تزوجت ولكن......... ?

البارت الخامس

البارت الخامس🔞
#تزوجت_ولكن…..?
#بقلمي_شمس

أشعر بأن هناك صوت بعيد ..
يخرج بين جوانح صدري..
                    ويبتعث من اوتار وهمية ليصنع صوتاً  مغايرا كأنه لا يشبهني لا يلمس روحي  ..
                     اعتقد ان هناك من يتكلم بالنيابة عني لا اعلم ما هو لكني اعلم جيدا .. بأنها لست انا ☹️

مر كم يوم ع زواجي .. لكن اكو امور بدت تتكون داخلي  اكو اشياء احس بيها دتصير .. بس مااعرف شنو ..

كثرت شكوكي بطلب من علاء .. في يوم من الايام ..

علاء .. هلو حبيبي شداتسوين .. #شمس
مها .. شنو اسوي دا انظف بغرفتي .. لان امك متقبل انزل لجوه ..
تگولي انتي عليج بغرفتج وزوجج وبس ..
علاء .. هاااا .. ليش انتي نزلتي اليوم ..
مها .. لا بس ردت انزل وشفت امك خزرتني گلتلي ادخلي بغرفتج لان .. عدنا خطار ..
دخلت وقفلت الباب وبعدين سمعت هوسه .. #شمس

علاء يعني معقوله امك تخجل من تواجدي بيناتكم .. اعرف انتو ناس واصلين .. بس اني هم عروس واريد اتعرف ع الناس .. حتى اخواتك ميختلطن بيه ..

علاء .. يوووووه مها لتصيرين معقده هسا الي مثلج تفرح لان ميخلوهه تنزل وتشتغل ..
واحنا خطار يجونا هواي ومتعرفيهم يعني ميصير كل الي تشوفيه لازم تعرفيه ..
وثاني شي اريدج تصيرين عميه وخرسه وطرشه .. كل الي تشوفيه او تسمعيه ببيت اهلي ميطلع الاحد حتى الي .. #شمس

بقيت صافنه بوجهه ..
علاء .. علاء افتهمتي 😡
مها .. نصيت براسي معناهه اي ..
علاء .. عفيه بحبيبتي ياله تعالي لان اشتاقيتلج ..
مها .. لعبت نفسي واني ابد متعودت عليه وعليهم بالعكس يوم عن يوم دا اختنك ..
اكو شي غامض ممريحني ..
لهذا قررت مااسوي طفل ابد واخذ احتياطي ..

للعصر طلبت من علاء اروح الاهلي ومااعترض گال اوك .. بس متجين الى ان اجيج ..
وصدوگ رحت الاهلي .. وعلاء منزل وياي .. وصلني وراح استغليتها فرصه رحت ع صيدليه قريبه وجبت مانع كم شريط يكفني لكم شهر .. #شمس
ورجعت يم اهلي ..
لليل اتصلت ع علاء .. گلي ابقي يم اهلج مااگدر اجيج ..
صارت عندي شغله ..
اني هم فرحت بقيت يم اخواتي واتصلت ع صابرين اجت ..
وسولفتلها شكوكي ..
گالت .. عادي لان بعدج جديده تحسيهم غريبين عليج ..
وفعلا اني مصارلي عشر ايام ..
فما اعرفهم زين وليش احكم مسبقا ..
بقينا سهرانين سويه .. الى غفينا تقريبا ب 2 .. گعدت الصبح تريگنا ونضفت بيت اهلي وسويت الغدا اشتاقيت للشغل هناك ميخلوني اسوي شي ..
كوله بالغرفه تعبت .. #شمس

صارت ال11 وعلاء ماكو .. گلت اكيد مفارغ لو بالشغل ..
طلبت من رضا يوصلني .. گالت صابرين لا خليها نتغدا واحنا نوصلج بطريقنا من يجي زوجهه يوصلها ..
گولتلها اوك ..

