تزوجت ولكن......... ?

البارت الثالث

البارت الثالث
#تزوجت_ولكن....?
#بقلمي_شمس

مها .. هاماادري ..
علاء .. هههههه شنو ماادري .. غير اني صرت خطيبج وزوجج ..
مها .. اعذرني لان لسا ممتعوده ..
علاء .. مهاوي اني احب البنيه فري الي تدلعني وتحبني .. يعني اريدج رومانسيه ومو بارده اني اول مشفتج بالسياره سحرتيني بعيونج وجسمج ..
مها .. 😮😮 وين شفتني .. #شمس
علاء .. هههههه معقوله بالعجل نسيتيني مصار كم يوم من وصلتج انتي والوالده من السوگ ..
مها .. اتذكرت الولد الي وصلنا .. وعيونه زايغه مشالهه عني .. بس معقوله اهله خير هيح وهو يشتغل تكسي ..بقيت متعجبه .. #شمس
علاء .. ها مهاوي تذكرتي ..
مها .. اي تذكرتك انت الي عينك مشلتها عني .. معناهه انت كل الي تصعد وياك هيج تباوعلها ..
علاء .. ههههه هو بالحقيقه اني مااشتغل تكسي .. بس شفتج واكفه انتي وامج وجذبتيني وصايره طماطه تخبلين .. من ذاك الوكت وگلت لو انتي لو مااريد ..
مها .. 😔 بس انت حرمتني من دراستي ..
علاء .. اي ياعيني لاحگه ع الدراسه .. السنه اخليج تكملين وعد .. بس خليج هاي السنه الي .. اريد اشبع منج ..
مها .. صراحه يخجلني بكلامه مااتوقعت يكون هيج جريئ من اول مكالمه النه .. #شمس
بقينا لنص الليل هو بس يحجي ع الزواج وع الحب واريدج تشترين ملابس كولهه مشلحه مااحب المخنوكه والدشاديش .. وشوكت نتزوج واحظنج ..ووووو
كلامه كوله هيج واني مااعرف شنو احجي بس ساكته من الخجل ..
بعدين گلت اسأل صابرين لو استحي يعني معقوله كل الولد هيج يحجون بفتره خطوبتهم وميستحون ..
غلقت الموبايل .. ومااعرف ليش اجه رائد گبالي ..
تمنينه هو يكون من نصيبي .. لان احسه مثقف وواعي ..

تعوذت من الشيطان .. ميصير افكر بشخص غير علاء هسا اني بأعتبار متزوجه .. #شمس

رائد .. مرت ايام وكلما اتصل بأختي إسلام تگلي ماشفتها لو ماتداوم ..
تخبلت .. آخر شي گولتلها تروح تسأل عليها صديقاتها ..
وصدوگ للضهر اتصلت عليه ..
ونطتني اسوأ خبر گلتلي مها انخطبت وبطلوها ..
عصبت ورگعت اديه بالحايط ..
اووووف رائد .. ضاعت مهاوي من ايديك بسبب غبائك .. ليش هيج متعرف تخطبها وتحجزها ..
الصراحه متوقعت تنخطب هيج بسرعه لان كانت سادس ومرحله حساسه .. فگلت انتضرها الى ان تخلص سادس .. واني اخلص كليه واداوم واستقر ..
بس شيفيد الندم .. #شمس
كرهت نفسي وانسدت عن الزواج وعن كل بنيه الي ردتها راحت مني هسا لو مصارحهه كان عندي امل ترفض وتنتضرني .. اووووف ..
بقى الندم ياكل بگلبي ..
ومنو هذا الي خطبها واخذها مني ??

مها .. مر كم يوم ع خطوبتنا .. واجه علاء اخذني نتعشا ونطلع ونتونس ..
توقعت ياخذني البيت اهله بس .. مقبل .. گوتله احب اتعرف ع اهله .. هم مقبل گال لا احب نبقى وحدنا ..
ميحب يحجي شي عن حياته وعن اهله ..
استقبلت الامر بصوره عاديه .. #شمس
اكيد شاب ويحب يطلع هو وزوجته .. كان مغركني بكلمات الحب والغزل وطول الطريق مطلع اغاني ولازم ايدي ويبوس بيها ..
كان كريم وياي بشكل .. ننزل مجمعات او مولات .. يشتريلي كولشي من. غير مااطلب شي .. بس اتباوع للشغله اشو راح دفع فلوس واشتراهه وهذا الي مضوجني مبذر بشكل .. او يحاول يثبتلي هذا الشي مااعرف شنو الي يحاول يوصله ..
يعني معقوله اكو هيج رجال كامل .. يحبني ومددللني وكريم ..
مااعرف يمكن الي عشته مخلاني اصدگ انه هذي حقيقه ..
يعني واخيرا الله كتبلي هيج قسمه حلوه مرضيه ..
كل يوم احمد ربي واشكره .. وحتى حبيت اهلي لان كانوا اعرف بمصلحتي واني ضلمتهم .. #شمس

بس كانت شغله محلوه بي .. وهي الغزل المفرط يعني يتعمق بأشياء مو وكتها وتخجلني ..
كان فري وسبور بشكل .. منفتح .. ويزعل اذا ماابادله الحديث بهيج امور .. هاي الشغله مضوجتني حيل ..

الى ان اجاني بيووم .. وگلي اني بعد مااتحمل كملي شغلج بسرعه حتى نتزوج ..
اني مكمل كولشي والغرفه كملت الج اسبوع تكملين ونتزوج لان بعد مااتحمل اريدج يمي ..

ااني اتصلت ع اخواتي وفرحانه .. بديت احس بشي اتجاه علاء .. مو حب وانما اگول راح يصير زوجي ولازم احبه مثل ميحني حتى نعيش بسعادة..
لان الصراحه هو ممقصر بشي عني ..
سويت انذار الاهلي خلال هذا الاسبوع واخواتي وياي وطلعنا كملنا احتياجاتي .. واشتريت ملابس نوم مثل ميريد مشلحه 😂.. #شمس

وعدت نفسي اعتني بزوجي وابني حياة سعيده الي مدام الله منطيه مااريد اعيش الحياة الي عشتها واولاد هم مااريد حاليا لان لازم اعيش كل لحظه اني وزوجي ونتونس يله مااريد مثل ماما سوتهم ثمانيه وهي مسايفه شي من حياتها .. #شمس
وماما هم گعدت توصي بيه .. زوجج ديري بالج عليه وعيالج اكسبيهم ووو تعرفون الوصايا قبل الزواج 😂

كملت كولشي .. ورحت للصالون وكانت حامل خطيه .. بس اني مردت غيرها لان صديقتي مو بس اختي ..
صبغت شعري وحفيت وجهي ..
بيوم الحنه طلعت كيوت .. اجرت بدله منفوخه لونها بصلي حلوه واني بيضه .. طلعت اخبل 😉

عزمت صديقاتي .. واقربائنا تونسنا ورگصنا .. وامه واخواته هم اجن .. وگامن يورقن للمله .. وطبعا الكل صافن عليهن شيشتغلون ذولي وهيح يلعبون بالفلوس اكيد تجار..
#شمس
يتبع...