حبيبتي بدينة 😻🙊

البارت السادس

ريم،،،كمت اخفف اكل ونويت اسوي ريجيم قاسي كمت ادخل كروبات وصار عندي اصرار قوي وكمت كل مااجوع اتذكر وسيم وحبي الة واتوقف عن الاكل بس جان نزولي بطيء مااعرف شنو السبب كمت العب رياضة واشرب مايعادل 12 كوب مي باليوم 4 منها اعصر بيها ليمون واشربها قبل الوجبات وعلى الريك واكل خبز شعير وعشة مااتعشة فقط فواكه وكل مااحس بجوع اشرب مي اول اسبوع نزلت 3 كيلو بس وصار وزني 97 😭
وامشي باليوم ساعة او ساعتين ومرات من احجي مع وسيم اكضيها مشي بالحديقة روحة جية والهتفون بأذني
وسيم ،،،بيج شي ريوم
ريم،،،اتناهت واكلة لا مابية شي
وسيم،،،ليش تتنهتين هيج ؟؟
ريم،،،هااا لا هاي لان صعدت ونزلت الدرج بسرعة
وسيم،،،ديري بالج يكلبي لا توكعين ليش تستعجلين
ريم،،،لا حبي متعودة من زمان هيج اصعد وانزل هيج
ريم،،،اجوي بنات خالاتي سرى وسالي واستغربوا من عرفوا بية مسوية ريجيم كالولي شنو الي نفضج وخلاج تنتبهين لروحج وتسوين ريجيم وجانوا يستهزئون كتلهم الى متى يبقى هذا وزني وشكلي اكبر من عمري جان لازم من زمان اصحى على روحي
سالي،،،ظليت صافنة بحجي واصرار ريم وحسيت اكو انة بالموضوع بس جانت سرانية ومتحجي
ريم طلعت نتائجنا ونجحت وتخرجت شكد فرحت وفرحوا اهلي ووسيم
ماما،،،جانت واعدتني بسوار ذهب اسمي
بس جنت اتمنى اسوي اسم وسيم ويبقى بأيدي ولان مكدر اسوي بأسمة سويتة قلبين وبنصها (يم) بس الحرفين الي تجمعنا ومن خلصت لبستها اخذت لأيدي صورة ودزيتها لوسيم
وسيم ،،،فديت الايد الدبدوبة يخبل يعمري وراح ياخذ من ايدج قطعة والكلادة مني الج بس اسمج كامل ان شاء الله
ريم،،،لا حبيبي مااريد الا سلامتك يكفيني وجودك بحياتي
ريم،،،جانت امي وكل اقاربنة ينصبون على السوار مالتي يكلولي شنو ناسي الراء الصايغ لو شنو الفلم
جنت اضحك ومااردلهم
ريم،،،ومرة جنة طالعين وشفت وسيم من الجام خانة مالت المحل كام كلبي يدك كالت امي طبين للمجمع لو لا
ريم،،،ترددت اطب او لا بس جنت مشتاقتلة اريد اشوفة طبيت واشترينا ملابس لأختي المتزوجة منة جانت تجي عيني بعينة ويدنك ميباوع ع بنات جنت اتأملة من يحجي يدنك يضحك اي حركة يسويها واكول شنو ردة فعلة اذا عرفني اني ريم الواكفة كدامة طلعنة واحس كلبي عفتة يمة
وسيم ،،،اجتني بضاعة تخبل وبيها بناطير جينز وبرمودات واشياء تخبل جنت كل مااشوفهم اتذكر ريم وافكر اعزللها قطعه منهم

تفاعلوا 😭😭