-
البطله ـ اسمي جمانه مواليد١٩٨٢اما عن شكلي اني بيضه عيوني عسليه ملامح وجهي حلوة طويله و رشيقه و لون شعري جوزي فاتح اما عائلتي متكونه من والدتي ووالدي واختي مها عمل والدي قاضي ووالدتي ربت بيت حالتنه الماديه جيدا جدا وذلك لان والدي ورث من جدي الله يرحمه راح اتكلم بالبدايه عن المرحله الي مريت بيه بااثناء مراهقتي طبعا والدي جدا يحبنه ومدللنه الى ابعد الحدود وكان يحب والدتي جدا ولكن صارت بعض المشاكل بينهم ومشاكل كانت ممكن تنحل ولكن والدتي اصرت انو تنفصل عن والدي وفعلا انفصلت عن والدي والدي ماقبل يتخله عنه لهذا امي عافتنه اني واختي واختي مها اصغر مني بااربع سنوات وبهاي الفترة الي بيها والدتي عافتنه علاقتنه اصبحت قويه جدا بوالدي وبالذات اني وبعد فترة امي ازوجت واحد عراقي عايش بالكويت وسافرت عاشت هناك طبعا صار عدها من زوجه الثاني بنيه ولد علاقتي بيهم معدومه علاقتنه الوحيدة باامي وايضا علاقه غير قويه يعني على كد الاتصالات ولكن بعد زواج امي والدي جدا حزن لان جان يحب امي بشكل كبير جدا وايضا رفض يزوج رفض يجيبنه مرة اب جان دائما يكول اني اخاف اموت اخاف عليكم من بعدي دائما يكلي انتي واختج كل دنيتي الفرق بين ابويه وبين امي شاسع امي كدرت تتخله عنه بكل بساطه وسويتلها حياة جديدة بس والدي مكدر طبعا كان ويانه بكل مراحل حياتنه من نطلع نشتري ملابس من نروح للمدرسه بكلشي ومرت حياتي ويا والدي واختي حياة برغم بساطتها بس حياة حلوة وهادئه طبعا علاقتي بااهل امي مكطوعه اماعلاقتي بااهل والدي جيدة بيبيتي وجدي متوفين ولكن عندي عمتي جنان جدا تحبنه وعمي حازم علاقته جدا قويه ويا والدي هذوله الاثنين كانو دائما ويانه طبعا بهاي الفترة اني نجحت من السادس ودخلت كليه ادارة واقتصاد ومن اول يوم جذب انتباهي واحد جان كاعد بالكافتريا جان شكله حلو ابيض شعرة اسود لون عيونه صفر حلوه انيق مبين من كعدته وكمشت الجكاير انو كارزمه مختلفه طبعا اني باوعت عليه لان مجرد فضول واحب اطلع على مكان اول يوم اجايته فحبيت اشوف هذا المجتمع الجديد عليه دائما جنت اسمعهم يحجون انو الكليه مجتمع مختلف وحياة حلوة فعلا لمن دخلت للكليه شفته حياة مختلفه اول كم يوم وبدت تصير عندي علاقات ويا صديقات ماجنت اكعد ابد ويا ولد شباب برغم انو احنه والدي معلمنه على الحريه بس دائما كان يكلنه ان انطيتكم حريه فياريت تستخدموها بالطريقه الصحيحه يتبع ......... #الكاتبه #روجمان
