تزوجت ولكن......... ?

البارت السابع

البارت السابع ..
#تزوجت_ولكن….?
#بقلمي_شمس

طلعت گمت اعيط عليه .. گوتله هسا اجيت لمن خلصت الشفتات مال اخواتك وامك ياعار ياشاذ ..

اشو هذا هجم عليه .. وهو ابو الراهي واهلي ساكتين ..
علاء .. لج اخواتي وامي اشرف منج .. #شمس

هذا كوله سويتيه حتى ماافظحج بعد ماعرفت انه انتي مو بنيه ..
لج مو زين سترت عليج وخليتج ببيتي ..
اني بقيت 😲😲 لك انت شدتحجي .. لك اني اشرف منك .. وابجي واحجي ..
وهو يحجي بكل برود .. ويگله عمي هسا انت تقرر يااطلگها وافضحها وهي مصارلهه شهر متزوجه ..
ياترجع مثل الاوادم .. وتسمع كلامي ..

اني بقيت اترجى بأهلي وابجي .. وابوس بماما واگولهه يوم اني ترباتج معقوله تصدگين اني اسوي هيج ..
وماما بس تبجي .. مابيدها شي ..
تالي جراني رضا من شعري وگلي گومي اخذي غراضج ورجعي وبعد لتجين .. ناس مقدريج ومدلليج .. وانتي تتبلين عليهم .. #شمس

مها .. گمت الطم ع خدي لك رضا اني اختك عرضك .. شلون ترجعني الهذا الساقط ( عذرا ع اللفظ) ..

ضربني رضا وگال .. ارجعي الزوجج ماعدنا بنيه تتطلگ .. تردين تصخمين وجهنا ..
جراني علاء .. واني ابجي واتوسل بيهم .. وهم ولاعبالك لو غريب كان حافظ عليه وسترني وخلصني منهم ..
تالي گمت ومسحت دموعي ..
گلتلهم حرجع حتى اثبتلكم كلامي واني شريفه بس منا الذاك الوكت .. لا انتو اهلي ولا اعرفكم ..
ماعندي اهل مثلكم اليوم الدين .. حسبي الله عليكم كولكم .. #شمس
اني عندي رب الي ينصرني ويسترني ..

طلعت وي علاء وعيوني مابطلت بجي .. دخلت للبيت تلگتني عمته ..
وبناتهه وازوجهن بالصاله گاعدين ويبتسمون بمكر ..

ام علاء .. ها رجعتي .. وغصب عليج 😂😂
مها .. لاعبالج رجعت ميته عليكم .. بس مجبوره ..
علاء .. والج عين تحجين اهلج وشمروج مالج غير هذا الطريق .. #شمس
مها .. بديت اضرب وهو يضحك .. لك طلگني اذا عندك ذره شرف باقي ولو ادري ماكو.. طلگني طلگني واعيط

ام علاء .. شوفي لج اني مافارغتلج .. عندجن خيارين .. ياتتطلگين وتبقين هنا حالج من حالنا وشنسوي تسوين .. ياتبقين ع ذمة علاء وتصيرين خدامه النا تخدمينا ..

اني لو ما علاء يحبج وعاجبته كان شمرتج اني ادري شعاجبه بيج ..
علاء .. لا يمه حرام تگولين هيج 😍 دشوفي الجمال والجسم ويتلمس بيه دفعته ..
مها .. انت لاتلمسني .. حرمت عليه اكرهك افهم مااريدك اشمئز منك .. ضربته رجع ضربني وگعني بالگاع ..

امه .. يله شنو ردج مرديتي ..
مها .. خلص اصير خدامه وكولشي اشتغل اهون عليه مما ابيع شرفي .. #شمس

گمت صعدت الغرفتي لميت ملابس وغراض علاء كولها وشمرتها بالممر .. وگوتله متبقى دقيقه يمي هاي الغرفه ماتفكر توصللها فاهم ..
وهو بس يضحك .. سخيف

گعدت ابجي بالغرفه .. واتذكر اهلي شلون باعوني وسلموني بيد واحد قليل شرف .. مااعرف بأي لحظه يبيعني .. #شمس

ندگت الباب .. اخت علاء .. گومي لج مو گلتي اصير خدامه .. گومي نضفي البيت واطبخي ..

وفعلا .. صار هذا روتين يومي من الصبح لليل انضف واطبخ واغسل ملابسهم النگسه .. حتى نفسي تشمئز منهن بس مجبوره ..
وفوگ هذا كوله .. اشهد ع افعالهم القبيحه واسمع اصواتهم الي تدمرني .. اخر شي فتحت قرآن بالموبايل وخليت السماعه .. #شمس
حتى مااسمع شي . 
من گد مااتعب من الصبح لليل .. گمت ادوخ ومااشتهي للاكل وبديت اضعف ..
حتى الخط سحبه من الموبايل وكسره .. وغير رقم النت وممنوع عليه الطلعه ..
ماعندي حتى وسيله استنجد بيها . او اتصل ع اخواتي يساعدني لان هن بقن املي الوحيد ..

كنت كل يوم اشوف اشكال طالعه واشكال داخله .  وكنت اضم نفسي بأي مكان خاف احد يشوفني ويطمع بيه .. #شمس

وام علاء واخواته .. يطلعن بعين صلفه ولا كأنه مسويات شي ..وازواجهن يستلمون الفلوس بدالهن ..
وساعات احس هذولي اولادهن اولاد حرام ..

موقف مشمأز .. وكنت كل مره استفرغ واتقيأ من المنظر..  ومايكفيني هذا . اصعد الغرفتي اسمع صوت زوجي الشاذ من الغرفه المقابيلي ..

الي ابقى اعيط واصرخ من اسمعه .. وابجي واصلي واستنجد بربي ..
بآخر ايام گمت احس نفسي ادوخ ومااشتهي ..وتذكرت اني صار فتره غايبه عني .. #شمس

اوووف ياربي .. بس لا .. لا ياربي لا .. سامحني بس مااريد طفل من هيج نسل نگس ..
وتذكرت اني مابلعت حبايه من المانع لان من اشتريته صارت الاحداث والتهيت .. وهو اصلا متقربلي من البدايه ..
كرهت نفسي .. واستغفرت ربي .. وگمت اگمز من السرير .. واضرب ع بطني اذا حامل يوگع ..واذا لا فحتى اتأكد لان ماكو وسيله اتأكد بيه غير هاي ..

وصدوگ گمت اضرب ع بطني واطفر من السرير .. الى اجاني مغص قوي واني مستمره بالضرب ..
بذيج الساعه محسيت هذا ابني ولا حسيت بشي اتجاهه احسه لعنه موجوده داخلي ولازم اخلص منها ..

وفعلا .. بعد المغص قوي حسيت بنزيف ورجلي گام ترجف واني اصلا مااكل ولا اشرب .. منهم .. حسيت حيغمى عليه .. گوه جريت نفسي جر وطلعت بره الغرفه والنزيف ماخذني .. الى ان محسيت ع نفسي ..
الا واني بالمستشفى..

#شمس
يتبع…