لان احنه طابقين منفصلات والارضي مال خاله وعمو والثاني مالتنه
يوسف:ايي اوكي
ونزلت سلمت وكعدت
ام يوسف:حبيبتي شلونه يوسف وياج
ريتا:صفنت شويه وكلتلهة كلش زين وياي وضليت شويه نسولف وصعدت
يوسف:اكلج اني باجر تخلص اجازتي من المستشفى ولازم اروح كلت اكلج خاف تحتاجين شي
ريتا:هاا لامااريد شي تسلم وفتت لغرفتي وفتجت فوني وفجاه سمعت الباب اندكت وهو فتحهة وسمعت صوت ولد وبنات هم حرت اشاسوي كمت لبست حجاب وطلعت كلهة صفنت بوجهي
يوسف:اعرفكم مرتي ريتا
الكل:هلو وجنت خايفه مدري ليش ورحت كعدت يم يوسف
يوسف:ريتا هذوله اصدقائي
ريتا:هاا اي اتشرفت
وطول الكعده اكو وحده بس تخزرني واجتي كعدت يم يوسف وباسته من خده ولزمت ايده كل هذا جان كدامي اني نزلت دمعتي واستاذنت وفتت للغرفه
اعرف كل البنات من يزوجون يحقلهم يغارون ع ازواجهم بس اني ميصير وبعدين راحو وطلعت عمود الملم وهو ساعدني ورحنا للمطبخ اني محجيت ولا كلمه
يوسف:هايه تصير حبيبتي سيلينا
ريتا:شسويلكم الله يهنيكم سوه ورحت لغرفتي وبينتله اني ممتاثره بس عيوني تحجي غير شي
ثاني يوم كعدت من ال6حتى اكويله اهدومه وفتت للغرفه لكيته نايم اخذت الملابس جان محضرهن وطلعت كويت بره وعلكتهن بغرفته ورحت نمت
يوسف:كعدت شفت هدومي مكويات ومتعطرات كلش فرحت واكيد ريتا سوت هيج وطلعت عمود اشكرهة وجانت مسوستلي ريوك ومجانت بالهول وفتت لغرفتهة بدون استاذان كلت اكيد هيه كاعده ولكيتهة نايمه وتقربتلها وملامحه تخبل شلون ملاحضتهن وحسيت ع نفسي وكمت طلعت
ريتا:كعدت بالعشره وكمت نضفت وفتت لغرفته انضفهة وبديت انضفهة وعطرتها وطلعت ومجنت اشتهي اكل فتت سبحت وكعدت امشط شعري واهنا سمعت صوت باب خفت افتح بس بنفس الوقت خاله وعمو جوه فصحت منو
سيلينا:اني وفتتحت الباب واتفاجات بجيتهة
ريتا:اهلا بيج يوسف مو هنا
سيلينا:ادري يوسف مو هنا اني جايه احاجيج الج
ريتا:اتفضلي وفاتت للبيت وكعدت واني كعدت ع القنفه الثانيه
سيلينا:احب اكلج هذا حبيبي ديري بالج تتقربيله او تحبيه ترة اطردج منا
ريتا:كومي طلعي احسن ماافضح لعبتكم الوصخه
سيلينا:حبيبتي هذا شهر وشويه ويصير بيتي منو انتي حته اطرديني
ريتا:لمن يصير بيتج عود تعاي احجي كومي طلعي بساع وكسرت الزهريه وطلعت
واني اجيت المهة وابجي واتعورت بالكزاز ولميتهة وخليت لزكه جروح وفتت لغرفتي والدمعه مفارقتني
حياتي صارت كلهة دموع وحزن وبعدين يصيحولي مطلقه شمسويه اني حته انحرم من انو اكون بنيه سعيده وضليت بلا اكل لليل وسمعت صوته من اجه وجان عصبي مبين حبيبته حاجيتله كلشي
يوسف:ريتا ريتا تعاي اريدج
طلعت من الغرفه وكلتله تفضل
يوسف:ليش مطرده سيلينا من البيت
ريتا:انته ماكو هيه شكو جايه وتهددني وكالت حجي وخرطت واني كلتلهة كومي طلعي
يوسف:شنوو اشو هيه اتكول غير شي
ريتا:وحته كسرت المزهريه واذا مصدك شوف وفتحتلهة اللزكه
يوسف:عززه هاي بشنو
ريتا:اني نزلت دموعي وكلتله لمن دا الم المزهريه الي كسرتهة حبيبتك
متحملت دموعهة الي تحسسني بالذنب حضنتهة
