بارت سريع اسفه ع الغيبه !
ها صدك هلو 😂
هالبارت كله امور شركات مافتهم بيهه بس مشيت حالي !
شتتوقعون عمر وايهاب جذابين لو صدك السالفه ؟
فروحوني بفوت او كومنت وكولولي اكمل لو اتوقف لان دعمكم موزين ابدا 💔
حبكم ❤️☹️
_________________
فرح : على شنو وقعنا اصلا !
احمد : مدري امي كالت رح نتعاقد ويه الشركه .. واليوم المفروض نروح نتعشى وياهم ونفتهم منهم اكثر
فرح : شددد عشه راقي 🌚
احمد : ههههههه اي .. يله للبيت تعبان !
فرح 🖤
في الثامنه مساءا /
فرح : يعني شنو قصدك تعبان ومابيك حيل !
احمد : اي يمه تعبان .. اخذي الملفات وافتهمي من عدهم كلشي
فرح : لك عييييبب اروح بدون زوجي العزيز
احمد : يعذروني هالمره مريض وتعبان
فرح : فففف اوكي ملازم بعد احسن
/ ارتديت فستان اسود ضيق .. مع تسريحة بسيطه مرفوعة للأعلى ، وتوجهت الى غرفة امي وزوجها لانده عليهم .. بعدها توجهنا للمطعم لنجدهم ينتظروننا فيه !
عمر : اهلا وسهلا مدام فرح .. وين احمد ؟
فرح : اهلا بيك .، احمد تعبان شويه ومكدر يجي .. اني رح اكون مكانه واتفاهم وياكم
عمر : تمام .. اعرفكم على الوالد والوالده
ابو عمر (ايهاب) : اهلا استاذ عمار ..
عمار : اهلا بيك ..
رشا : مرحبا مدام نرجس ( اسم قديم 🌚)
نرجس : تشرفت بيج حبيبتي !
عمر : اتفضلوا يله جعت
فرح : هههه
كل شيئ فيه يأسرني ويأخذني الى عالم اخر .. عالم حيث لا احد فيه غيري انا وهو والاحلام التي ابنيها عنه ! بالفعل شكرت الله ان احمد لم يكن موجودا .. وبالفعل تمنيته زوجي بدلا من احمد ..، للمره الثانيه !
بعد العشاء بدأنا نتناقش عن امور الشركه .
عمر : شركتنا بيها فروع بهوايه بلدان .. وعدنا فرع بالعراق قريب على شركتكم .. صراحة سمع ابويه هوايه عن الشركه مالكم .. وعرفنا ان هيه ثقه ونكدر نكون مطمئنين من نتعاقد وياكم .. وفرحنا كلش من وافقتوا على الطلب
فرح : اكيد نشكركم على ثقتكم .. هسه اني اني رايده اعرف شنو حتستفاد شركتنا من التعاقد .. لازم نعرف شنو حنحصل !
عمر : عجبتيني !
فرح : اا.. تسلم
عمر : راح نهديلكم مجموعه اسهم .. وبالمقابل رح تسجلون نصف الاسهم بأسمنا .. بهالحاله الشركتين تستفاد ..
عمار : والربح .. منو ياخذه
ايهاب : الربح راح يتقسم .. نص النه ونص الكم
فرح : تمام ..
عمر : وهذا الكارت مالتي .. اذا عندج اي استفسار ..،
فرح : اوكي
خارج المطعم /
رشا : ممرتاحه الهم ابدا
عمار : ليش شكو بالعكس شركتهم خوش شركه
رشا : مادري بس حاسه رح يغشونا
فرح : ماتوقع يصير هيج .. المهم احنا نكون حذرين ..
رشا : مادري اني احساسي دائما صح .. واذا فشل التعاقد هذا .. ممكن احمد يتهور ويفشل زواجكم كله !
فرح : وهو هذا الي اني رايدته !
وحينما تفكر قبل ان تبتسم .. او تتكلم .. او تضحك .. اعلم يا عزيزي انك مقيد بسلاسل كبيره تأبى ان تُفتح ..!
يتبع ...،
أنت تقرأ
زواج مصلحه
Romanceوهي كانت مجبرة على تحمل هذا المجتمع ..! هي كانت مجبره على حب ما يحب الجميع .. وكره ما يكره الجميع هي كانت كالدميه يتحكم بها من جاء وذهب .. حيث لاحول لها ولا قوه . . قراءه ممتعه ❤️
