تزوجت ولكن..؟

الجزء الرابع

البارت الرابع
#تزوجت_ولكن...?
#بقلمي_شمس

خلصت الحفله تعبانه سبحت ورحت للغرفه ارتاح .. اتصل علاء وبقى يسولف واني نعسانه بس مردت اكسر بخاطره ..
وبعدين اجن اخواتي وسهرنا شويه نسولف ونضحك ..
تالي ماحسيت ع روحي وغفيت من التعب .. #شمس

ثاني يوم .. گعدت من الصبح رتبت غراضي .. وجهزت نفسي وسبحت ورحنا للصالون ..
كنت مأجره بدله كولش حلوه .. وسوتليه تسريحه ومنزله خصل من شعري وخلت الغشاوه ..
مصدگت نفسي بالمرايه . عبالك وحده ثانيه مو اني .. هذا حلم كل بنيه بالبدله البيضه ..
بساعتها حسيت احساس حلو .. بس هم اكو قلق بداخلي لان حدخل ع عائله جديده وحياة جديده ..
وزواجنا صار بسرعه بسرعه ملحگت اتعرف عليهم .. حتى علاء من يعزمني .. مو بيتهم .. دايما يطلعني بالمطعم او بمكان عام ..
حتى ماعندي اختلاط باخواته ..

رجعنا للبيت .. واخواتي واقربائنا كولهه ترگص وفرحانين ..
تالي گالوا اجو .. اني رجليه بعد مااحس بيها .. احس راح يغمى عليه مااعرف ليش ..
دخل علاء لابس قاط حلو وهو مرتب .. #شمس
وگف يمي واخذنا كم صوره .. ولبست هيج مثل الكبوس وطويل حتى ليطلع شعري واديه .. مع انه علاء مطلب ولا دقق بهيج شي بس اني استحي
بوست اخواتي ومامل ..وطلعنا صعدني بالسياره .. ومشت الزفه وسيارات قليله جايه مو هوايه .. واني بالصدفه رفعت عيني ع الشباك ..
وشفت رائد يتباوعلي وشكله ضايج .. انصدمت من شفته كأنه اتعمد يوگف هنا حتى اشوفه .. عيونه كولهه عتاب معناهه ليش تركتيني وتزوجتي غيري .. اختنگت كولش .. بس هو السبب حتى مصارحني او لمح الشي .. وتركني واختفى ..
فات الاوان وهسا اني متزوجه ولازم انساه .. #شمس

رائد .. سمعت اليوم زواجهه .. تخبلت وقررت اروح اشوفها حتى اذا اخر مره لان اشتاقيت لعيونهه ونضراتها .. وشفتها وهي بسياره الزفه بس العريس مو اني واحد غيري سبقني واخذها مني ..
نضراتها تعاتبني وتگلي انت الي تأخرت عني وماتزوجتني ..
نضراتها بيها شي ماگدرت افهمه .. معقوله جبروها .. وحتى اذا جبروها شيفيد واني الي خسرتها بعد واليوم تصير مرت غيري ..

بساعتها من اتباوع بعيونها .. اجه ببالي شعر
#يالجبروج

#يالقنعوج

وما كملتي عشرينج ... غصب زفوج

كرهت الشيخ من كلج
ولج ترضين
وقبلتي !!!

جا كلتيلة اريد ويه #الولف زفتي

ما شايل حقد ل أبليس
بس شايل حقد عالناس
ذولة الركصوا بعرسج .. #شمس

دخلت عليه امي شافتني ضايج .. يمه لاتقهر روحك كلشي قسمه ونصيب ..
والصوج منك يايمه اذا تحبها هيج ليس ماخطبتها بساعتك ..
رائد .. يمه خفت عليها حبيتها بنضراتي ونضراتها وماردت اسوي علاقه وياهه .. والناس تشوفنا .. خفت عليها مثل خوفي ع خواتي وتالي ضاعت مني .. #شمس

مها .. مارحنا الفندق .. زفونا البيتهم ..
البيت ماشاء الله يخبل وكبير .. وغرفتنا فوگ ..

صعدنا للغرفه .. وكنت خايفه حيل .. بدلنا وجابوا العشا بس مااكلت استحيت بس علاء اكل شويه وتالي گمنا ع السرير وووووو وخلصنا .. لكن شمأزيت من علاء ..
يسوي تصرفات ضوجتني كأنه مو اول مره متزوج .. عبالك من زمان ويتصرف مو گانه مرته .. عبالك وحده من ذولي...... #شمس

هو خلص ونام واني دخلت للحمام فتحت الباب وابجي .. من الالم ومن البشاعه الي شفتها منه طريقته ابد
معجبتني ..
بديت ادور اله تبريرات .. فگلت اكيد ولد ومتلهف للزواج وكذا .. #شمس
وحاولت انسى .. سبحت وطلعت نشفت شعري ونمت .. تالي جعت لگيت الصينيه بيها كباب ومشاوي ومقبلات .. سويت لفه واكلت ونمت ..

للصبح نايمه مااحس الا علاء فوگايه .. حتى ذره مشاعر واحساس ماعنده يهجم عليه ياخذ حاجته ويگوم ..
ويگلي ماعندج مشاعر بارده .. ليش متسوين الي اريده ..
گوتله .. شگلولك قابل كل يوم متزوجه هاي اول مره ومااعرف .. وانت الي يشوفك عبالك متزوج كم مره قبلي .. #شمس
علاء .. هههههه اعتبر هذا إطراء .. يله حبيبي راح اسبح وانزل وانتي هم بس تخلصين نزلي ورايه ..

صفنت ع نفسي بالمرايه .. لو ادري هيج الزواج متزوجت .. اني كنت اريد انسان يهتم المشاعري يحبني يغمرني بحنانه ورومانسيته .. مو بهمجيته ويخضع بس الرغباته .. بدون اي اهتمام المشاعري .. #شمس

سبحت ونزلت .. واخذت شال وياي گلت خاف خطار عندهم ..
سلمت ع امه واخواته وگعدت بالصاله .. اني البارحه ماانتبهت البيتهم ..
بس شفت اكو ثلاث غرف جوه .. مؤثثه .. يعني بيها غرف اخشاب .. اتعجبت واني الي ادري بي هو الولد الوحيد عند اهله .. #شمس

بعدين عرفت اخواته عايشات وياهم هن واوالادهن وازواجهن ..
فگلت عادي لان هي زوجهه متوفي واكيد ماتحب اولادهه يفارگوهه والبيت كبير .. وعجبني جوهم العائلي .. تحسهم كولهم عائله وحده ..

بس الي ضايقني .. انه اني متزوجه جديد وهم اريد البس واعدل .. وازواجهن بأعتبار هم اغراب عني .. واكيد راح اتقيد .. #شمس

خلصنا ريوگ .. وصعدت للغرفه .. فلاحظت اكو غرفه بالممر الي مقابيل غرفتي الفوگ وبابهه مفتوح ..
مااهتميت .. فتحت باب غرفتي ردت ادخل .. شفت علاء طلع منها .. بقيت صافنه .. هو من شافتي انخطف لون وجهه ..
دخل ورايه للغرفه .. ماحبيت اسأله شنو هاي الغرفه او شتسوي بيها .. عبالي مخزن او هيج شي ..
لهذا سكتت وهو هم سكت ومحجه .. واجه يحظن ويتغزل ومشتاقلج .. يحاول يغطي ع شي ??
#شمس
يتبع...