الفصل 24
ادم بعصبية:ليه هي رحلة
دينا :لا مش رحلة انا اسفة لحضرتك
آدم :اتفضلي اطلعي برة
دينا دموعها نزلت :حاضر
آدم :وانتي يا انسة سما حسابك معايا بعدين
____________
دينا خرجت و حست انه احرجها و أنها غلطت أنها سمعت كلام سما بنت خالتها
__________
عند شهد و شيماء و ريماس
زياد رجع ليهم و اشتري ليهم عصائر و اكل
شيماء : ايه يا زياد كل ده كنت فين
زياد: ابدا كان فيه بنت زى القمر واقفة فى الكافيتريا وكان شكلها محتارة قولت اساعدها
شهد بنرفزة :قولت ايه يا بابا
ريماس: استني بس يا شهد نسأل الأسئلة المهمة
و عملت ايه ساعدتها
زياد: طبعا انتى عارفة اخوكى
شهد :و اخدت رقمها ولا لسة
زياد :تصدقي نسيت
شهد:طب روح يا حبيبي هاتو روح يلا
زياد بيضحك :بهزر يا مجنونة و بعدين انا محدش مالي عيني غيرك اصلا
شهد :صحيح بابا عازمكم بكرة انت و ريماس و مازن و طبعا شيمو و هيما
زياد :بكرة طيب هشوف كدا
_________
وراحوا النادى وجالهم مازن و إبراهيم و اتغدو
و اليوم كان حلو اوي و بعدين دخلوا سينما
زياد :ها ... اختارتو ايه رعب ولا رومانسي
شهد :رعب
زياد:ما بلاش رعب
شيماء و ريماس :اه رعب عايزين رعب
زياد و مازن جابو التذاكر
مازن : اتفضلوا يا بنات
شهد : استنوا اروح اجيب فشار
زياد : انا هجيب انتي مش معاكي راجل ولا ايه
ريماس بتغمزله : سيد الرجاله يا اخويا
دخلوا قعدوا في صاله السينما وبدأ الفيلم
جه مشهد رعب و شهد غصب عنها مسكت ايد زياد من الخضه
زياد بص ل شهد و شهد بكسوف شالت ايديها : انا اسفه
زياد بأبتسامه و مسك ايديها :ولا يهمك يا حبيبتي
الفيلم خلص وخرجو من الفيلم و بيحكوا الفيلم وانهي مشاهد خضتهم اكتر
و روحت البيت
__________
تاني يوم زياد و ريماس و مازن كانو معزومين عندهم و هما بياكلو علي السفرة
زياد :عمي انا عايز حضرتك في موضوع و اتمنى توافق
عبدلله :اتفضلي يابني
زياد :بصراحة كدا انا فكرت في فكرة كويسة جدا و ياريت حضرتك توافق عليها
عبدلله :قول يا زياد
زياد :مازن عندهم في القناة طالبين مذيعين و أفكار جديدة و انا فكرت في ان شهد تقدم برنامج في Tv عندهم في القناة
شهد :أقدم برنامج اللي هو ازاي ده
زياد :برنامج طبخ هتعملي اكلات اللي انتي بخترعيها و الاكلات الجديدة و بالمرة تفيدي الناس
شهد :لا طبعا مستحيل انا اتكسف
زياد :يا شهد انتي كدا كدا في إعلام و تخصصك السنة الجاية هيكون اذاعة و تليفزيون
شهد :لا طبعا انا بتكسف ... ما تقول حاجة يا بابا
عبدلله :ولله يا بنتي ده مستقبلك و انا شايف ان زياد فكر صح دي حاجة انتي بتحبيها و في نفس الوقت دي دراستك إعلام
شيماء :طب ولله فكرة جامدة ما توافقي يا دودو و النبي
شهد :لا مش هينفع صدقيني دي كاميرا و تليفزيون و الناس كلها شايفاني
ريماس :يا شهد متقلقيش مازن هيدربك ولله
مازن :متخافيش يا شهد كلنا هنكون معاكي ولله
امل :وافقي يا شهد ولله فكرة حلوة
شهد :طيب موافقة
مازن :حلو جدا بكرة هتيجي القناة عندي و هتمضي العقد و نبدأ البرنامج و انا هتابع معاكي خطوة خطوة
___________
تاني يوم زياد اخد شهد و وصلو القناة
زياد :مش عايز تكشيرة
شهد :انا خايفة ما بلاش يا زياد
زياد :يا حبيبتي انا عارف ان ده حلمك و انا نفسي احققهولك
شهد :كنت فاكراك هتتضايق او تتريق و تقولي سيبي الشغل لكن بتساعدني أنجح و أظهر موهبتي
زياد :لو انا فكرت غير كدا هكون إنسان اناني
___________
في اللحظة دي مازن شافهم و وصل عندهم
مازن :اهلا و انا اقول القناة نورت ليه
شهد :ازيك يا مازن
مازن :تعالي يا شهد معايا علي مكتب مدير القناة عشان نمضي العقد
شهد :استني من أولها كدا
زياد :يلا يا حبيبتي
