وهو يخزرني واني اضحك وجبت الكيك هم كلش عجبهم وبعدين راحوا وبديت الملم وانضف وكملت ب12
ريتا:عززه اتعبيت ورحت اتمدت ع جربايتي
وبالصدفه طلعتلي صوره مال يوسف بالانستا
ريتا:يعني ليش اجذب هو حلو موبس حلو يخبل بس اناني ومخبل وشايف نفسه وضليت اتامل بالصوره وبعدين كلت هاي شبيه اتخبلت وسديت صفحته
ثاني يوم/في بيت ابو يوسف
ام يوسف:اكلك عيني ابو يوسف احس ريتا هي البنيه الي جنت ادور عليهة ليوسف شنو رايك انت
ابو يوسف:ايي والله ونعم التربيه والاخلاق ومابيهة عيب البنيه
ام يوسف:ايي ونادره ومرتبه ماادري شتكول امشي بالموضوع
ابو يوسف:بالنسبه الي اكلج امشي واذا صاهرناهم ونعم الناس بيت ابو غيث
ام يوسف:هم راح اسال اخواني واخواتي عليهة
ابو يوسف:اول شي شوفي رايي سوفي
ام يوسف:ايي لازم راح احاجيه هسه متحمسه
اشوف رده فعله وصعدت ام يوسف وكالتله الموضوع
يوسف:ههههه ماما اتخبلتي اني اخذ هاي شنو نسيتي اني عندي حبيبه
ام يوسف:ابني لمن اموت اتفوت هاي الامريكيه للبيت كلتلك تزوج ريتا يعني تزوجهة فهمتني لو اغضب عليك والله
يوسف:ماما ارجوج افهميني
ام يوسف:ماكو افهمك ماادري شنو
يوسف:هفف اوكي
ام يوسف:فدووه لابني ليسمع كلامي
وام يوسف خابرت وكالت لام ريتا
ام ريتا:والله مانلكه احسن منكم بس اشاور ابوهة واخوتهة وهيه واردلكم خبر
ام يوسف:ايي براحتكم
وسدت الخط وراحت صعدت ع ريتا
ام ريتا:ريتو اريد اكلج شي ضروري
ريتا:ايي ماما كولي
ام ريتا:حبيبتي خابرتني عمة سبأ(ام يوسف) وطلبتج ليوسف
اني اصدمت صدمه وكلتلهة الماما شنوووو
ام ريتا:ايي شبيج هيه خابرتني واجيت اخذ رأيج
ريتا:ماما مستحيل ازوج من يوسف
ام ريتا:ليش شبي دكتور وحباب وكرايبنه هم
ريتا:ماما ودراستي شوون واشلون اعوفكم
ام ريتا:اي ايشوفولج كليه اهناك
ريتا:ماادري ماما ادانش فكري
وضليت افكر وبالاخير اتوصلت للموافقه وكلت اكيد لمن نزوج اني اغيرله طبع الانانيه عنده وماما حاجت بابا ووافق ورحب بيهم
ثاني يوم اجوي يمنه عمود يطلبوني رسمي وطبعا الرياجيل وحد والنسوان وحد وجانوا جايين خوات خاله سبأ وخليت مكياج ولبست فستان احمر بسيط وشعري كلش طويل وفتحته وشسورته شسوار بسيط واتعطرت ونزلت سلمت ع الكل وكعدت واتفقوا ع كلشي واتفقوا ع الخطوبه بعد 10 ايام ولهنا احنه محاجين سويه بس خاله سبأ كالت لازم نكعد نحجي ع انفراد ولبست هدوم حجاب وطلعت بالحديقه
يوسف:اهلا تعاي اكعدي
ريتا:هلا يوسف
يوسف:ريتا انتي موافقه ع الزواج
ريتا بخجل:ايي
وضلينه نحجي سوالف عاديه واتغيرت نضرته عندي وهو لطيف وطيوب وطلعنه بعد يومين اني وامي وهو وامه عمود نجهز للخطوبه واشترينه سوالف حلوه واتعلقت بيه كلش وحبيته واجه يوم الخطوبه وجان ماكو الطف منه وياي وصار هوه كل حياتي وخطبنه وهنا خلصت الشهرين ولازم يرحون
وقرروا يجون مرت لخ عمود العرس بعد شهر وهنا اجه يوم الي يرحون وودعناهم وراحوا وبالمناسبه يوسف اخذ رقمي وضليت منتضره تليفون منه بس مدك كلت اكيد مشغول ودكيت ع خاله سبأ
ريتا:هلاو خاله طمنيني وصلتوا
ام يوسف:ايي حبيبتي احنه هسه بالبيت صارلنا ساعه من وصلنه
ريتا:هااا الحمدلله ع سلامتكم سلميلي ع عمو
ويوسف
ام يوسف:انشالله حبيبتي
ريتا:يلا عيوني خاله اترخص
ام يوسف:الله وياج
وسديت الفون وحايره اشاسوي واتعجب لان مدكلي جنت منتضره اتصاله 💔 ونمت ومشه اسبوع وهواي اصلا مدكلي ولا سال عليه
ووطلعنا اني وماما للسوك حضرنه وماما اشترتلي هواي سوالف وبعد اسبوع اجوي من السفر وجنت متلفهة اشوف يوسف وورحنا للمطار عمود نستقبلهم
ووصلوا وسلمنه عليهم وحضنت يوسف لان صارلي شهر مشايفته وهو خطيبي وبعدين رحنه لبيتنه وبدينا نجهز وطلعنه نشتري بدله للعرس واشتريت بدله بسيطه ونازكه لان اني احب البساطه وصار عرسنه كلش بسيط وحلو وهادئ وسافرنه بعد العرس مباشرتا لان خلصت الاقامه مالتهم ورحنا وصلنه طبعا شقتنه جانت وحد اني وياه ففتت وشفت الديكور مال البيت كلش بسيط ومرتب وفتت للغرفه جانت حلوه كلش وبعدين هو فات
يوسف:ريتا لازم احاجيج بموضوع مهم كلش
ريتا:اي تفضل
يوسف:ريتا اني مااحبج ولاجنت رايدج اني عندي حبيبه امريكيه واحنه جنه متفقين ع الزواج بس ماما اصرت عليه راح يكون زواجنا شكلي مجرد شهرين اقنع ماما وانتي اترجعين لحياتج
اني هنا حسيت نفسي راح اموت
🌸🌸🌸🌸
أنت تقرأ
حياة ثانية 💛🌟
Short Storyقصه باللهجه العراقيه ❤❤ ارحب بجميع الي راح يقروها واتمنى تنال اعجابكم
