تزوجت ولكن......... ?

البارت التاسع

البارت التاسع
#تزوجت_ولكن....?
#بقلمي_شمس

سويت مثل مگلي محمد وخليت الموبايل بملابسي بعد مخليته صامت خاف يدوگ .. #شمس
طلعوا صابرين ومحمد ورى شويه اجه علاء .. گال الدكتوره خرجتج للبيت وهذا علاجج التزمي بي ..

هزيت براسي .. وگمت ع كيفي .. راد يساعدني مقبلت .. مااريده يلمسني تشمأز نفسي منه ..

دخلت البيت امه واخواته يباوعلي بغضب .. اني مااهتميت صعدت للغرفه ..

امه گامت تعيط .. وتگولي الا اكسر خشمج هذا .. مسويه نفسج شريفه علينا ..

اني الالم والحزن الي بيه ميخليني احجي صعدت وقفلت الباب .. #شمس
طلعت الموبايل لگيت محمد زوج صابرين متصل عليه كم مره .. رجعت اتصلت رفضه ورجع. اتصل بيه هو ..
دخلت للحمام حتى محد يسمعني ..
الو محمد ..
الو .. مهاوي ليش متردين قلقتينا عليج وهاي صابرين يمي تريد تسمع صوتج ..
حجت وياي صابرين وهي تبجي .. مهاوي شلونج هسا التزمي بعلاجج وهسا محمد رايح للولد صديقه وحيشوف شيسوون ويتصلون عليج مبقى شي اتحملي حبيبتي ..

مها .. اني ماعندي شي اگوله گولتلهم ان شاء الله وخلص .. لان تعبت وحسيت نفسي ضايعه ورايحه للهاويه .. #شمس
اكيد بعد الي سويته ميرحموني .. ومحمد بقى الحل الاخير الي .. واذا مسوه شي اني انتحر واخلص ..

مر يومين ومحمد مردلي خبر .. واني حالتي بالويل ..
اجت ام علاء .. يله گومي كافي گعده .. البيت خايس صارله كم يوم ..
وصدوگ گمت نضفت وطبخت واني مريضه .. ومااكل ولا اشرب بس اخذ دوا احس معدتي متتحمل بعد ..
بحيث من اباوع النفسي بالمرايه ابجي .. شكلي متغيير ضعفانه وكأنه كبرت عشرين سنه ..
هو هذا الزواج الي كل البنات تتمناه .. #شمس

صعدت الغرفتي .. طلعت الموبايل .. لگيت محمد متصل اتصلت وكالعاده رفضه واتصل هو ..
الو محمد ليش هيج اتأخرت عليه ..
محمد . اعذريني خويه صديقي اليوم يله رجع جان عنده دوره .. وحجيت وياه وفهمته ع الوضع ..
وگلي لازم .. نعرف الاوقات الي يدخلون بيهه ناس للبيت حتى بحجه اجانه بلاغ وندخل ع البيت ونلگيهم بوضع التلبس .. #شمس

مها .. هم اكثر شي وي اذان الفجر لو بالليل كولش ومرات بالنهار ..
محمد .. اوك لعد بس تحسين بحركه اوتشوفيهم اتصلي عليه ..
مها .. اوك .
بقيت مراقبتهم ليل نهار ..
الى ان اجه علاء .. وگلي حظري نفسج انتي صرتي زينه اكو شخص عزيز عليه .. طلبج مني واني وافقت .

اني تخبلت .. لك حيوان تبيعني .. مستحيل اخلي احد يلمسني اقتل نفسي ولا انطيك هاي الفرصه ..
ضربني علاء وحبسني بالغرفه وقفل الباب عليه ..

بجيت وخليت سجادتي وشكيت الربي حالي .. معقوله ياربي متشوف حالتي . انقذني منهم مالي غيرك ..

خلصت واتصلت ع محمد گتله محمد استعجل حباب .. لان علاء يريد ينطيني الواحد صديقه واني اذا ملحگتوا عليه اموتها النفسي وابجي واعيط .. #شمس
محمد خلص منا الباجر راقبيلنا الوضع .. واتصلي دقايق تلگينه يمج اني راح اتصل بصديقي ونتفق ..

فعلا .. صار الليل وبدت الحركه اتباوعت من الفتحه مال باب شفتهم يجهزون بالغرفه الفوگ معناهه اكو احد جاي اليوم ..
خبرت محمد ..گال بس يدخلون اتصلي عليه ..
بقيت انتظر ..
وتالي شفت اجو شباب وعلاء وبنيه يمكن ماانتبهت دخلوا للغرفه الفوگ ..
بسرعه اتصلت ع محمد .. وگتله دخلوا للغرفه .. گال حظري نفسج والبسي شالج .. وواتخبي بمكان خاف يصير اشتباك او اي شي ..

لشويه وسمعت صوت واعياط .. وعرك اني من الخوف ركضت للحمام ..وسديت الباب وابجي وادعي ربي ينجيني .. #شمس

لشويه صار هدوء .. وبعدين سمعت الباب مال الغرفه انضربت عبالك اكو شخص يضرب بيها ويحاول يفتحها خفت كولش تالي صدوگ اخر ضربه أنفتحت .. اني بسرعه قفلت باب الغرفه وكاتمه صوتي وابجي ..

تالي اندگ باب الحمام .. اختي افتحي الباب .. اني صديق محمد هو الي دزاني .. انتي بأمان لتخافين ..

فتحت الباب واني خايفه .. تالي شفت شخص مااتوقعت بحياتي اشوفه ولااتوقعت الصدفه تجمعني بي وبهيج منظر وموقف يشوفني ..

انصدمت وعيوني گامت تغوش لان مماكله والخوف والقلق والصدمه الي شفتها خلتني اوگع ..

گعدت واني بالمستشفى.. گالوا عندي هبوط حاد وفقر دم .. ولگيت صابرين ومحمد يمي حظنتهم وابجي ..
واگولهه صابرين معقوله خلصت منهم ممصدگه .. وين اخذوهم ..
محمد .. لگوهم ماشاء الله .. كولهم متلبسين حتى الام .. واخذوهم للسجن. دا يحققون وياهم ..
بس احتمال يطلبون شهادتج ..لتخافين ماكو شي بعد

صابرين .. حبيبي صدگي انتي خلصتي والله نجاج منهم .. محمد .. مهاوي انتي حتروحين ويانا للبيت وحسبيني مثل اخوج .. واهلج بعد مترحيلهم اني اتكفل بيج لتخافين ..

مها .. اني الي مااريد اشوفهم بعد الي سووه بيه كوله .. دمروا حياتي بس اريد اروح اواجههم واعرفهم انه اني شريفه والدليل كولهم بالسجن اريد اعرف ليش صدگوه ومصدگوني .. #شمس

وفعلا .. رحت الاهلي وگفت بوجهم ومحمد رزلهم .. وگللهم انتو شنو من اهل .. تبيعون بنتكم البيت دعاره وحتى مسئلتوا عليهم ..
امي بس تبجي .. ورضا بعين وكحه گلي متطلعين ابقي هنا ..
ضحكت بوجهه وتفلت عليه راد يضربني لزمه محمد ..وگتله انتو بعد مالكم حق عليه ولا انتوا اهلي ولااعرفكم .. لان ثقتوا بواحد.... وكذبتوني ..
بعد لا انتوا اهلي ولا اعرفكم .. بوست راس امي وعفتهم وطلعت وي محمد ..
#شمس
يتبع... .