- طبعا مرت اول ايام زواجنه احلى مايكون كام حيدر من يسافر الاياخذني وياه واني هوايه تعلقت بي واهله جان ممصرفلهم الوضع ابد وام حيدر جانت كلش قويه كانت تحاربني بس اني ماكنت هلكد اختلط بيهم اكثر وقتي كنت بغرفتي طبعا بيت اهل حيدر كان بيت كلش جيير وعدهم خدامات اثنين فااني مالي دخل بشغل ماانزل جوه كلش قليل لان جنت كلما انزل ايسمعوني حجايه المهم اول سنه من حياتي ويه حيدر كانت روعه بس مصار عندي حمل وظلو اهله يضايقوني باانو متحبلين مجيبين طفل وهو دائما كان يكول لاهله هسه اني مااريد طفل اريد اطلع واتونس ويا جمانه عود بعدين نلحك وبخلال هاي السنه تقدم واحد لااختي مها طبعا هو يصير ابن اخت مرت عمي عايش بفرنسا مره اجه زيارة لبغداد وصدفه شاف مها وخطبها ووالدي وافق وماطولت فترة كصيرة وزوجت مها ورة تقريبا اربع اشهر مها سافرت راحت لفرنسا والدي بهاي الفترة تمرض ورحت تقريبا ظليت يمه شهر والدي كام يحس بالوحدة اني ماموجودة ومها سافرت فظليت فترة يمه شويه صحته صارت احسن رجعت للبيت يم حيدر وتقريبا مرت سنه على زواج مها وجابت وبنيه سمتها نرمين واني بعدني ماحبلت راجعت هوايه دكاترة وهوايه فحوصات وكانو يوميه يكلولي بيج شي وجنت اشوف ام زوجي شلون شمتانه بيه ومرة باليل حسيت نفسه مختنكه كعدت من النوم حس عليه حيدر كلي شبيج كتله ماادري بس بالي يم بابا كلي هسه نايم كتله باجر اول مااكعد اروحله كلي ميخالف طبعا اني اسوق عندي سيارة من ازوجت حيدر علمني السياقه واشترالي سيارة المهم اول مكعدت الصبح شغلت سيارتي ورحت للبيت على والدي عندي مفتاح فتحت الباب ودخلت صحت على والدي ماكو جواب استغربت انو يبقه لهيج وكت نايم لان هو متعلم يكعد من الصبح رحت للغرفه شفته نايم ومتغطي عد صحته مجاوبني تقربت عليه ميتنفس صيحت هزيته ماكو فايده روحي فرفحت خابرت على حيدر وماعرفت شسوي ظليت انتظر حيدر واني كل هذا الوكت اصيح بابا وابجي وعلما اجه حيدر جايب ويا صديقه دكتور كلي جمانه طلعي برة وطلعني وسد الباب علما طلع الدكتور وحيدر كال البقيه بحياتكم ماعرفت ابجي احجي شسوي فجاءة حسيت الجدار الي كان ساندني انهار هما يحجون ويايه واني بغير عالم ظليت ابجي واعيط مااعرف شسويت بس حسيت انو اني بالغرفه مالتي الي ابيت ابويه نايمه على الجربايه نزلت جوه شفت الناس ملتمين والبيت هوسه واني اصيح اكللكهم وين بابا ومناك شفت حيدر اجاني كلي تعاي حبيبتي تعاي نصعد لغرفتج كتله لاحيدر شبيك اريد بابا كلي ميخالف تعاي نصعد هسه واني تهسترت مثل المخبله امشي واكمش بمرت عمي واكلله وين بابا وشفت عمتي اجتي عليه كلتلي تعاي حبيبتي تعاي يمي تعاي خلي راسج بحضني مثل قبل ودخلتني للغرفه الجوة ونومتني على الجربايه الي بابا مات عليها وكعدت وخليت راسي بحضنه وتبجي اول مرة احس محتاجه امي ماادري ليش وجنت محتاجه مها لان يمكن هيا الوحيدة الي هسه عدها نفس الالم الي داحس بي اكيد هيا دتشعر نفس الشعور الي هسه اني عايشته وبعدها غفيت محسيت الاباليل البيت جان هادئ وشفت عمتي نايمه يمي وحيدر ماكو كمت ادور عليه لكيته كاعد بالحديقه رحتله ركض مثل الطفله وضميت راسي بصدره وحسيت انو هذا المكان الوحيد الي مهما تقسى عليا الدنيا يهون عليه وظليت حاضنته مااعرف شكد من الوكت طولت بس بعدين رفع راسي وباوع عليه كلي اترجاج جمانه لتبجين تعرفين كلبي يوجعني من اشوفج تبجين احس بالضعف كتله حيدر بابا مات واني بعد مااشوفه هوكل حياتي هو الي جان ساندني بابا ضحه علمودنه بكلشي وتاليته من مات مات وحدة ماكو احد يمه احنا التهينه بحياتنه وعفنه اني داحس انو اني السبب بموته لان عفته كلي لاياكلبي لدكولين هيج هذا امر الله كلمن يموت بيومه وثاني شي اذا مات ابوج اني موجود من اموت اني عود هذاك الوكت حسي انو ماعندج احد بالدنيا من كلي اموت حسيت كلبي نخمط ردت احضنه واضمه بكلبي حضنته حيل وخفت عليه خفت من فكرت انو اخسر حيدر طبعا مرت تقريبا شهر على وفاة والدي وجانت تخابرني مها تبجي وكنت طول هاي الفترة ابيت اهلي وبعدها رجعت لبيت اهل حيدر وره كم يوم من رجعتي صارت مشكله وجان ام حيدر دكلي بعد لظلين تتفيكين براسنه مات الي جان كامش ظهرج طبعا فعلا حسيت مات ومن مات مات شعور القوى الي بداخلي صعدت الغرفتي وظليت ابجي لحد مورمة عيني والظهر اجه حيدر شافني كلي اشبيج كتله مابيه شي كلي احجي كتله مابيه شي صدكني جان يعوفني ونزل جوه وره شويه اجه كلي تعالي كتله شكو كلي يله كومي كمشني من يدي ونزلنه جوة جانو اهله كاعدين على الميز ديتغدون كلهم كاعدين امه وابو واخته ونسوان اخوته كمشني من يدي وجان يحجي بصوت عالي كال اذا دكولين ابو جمانه مات وماعدها ظهر بعد ومحد يحميه فااني عايش بعدني مميت زين سمعتوني كلكم وجان يباوع عليه وكلي بدلي نطلع نتغده برة اهله وجوهم كامت تضرب الوان واحد يباوع على الثاني وامه سكتت مفتحت حلكها بعد يتبع... #الكاتبه #روجمان ا
