طبعا كلش حبيت الي سوه حيدر لخاطري فعلا حسيت عندي ظهر وسند بالحياة ولكن بعد ثلاث سنوات على زواجنه بدت تصير مشاكل بسبب الاطفال اهله كامو يكلوله هاي متخلف انت لازم يصير عندك اطفال لشوكت تصبر ومن هالحجي واني طكت روحي وطلعت من البيت طبعا اني بعد وفاة بابا كمت اروح يم عمتي جنان فلمن زعلت طلعت رحت يم عمتي هذا الحجي طلعت الصبح باليل اجه حيدر كلي هسه ترجعين ويايه بوكته رفضت وحتى عمتي كلتله دعوفها كم يوم ترتاح يمي ماقبل كال ترجع المهم كتله ارجع بس مااريد ارجع اكعد ويااهلك كلي ميخالف فعلا بالليل رجعني وهو عندة بيت بزيونه مقفول ودة خدامه نظفته وطلعنه اني وياة اشترينه اثاث ورتبنه البيت تقريبا عشر تيام ورحت كعدت بالبيت طبعا اهله رفضو كلش وامه زعلت بس هو مهتم واول شهر الي بالبيت صرت حامل حسبت الدنيا صغيرة من كثر فرحتي وحيدر طار عقله حتى جاب وحدة كلي هاي تبقه يمنه وتنظفلج وتشتغل انتي لسوين شي ولكن سبحان رب العالمين مجان قاسملي هاي الفرحه لمن صار الطفل تلث اشهر مات بطني متت قهر حالتي النفسيه دمرت حسيت بخنكة الدنيا كلها وبعدها ظليت اتعالج وسافرت للاردن وسافرت لتركيا وسفرني لدبي وكل هذا وبدون اي فائدة جان كلما يسافر ياخذني وياة حتى اتعالج همين بس ماصار اي شي وبده كلما يروح يم اهله يكلوله ازوج وهو جان يرفض ومجان يحسسني بشي بالعكس يحبني ومدللني بس اني كمت احس بالنقص كمت احس نفسي ناقصه كلش وكامت بعدها اصير مشاكل تافه اني كمت ماااتحمل اخلي واطلع اروح لبيت عمتي ابقه يوم يومين ويجي ياخذني ميتحمل انو اني ماموجودة يلوب الايجيني وظليت فترة طويله اني اتعالج راح ايصير على هالحسبه تقريبا ٦سنوات مزوجين ومصار عندي طفل والمشكله من عندي صحيح اني انانيه لان داحرمه من ان يكون عنده طفل بس موبيدي مجرد فكرت انو تجي وحدة تشاركني حيدر اتخبل احس نار وشبت بيه مااكدرو دائما جانت اكو مخططات من ورايه ولان اني مااروح لااهله كلش قليل فجانو هوايه يكلوله زوج جيبلك طفل لظل هيج وهو جان بين نارين ومرة من المرات اجه كلي جمانه اريد احجي وياج بموضوع كتله اي كلي بس من البدايه راح اكلج اني ماااحب غيرج ولاراح احب بعدج ابد انتي دنيا بالنسبه الي انتي احلى شي صار بحياتي بس صدكيني اني اريد احس احساس الابويه واريد طفل يشيل اسمي اني راح ازوج بس علمود الاطفال وراح اظلين انتي كل حياتي وصدكي مراح يتغير حبي الج ابد ولاراح يتااثر باوعت عليه وعيوني مغوركه وحسيت كلبي دينزف بس ردت اثبتله انو اني قويه كتله اي ازوج بس من يوم الي تزوج اعتبرني مو مرتك وكلشي بينه ينتهي الى الابد وعالعموم ياحيدر اني اتمنالك السعادة وعفته وكمت صعدت للغرفه ودموعي بعد ماوكفت وظليت ابجي وكعدت بالكاع سمعت صوت الباب مال كراج نفتحت عرفت انو هو طلع مااعرفت شلون افكر او شسوي غير انو بديت اطلع هدومي من الكنتور واشمرها على جربايه وصحت الخدامه كتلها جيبيلي جنطه ولمت هدومي ويايه وبدلت وصعدت بسيارتي بس من كثرت الدموع مكدرت اباوع الطريق المهم بكوة وصلت لبيت عمتي واول مارحت عمتي شافت عيوني مورمه من البجي كالتلي شبيج حبيبتي كتلها يريد يزوج عليه حضنتني كلتلي خلي يروح خلي يزوج لديرين بال وكلتلي روحي حبيبتي غسلي وبدلي ونامي شويه ارتاحي ومن دكعدين من النوم نسولف كتله اي لان احس نفسي كلش تعبانه ومالي واهس لااي شي
يتبع...
#الكاتبه #روجمان
