يوسف:يلا تعايي ام اياد ناكل
ريتا:هههه منو ام اياد
يوسف:جان حلمي اسمي ابني اياد
ريتا:اووكي نسميه اياد بس البنيه اني اسميهة زهراء
يوسف:يخبل ام زهراء
ريتا:فدووه لطولك واكلت هواي لان جنت مرتاحه ماعندي هم ولا مشكله الله معافني ورجعلي حبيبي اليه وجنه مرتاحين بحياتنه وفتت كليه وبعد 3اشهر صارت عندي حاله غريبه اتقيأ العفو وادوخ وانزعج من العطر القوي وقررت اروح للدكتوره بس اخاف اطلع وحدي ونزلت ع خاله
ريتا:هلاو خاله شلونج وبستهة وكعدت
سبأ:هلا بجنتي غاليتي يمه وجهج صاير جركايه فدووه لمرت ابني
ريتا:فدووه لقلبج خالتي..خاله اريد اكلج ع فد موضوع بس خليه بيناتنه وكلتلهة ع الاعراض وكلشي
سبأ:ايي يمه يلا كومي نروح لدكتوره زينه اني اعرفهة
ريتا:ماشي خاله
وورحنا حللت والدكتوره صاحتلنه
الدكتوره:الف مبروك انتي حامل
ريتا:تسلمين دكتوره شكرا اشكرج من قلبي ونزلت دمعتي من الفرح
سبأ:واخيرا حشوف حفيدي ربي يخليج النه انتي وحفيدنه يكلبي
ريتا:تسلمين ياعيني خاله بس لتكولين ليوسف اني حسويله مفاجاه هسه اكيد يتخبل من يعرف اذا سمعتوا عياط شي فعادي يعني لان اتعرفين ابنج
سبأ:ههههه اي زين كلتيلي
ورجعت للبيت طايره من الفرح وسويت عشه وقالب كيك وفتت جهزت نفسي لبست فستان قصير وخليت مكياج سموكي واتعطرت وزينت الغرفه كلهة ورد وعطرت البيت وكعدت انتضره بعد شويي وصل وكمت ع حيلي واضحك
يوسف:نادره هيه كوه الله شطالعه توتايتي اليوم مشتاقلج يولي
ريتا:حبيبي خلي اجيب العشه ورحت خليت العشه وهو بس يباوع عليه ويتغزل بيه وبعدين جبت الكيك
ريتا:حبيبي حكلك مفاجاه
يوسف:كوليي بسرعه
ريتا:انيي..
يوسف:ايي كطعتي كلبي احجي
ريتا:حامل
يوسف:شنوو اذا مقلب كولي تره ازعل منج
ريتا:ههههههه لامو مقلب
يوسف:احلفي
ريتا:والله العضيم اني حامل
يوسف:صدك وشالني وضل يتفر بيه والدنيا مواسعته من الفرحه
ريتا:على كيفك ميصير اني حامل
يوسف:اسف اسف وهنا نزلت دمعته من الفرح مسحت دمعته وكلتله الله يخليكم الي انته وابنك يافرحتي بهل دنيا
بعد مرور 4اشهر جان حملي حساس كلش واني صرت حساسه وابجي بسرعه ويوسف فدوه لقلبه متحملني ويلبيي طلباتي
ريتا:يوووووووووووووسف
يوسف:ها عمري
ريتا:مشتهيه بيتفور يوسف:اتامرين وراح وجابلي
ضلينه احنه احله ثنين ماما تخابر واحاجيها ويوسف يمي واهلي يحبوه وعمي وخالتي يموتون عليه وبعد شهر رحنه عمود انشوف جنس الجنين
الدكتورة:طلع عدكم توم ولد وبنيه وكلش فرحنه وسوينه حفله وبدينه نطلع نسوق اني وياه ونشتري وردي وازرق لزهوره واياد وبعد شهر صرت بشهر السابع وهستونه فتنه للغرفه وهو راح يجيب مي من المطبخ ريتا:يوووووسف الحكي اخخخ واجه يركض
يوسف:شبيج حبيبتي
ريتا:يووسف حموت من الوجع ورحنا للمستشفى وجيبوني ولاده مبكره وشرفوا اياد وزهوري وجان وضعهم مستقر بحكم انو همه اصغار وخلوهم بالحضانه وبعدين اخذناهم وجنه اسعد ثنين بالعالم يوسف جان يساعدني ولمن اروح للكليه اذبهم يم خالتي واروح وهيه تموت عليهم روحه من الدنيا
الله عوضني عن كل الي شفتهة الحمدلله
(والطيبون للطيبات والطيبات للطيبون)🌹
النهايه😻
للكاتبه✏:YAQEEN ALOBIDY
