والله اعرف دا اتأخر بس بين ما افكر بالبارت لان ممحظره هوايه اشياء .. هسه تمام بعد ما اتأخر عرفت شنو اسوي وقسمت وقتي !
احسكم مدتحبون الروايه ؟ خصوصا الفوت والكومنت كلش قليلات !
سبق وكلت اذا متعجبكم كولوا حتى اوقفها او احذفها ؟
حبكم ❤️
________________
العراق | التاسعه صباحا*
فرح🖤
عند عودتنا للعراق .. لم يتغير الكثير بين علاقتي انا واحمد .. مازلنا كالغرباء لا يجمع بيننا سوى عقد سخيف اتمنى تمزيقه وانهاء الامر .. كان علي انها بعض الاوراق لذا تركتهم عند المطار وتوجهت للشركه .. لاتفاجأ بعمر يقف امام باب الشركه !
فرح : هلو عمر .. شدتسوي هنا ؟
عمر : صباح النور
فرح : هههه .. صباح الخير
عمر : جيت دانطيج هذي الاوراق .. لا جذب اريد اتريك وياج
فرح : ههههه اوكي لحظه اذب الاوراق بالمكتب واجي ..
عمر : تمام
فرح 🖤
مع انني لا اعرفه سوى من بضعه ايام .. الا ان هناك قوى عجيبه تجذبني اليه .. شيئ يخبرني بأن اتجرأ واغامر .. وشيئ اخر يخبرني ان اجلس مكاني ولا انظر بعيدا
وضعت الاوراق في المكتب وعدت الى عمر .. حيث ركبنا السياره .. ندردش ونتكلم بأمور الشركه والعمل حتى وصلنا الى المطعم ..
عمر : اريد اسألج سؤال !
فرح : اتفضل ؟
عمر : لتعتبرين سؤالي غريب واعتقد دا اتدخل .. بس مجرد فضول .. انتي تحبين احمد ؟
فرح : اا... احمد .. اي اي احبه
عمر : يعني مقتنعه بالزواج مالتكم .. محد جبرج ؟
فرح : اي مقتنعه عادي ..
عمر : تمام ..،
بعد تناولنا طعام الافطار اعادني للشركه .. ودعني وذهب في طريقه .. وبقيت افكر بسؤاله وسبب اجابتي تلك .. ولماذا كذبت حتى ؟
عمر☁️
في طريقي للمنزل .. افكر بطريقه لاجعلها تقع بحبي .. ليس من اجل انني احبها .. بل لاجل مصالحي بالطبع ..
عمر : الو ..
ايهاب : شفتها ؟
عمر : اي شفتها .. متأكد هي متحب زوجها ؟
ايهاب : ليش شصار ؟
عمر : مصار شي .. بس سألتها اليوم وكالت هيه تحبه ..!
ايهاب : جذب .. ديحاولون ميبينون الموضوع .. اني متأكد من المعلومات .. خلينا نلعب اللعبه صح عمر .. والي تريده يصير بيدك !
عمر : نلعب ليش منلعب !
________
احمد : صايره تطلعين هوايه ..
فرح : اليوم اول يوم هنا طبيعي اطلع واكمل شغلي
احمد : حتى بالسفره ..!
فرح : احمد اني الوحيده الي دتشتغل هنا .. انت ملتهي بأمورك وامك بالاسهم مالها واني الوحيده الي دا ادير الشركه .. لذلك لازم اطلع واطب .. او ع الاقل اتونس بين فتره وفتره !
احمد : تمام .. حجه ويايه عمر اليوم
فرح : صدك ؟ احم .. شكال ؟
احمد : مكال شي .. ع الشركه وهيج شي .. وعزمتهم هذا الاسبوع لبيتنه .. هو وخواته حيجون
فرح : حلو ..
احمد : فرح داحاول اخلي علاقتنه زينه بس انتي مدري شبيج ؟
فرح : شبيه ؟
احمد : مادري .. خلينا نكون اصدقاء ؟
فرح : مو مشكله .. حروح انام .. صديقي !
انت في هذه الحياة لسبب !! سبب واحد يفصل بينك وبين موت محتم ..!
تعيش لسبب .. تحب لسبب !!
انت هنا لسبب واحد لا غير ....
أنت تقرأ
زواج مصلحه
عاطفيةوهي كانت مجبرة على تحمل هذا المجتمع ..! هي كانت مجبره على حب ما يحب الجميع .. وكره ما يكره الجميع هي كانت كالدميه يتحكم بها من جاء وذهب .. حيث لاحول لها ولا قوه . . قراءه ممتعه ❤️
