حياة ثانية 💛🌟

💓الجزء الثالث💓

ريتا:شنو 💔

يوسف:ادري بيج متفاجاه واني اعتذر لان حطيتج بهيج موقف اسف وهاي غرفتج اني حنام بالغرفه الثانيه اذا ردتي شي صيحيلي اتكدرين تاخذين راحتج وطلع وسد الباب

واني هنا مصدومه بشكل ودموعي تنزل بدون مااحس وضليت ابجي للصبح وتمنيت الموت ع الي صار وياي وخصوصا اني بعيده عن اهلي لو اهلي بنفس المدينه مجان ضليت لحضه وحده اهنا ونمت بدون مااحس وكعدت بال12 وفتحت باب الغرفه لكيته متمدد ع القنفه ويحجي
بصوت ناصي ويكول احبج ومااكدر اعيش بدونج (بالانجنبي طبعا) واني سديت الباب مره لخ وكعدت ابجي ع حضي شنو ناقصني حته اصير ابدالهة ويكلي هيج وبعدين مسحت دموعي وطلعت

ريتا:استاذ يوسف اريد احاجيك بموضوع مهم وودعهة

يوسف:نعم اتفضلي

ريتا:عالفكره اني مالي ذنب اعيش وياك هيج وراح اتحمل هل شهرين الخاطر اهلي وبعدين اني عندي شروط عمود اضل هنا وماافضح هذا الموضوع

يوسف:ايي كولي

ريتا:اول شي اني هذا اعتبره بيتي واخذ راحتي بيه وافوت للمطبخ واطلع براحتي وثاني شي ما اخذ اذنك بشي انعيش عبالك ممزوجين رجائا والبنيه حبيبتك متحاجيني كلمه غلط اكلب الدنيا عليكم اذا حجت كلمه زايده عليه واتمنى اتمر هاي الشهرين بسلام وبصداقه وفتت الغرفتي والدمعه بعيني وضليت ع الفون وهو جان موصي دلفيري واجه دك الباب

فتحتله الباب وكتلهة نعم اتفضل كلي تعاي اكلي ورحت كعدنه ناكل وهو لازم الفون ويدز رسايل واني ردت اكوم احركه هو والفون وحبيبتهة هاي وبعدين لميت الاكل وغسلت الماعين وخابرت ماما عليه اني محبيت ابينلهة اني مضايقه

امهة:هلاو ريتو شلونج ماما البيت بدونج فارغ

ريتا:هلاو ماما اني زينه كلش

يوسف:سمعتهة كاعد تحجي ويه امها وكفت وره الباب خفت لتكوللها

امهة:ماما شلونه وياج يوسف

ريتا:لتخافين ماما ورده مال الله يوسف حباب وخلوق ويحبني ويحترمني

امهة:ريحتيلي كلبي

ريتا:يلا ماما سيوفي يصيحلي اكيد جايبلي شي باي

امهة:الله يحفضكم حبيبتي باي وسديت التليفون وبديت ابجي بصوت عالي لان عبالي ماهو بالبيت

يوسف: سمعتهة اشلون مدحتني كدام امهة وخنكتني العبره من بجت كله بسببي اني خليتهة تبجي وطلعت من البيت مخنوك وصعدت بالسياره وميت قهر ورحت ع سيلينا(حبيبتي)وضلينه نسولف ونحجي

ريتا:ضليت ميته من الضوجه وحدي كلت الهي نفسي بالطبخ كمت سويت اكل وكعدت انتضرته لل10 وايست ومااشتهيت عفتله الاكل ع الميز ورحت نمت

يوسف:رجعت بال10ونص ولكيت الاكل ع الميز والبيت يلمع من النضافه وبيه ريحه طيبه مال عطر ودريت انو هيه مااكلت بس خالتلي اكل لان مامكول من البايركس واني جنت متعشي ويه سيلينا شلته وخليته بالثلاجه وفتت لغرفتي نمت

ثاني يوم

كعدت من ال9كمت سويت ريوك ونضفت وهو بعده مكاعد وطلع من الغرفه

يوسف:صباح الخير

ريتا:صباح النور تعال اتريك

يوسف:ايي وكعدنا ع دناكل

يوسف:البارحه ليش متعشيتي

ريتا:مااحب اتعشه وحدي

يوسف:هاا وحسيت بالذنب لان بسببي مااكلت

وخلصنه ولميت الماعين وغسلتهن وكعدت بالهول
دا اتفرج وهو لازم الفون وضحكته ع خده واني ميته قهر واهنا اني كتله راح انزل يم خاله شويه

🌸🌸🌸🌸