغل والكراب حتى يخلوني اكمل .. وكلما اشكي الامي .. تگلي شبيدي عليج ..
مره فقيره وماتگدر تحجي ..

اخويه اخو مرته طبعا يباوع الحلگها ليل ونهار بغرفتها اخواتي صغار ومدرسه عدهن وبس اني وامي .. #شمس
بيوم رجعت من المدرسه گالت امي اريدج العصر تنزلين وياي للسوگ اني مااگدر اتسوگ وحدي واشيل المسواگ
قبلت مع انه اظوج اروح لسوگ المخظر من ورى ذولي الي يبيعون المخظر .. عيونهم زايغه وغير الحجي الي يحجوه ميستوحون ..
المهم رجعنا .. وشايلين مسواگ .. وامي تعبت وصار المغرب .. گالت امي خلينا ناخذ تكسي ..

اجرت امي تكسي .. وصعدنا الولد مشال عينه من المرايه كل ساعه يباوع ..ياااا گبر هذا شبي ..
نضراته غريبه .. #شمس
ردنا ننزل براس الفرع ماقبل گال لا اوصلكم للباب ..
امي ع نياتهه .. الله ينطيك خاله ويكثر من امثالك ..
من نزلنا اشو هذا ميستحي عيونه ع جسمي يباوع مع انه ملابسه شي مغري وملابسي محتشمه بس مبين عينه زايغه ..
مااهتميت ودخلنا للبيت .
بدلت ملابسي وبسرعه سويت العشا .. ابويه دخل من المحل .. صلى وخليتلهم العشا وغسلت المواعين ..
ورحت بسرعه حتى الحگ اقرأ ..

خلصت نمت .. ثاني يوم بدلت كالعاده .. ورحت المدرسه وعيني ع باب رائد ..
ليش هيج ياربي بعد مادگ گلبي اله هيج يختفي ..
المن اسأل عليه هسا ..
خلص اليوم بين الدروس والتفكير ورجعت للبيت نفس الروتين كل يوم ..
تعبانه اتغديت وغسلت المواعين ونمت للعصر اجت مرت رضا اگعدي مها اجن نسوان عليج بسرعه .. #شمس

گعدت شنو نسوان .. گالت ماادري احتمال خطابه ومبينه حالتهم زينه متروسات ذهب تگول عمتي خلي تغسل وتلبس ثوب حلو وتجي ..
اي يعمي بعد شتردين لو هيج القسمه لو ماكو ..

اني اتعجبت وصار گبالي رائد بسرعه .. ابتسمت معقوله رائد دز اهله حتى يخطبني فرحت ..
بدلت عندي فستان خيطته اختي نسرين الي بعرس صابرين مخصر وحلو يبرز جسمي وسرحت شعري وخليت طوق بلون الثوب وطلعت ..
#بقلمي_شمس
يتبع... .

❤️❤️❤️❤️❤️❤️❤️
حبايب اذا عجبتكم اكمل ..