الفصل 21
ريماس بنرفزة: لا زياد متقوليش كدا انتي بتكدبي عليا انا لسة سايباه الصبح هو اكيد فوق
و جريت علي جوة تشوفه
و هي بتصرخ:زياااد
دخلت ريماس الفيلا اتصدمت و تنحت لما شافت الفيلا متزينة بالورد و البلالين الدبل فيس و مكتوب بالورد ( بحبك ) (تتجوزيني يا ريماس )
ريماس كانت متنحة و شافت مازن قرب منها و باس ايديها
ريماس :أبيه زياد فين حصله ايه
مازن شاورلها علي زياد كان واقف بعيد
ريماس جريت ناحيته :أبيه انت كويس حصلك حاجة
زياد :يا حبيبتي انا كويس مالك
ريماس :و ايه اللي موجود ده و الورد و البلالين و الحاجات دي كلها مين عاملها
مازن ايجا عندها
مازن :حبيبتي بصراحة كدا كنت عاملك مفجاة و
و لسة بيكمل كلامه
ريماس خبطته جامد علي كتفه و بالقلم علي وشه
ريماس بعصبية :انت اتجننت يا مازن ازاي تخضني علي زياد و تقولي سوري يعني
مازن بيحسس علي وشه مكان القلم
مازن :انتي قد القلم ده
ريماس :يعني انت ايه اللي عملته ده
مازن :طب علي فكرة بقا دي فكرة زياد
زياد :انت بتدبسني انا ليه يا عم مش انت اللي قولتلي اعمل مفاجأة متخطرش علي بالها
ريماس :يعني انتو بتضحكو عليا انتو اصلا رخمين
بعدها رباب و شاهر و فاطمة ايجو ناحيتهم و بيضحكو
ريماس :وانتو كمان كنتو عارفين
كلهم :اه دي أوامر زياد و مازن
ريماس :بس انا مش فاهمة حاجة حد يفهمني بقا
مازن :انا هحكيلك
امبارح كنت جاي عندكم و انتي كنتي نايمة و كنت راجع بالليل
و زياد كان لسة راجع من برة و خالتي و جوز خالتي كانو قاعدين
و دادة فاطمة قالتلي تحضرلي العشا عشان لو جعان
فلاش باك :
مازن : انا مش جعان اقعدى يا خالتو وانت يا زياد فوق لى كده
وبعدين وقفت و ظبطت الجاكت اللى كنت لابسه و ظبطت الكرافتة ووقفت قدام جوز خالتي
مازن :عمى يسعدنى و يشرفني انى اطلب منك ايد ريماس بنت خالتي
زياد اتعدل فى قعدته على طول وهو بيبصلي و عمي و خالتي بصوا لبعض بمنتهى السعادة
مازن : ها يا عمى قولت ايه
شاهر: تفتكر يعنى هقول ايه يا مازن انا موافق طبعا بس المهم رأي ريماس
مازن :بس انا عندي فكرة انا بفكر نفجأها ب كدة
زياد :ازاي يعني
مازن :مش عارف بس فكر معايا
زياد سكت دقايق :اممم لقيتها
و اقترح علينا الحل ده
و اتفق مع الكل علي اننا نخضك و بعدين نفرحك
______
ريماس اتصدمت من اللي سمعته
و راحت ناحية زياد
ريماس بعصبية :انت مجنون انا كنت هموت فيها هي دي المفجاة يا زياد
زياد بيضحك :ماليش دعوة هو اللي وافق
ريماس :انتو اصلا رخمين وانا بكرهكو
شاهر :طب يا حبيبتي انتي موافقة علي مازن ولا لا
ريماس بقا وشها عبارة عن طماطم من الكسوف
وحاولت تجرى على بره جرى وراها زياد ورجعها
ريماس ساكتة مبتنطقش
شاهر: يعنى مش موافقة انا قولت كده برضو
مازن كان هيغمى عليه و ريماس اللي تنحت وفاضل شوية و دموعها تنزل
مازن: ليه مش موافق يا عمى هو انا مش كويس
شاهر بيبص ل زياد و رباب و ضحكوا
شاهر: ها يا ريماس موافقة ولا لا
ريماس هزت دماغها ب اه واستخبت فى حضن زياد
شاهر: طبعا يا حبيبى موافق هو انا هلاقى لريماس احسن منك تعالى فى حضنى
وجرى عليه مازن و حضنه وطبعا ريماس كانت مكسوفة
و رباب راحت ل زياد : سيبلى ريمو شوية مبروك يا حبيبتى الف مبروك ربنا يتمملكم علي خير
و حضنتها
راح مازن على خالته وحضنها وقالت له
رباب: مبروك يا مازن الف مبروك يا حبيبي خلى بالك من ريماس دى واحدة بس
مازن: دى فى عينيا يا خالتو
زياد : ياااااه كبرتى يا ريمو الف مبروك يا حبيبتى
ريماس بكسوف : الله يبارك فيك يا زياد
زياد: مبروك يا مازن اخيرا نطقت ده انا كنت فاكر انك هتفضل ابو الهول كده على طول
مازن: ايه ده وانت عرفت من فين اذا كان هى لسه عارفة من كام يوم
زياد: يا ابنى كان باين عليك بس كنت غبى شويتين و مش عارف
مازن: الله ايه ده هو كان باين كده وانا اخر واحد اعرف
زياد: تصدق اه
ريماس اتكسفت:يعني انتو كنتو عارفين
زياد :طبعا
مازن: لا بقى ده انا غبى فعلا
زياد: الحقى يا ريمو لا لالالا انا مش موافق انا مجوزش اختى لواحد كده
بلاها الجوازة دى يا بابا
مازن شد ريماس من ايديها وخباها وراه: ايه حيلك انت بتقول ايه ريمو خطيبتى خلاص
زياد بيضحك: ايه يا عم بالراحة علينا شوية مبروك يا باشا زهقتونى
مازن: الله يبارك فيك
شاهر: تعالى يا ريمو وراحت ريماس اترمت فى حضن باباها
شاهر :مبروك يا حبيبتى مازن ده تحطيه فى عينيكى وتحافظى عليه
مازن: ايوة ياعمى وصيها وصيها
شاهر: وانت كمان يا مازن اوعى فى يوم تزعلها
ريماس بتبصله: ايوة اسمع كلام بابا
زياد: اشمعنا فى دى نطقتى
ريماس اتكسفت
رباب: حرام عليك يا زياد كده كسفتها
مازن: ملكش دعوة بيها يا زياد ومتخافش ياعمى دى فى عينيا من جوه
رباب : يا فاطمة يا فاطمة
فاطمة : نعم يا هانم
رباب : هاتى الشربات بسرعه