اتغدينا واجه زوجهه ب 1 اخذنا ..
نزلوني يم بيت عيالي ومشوا .. لگيت الباب مفتوح دخلت .. اخواته كل وحده وي زوجهه واولادهم بالغرفه ..
واسمع الضحك والسوالف .. #شمس
فگلت شي طبيعي .. بغرفهم ويضحكون ويسولفون ..

صعدت الغرفتي .. بهدوء .. واني اريد افتح غرفتي سمعت صوت من الغرفه الي مقابيل غرفتي بالممر . 

مااهتميت دور زاد الصوت .. اتقربت ورجعت ..

دخلت غرفتي .. واني افكر بالصوت معقوله حرامي ..
وشلون اعيط اخاف يقتلني .. او انزل اگول العمتي لو للبنات .
بقيت حايره .. #شمس
تالي .. تشجعت ردت اطلع .. سمعت رجلين صعدت ..
بقيت ساكته اتباوعت من فتحته الباب شفت عمتي ..
صعدت دگت الباب وانفتحت مدت ايدهه انطت علاگه الشخص جوه الغرفه ونزلت ..

زادت حيرتي اكثر .. ياربي شأسوي وشلون كتلني الفضول ولازم اعرف شنو الي يصير .. #شمس

طلعت من غرفتي .. وامشي ع اطراف اصابعي ..
اتقربت زاد الصوت ضحك وسوالف اتباوعت من فتحته الباب شفت 😮😲 🔞

ربي استر عليه .. منو ذولي حتى ماانتبهت الشكلهم .. رجعت ركض الغرفتي وگلبي كوله يدوگ ودموعي تنزل لا اراديا ..
معقوله اني فهمت غلط ..
بقت الافكار تاخذني وتوديني .. سمعت صوت تقرب من غرفتي بسرعه دخلت للحمام ..
الحمام بغرفتي .. وغلقته وفتحت مي وسويت نفسي اسبح ..

علاء .. منو هنا .. احجي منو
مها .. خانگه دمعتي بالگوه .. وخايفه .. اني علاء
اسفه ماسمعتك لان المي مفتوح .. #شمس

علاء .. وانتي شعندج هنا مو گتلج لاتجين ..
مها .. صابرين رجعت هي وزوجهه .رجعتني بطريقها ..
علاء .. وشلون دخلتي ..
مها .. هاي شبيك علاء . لگيت الباب مفتوح وكولهه نايمه ماردت ازعجهم .. دخلت اسبح والمي حلو نسيت نفسي .. ليش اكو شي ..
علاء .. ها 😡 لا حبيبي ابقي ع راحتج ولتطلعين لان حيجيون ولد اصدقائي يسوون السبلت مال غرفه امي مااعرف شبي وخاف يصعدون لفوگ ..
مها .. اوك .. اصلا اني تعبانه .. واريد انام ..

خفت هوايه وحسيت نفسي داخله بمستنقع ماله نهايه .. وساعه اكذب نفسي واگول انتي غلطانه مها .. اخاف وحده من البنات وزوجهه استخدموا الغرفه الفوگ لان عندهم اولاد وميگدرون ياخذون راحتهم .. #شمس

بقت الافكار تاخذني وتوديني ..
تالي سمعت صوت .. ركضت ع فتحة الباب .. شفت رجال ضخم ووحده مبوشايه وعلاء .. ثلاثتهم نزلوا سوه ..
بذيج الساعه شمأزيت من نفسي ومن علاء وقررت اراقبهم ليل مع نهار واشوف سالفتهم شنو ..
واحسن قرار اتخذته انه مااسوي طفل لان مااعرف شنو نتيجه حياتي الجايه ..
#شمس
يتبع… .

❤️❤️❤️❤️❤️❤️
احبتي للتنويه مره لخ .. القصه حقيقيه .. ودا اكتبها ع كيفي لان القضيه حساسه بالنسبه لصاحبة القصه .. لهذا ارجو مراعاتها بالتعليقات ..
وعدم الانتقاد لان عاشت ضروف مايعلم بيها الا الله ..

تحياتي للجميع…