ريم،،،ورة ماسديتة مع وسيم بدء ينزل بالبيج مالتة صور وخواطر دعاء الي ونزل
اللهم اني اعوذ بك من قهر يؤلمه، ومن هم يحزنه ومن فكر يقلقه، وشخصاً يحمل خبثاً له ، اللهم ان كان هموم الدنيا ضائقه في صدره فاقضها له وزلها عنه واجعل ايامه فرحاً وسعاده ، اللهم اجعل الدنيا آخر همه والاخرة اكبر همه ، اللهم اجعله غني عن حاجة عبادك
وبدأو يعلقولة امين يارب بس منو هذا الي تدعيلة والي يكلة وضعك ميطمن ابو سوم والي يكلة خطيرة وملعوبة والي يكلة اكو انة بالموضوع والبنات هم علقوا والي انضغطوا وخلن بس لا يكات ومن ضمنهن صديقاتي وبنات خالتي
ابتسمت وكأنه فعلا رب العالمين استجاب دعائة اتصلت بي ب12 بالليل ومن اول دكة رفع
ريم ،،،همست شلونك وسيم بس لا جنت نايم
وسيم ،،،لا والله ابد وين يجيني نوم وانتي ضايجة
ريم،،،ابتسمت وكتلة شفت منشوراتك بصفحتك وبالبيج هاي المن
وسيم،،،همست يعني متعرفين المن لوحدة غالية علية ضاجت وضوجتني وياها
ريم،،،اممم يجوز تطلع انت المضوجها
وسيم،،،معقولة!!! شلون بلة ياريت تسولفيلي
ريم،،،سمعت من البنات صديقاتي عن تعاملك بالمحل وياهن واسلوبك
وسيم ،،،اي ؟؟؟
ريم،،،مااعرف ليش ضجت
وسيم،،،ليش شنو بي اسلوبي مو انتي جاية لمجمعي وشايفة اسلوبي!!
ريم،،،وسيم انت دتحجي مع بنات غيري؟؟ ميار الشمري
وسيم،،،جنت احجي مع بنات قبلج بس من تعرفت عليج بعد مااكلبهن مااعرف ليش وهسة الله شاهد دخلولي اثنين ديسألوني عن منشوراتي وليش ضايج ومارديتلهن
ريم،،،شكد فرحت وارتاحيت من حجة هيج
وسيم ،،،بس لحد هسة ماعرفت انتي ليش ضجتي من حجيهن ؟؟
ريم ،،،ضليت ساكتة مااعرف شنو ارد
وسيم ،،،ريم مو صار لازم نشوف بعض؟؟
ريم،،،لا مو وكتها
وسيم،،،ليش تتهربين مني ومتريدين اشوفج؟؟
ريم،،،صدكني بالوقت المناسب راح تشوفني
ريم،،،بس اريدك توعدني ماطول الثقة موجودة بينة نحافظ عليها ونكون صريحين مع بعض
وسيم،،،اوعدج بس والله اني صريح وياج وصادق
ريم،،،وسيم لتنطي مجال لزبوناتك
وسيم،،، اذا دكوليلي شنو سبب طلبج اوعدج حتى المجمع بعد مااكعد بي
ريم،،،لا شلون متكعد بي هذا باب رزقك بس خلي تعاملك شوي جدي مع البنات ميار الشمري
وسيم،،،ادري ياعيني غير اعرف سبب الطلب احجي والابتسامة تارسة وجهي
ريم،،،كلت بخنكة لان اغار عليك وسيم وووو،،،،
وسيم،،،اي كوليها وشنو
ريم،،،واحبك فوك متصور وتعلقت بيك كلش وبجيت
وسيم جنت مدد وكعدت فز كلبي بحجيها كتلها ليش تبجين اكو اجمل من هالأحساس وهالكلمة تصدكين اذا اكلج شعور متبادل بس بلة انتي شايفتني ومعقولة تحبيني بس اني وضعي ابدا مو طبيعي اكو واحد يحب وحدة مشايفها
ريم،،،، حقك بس ان شاء الله قريبا اخليك تشوفني
وسيم ،،،شوكت قريبا والله خلص صبري ريم اذا تخافين ومواثقة مني لدزيلي صور ولا شي بس اريد اشوفج ولو من بعيد ميار الشمري
ريم ،،،وسيم الله يخليك مو وعدتك قريبا تشوفني لتلح علية الله يخليك
وسيم،،،سكتت وتقبلت الموضوع بس ظلت حسرة بكلبي اشوفها ثاني يوم اتصلت بصديقي وكلي ماكو هيج مواصفات واسمها ريم جيبلي الاسم كامل اقلها الواحد يعرف شلون يدورها وميحتار
كمت ادخل لصفحتها واتابع منشوراتها وصديقاتها جانت مضايفة ولد ابد
حاولت اراسلها من غير حسابات مترد وتسوي حضر اتصل بيها من خطي الثاني مترفع زاد تعلقي بيها رغم الغموض الي معيشتني بي
ريم ،،،عشقتة لحد الجنون وصرنا طول النهار نحجي بالتلفون او نتراسل جنت شنو اطلب منة ينفذلي عشت اجمل ايام
وسيم،،،جنت مرة بالمحل وصورتلها تنورة قصيرة تطلع شبر ونص لونها حليبي على المليكانة ودزيتلها الصورة
ريم،،،هاي شنو حبيبي
وسيم،،،يعجبج هيج شي ؟؟ من اشوفها تجين بالي اتمنى اشوفها عليج
ريم ،،،،اممم اي حلوة بس ماالبس هيج اني
وسيم،،،اي ولج شحدج تلبسيها واحد يشوفج بيها اريدج تلبسيها الي بس هاي تصير فوك الركبة وانتي طويلة يعني زرورج تطلع
ريم ،،،جنت اكل معكرونة وسوالف وسيم بهضتني وسدت نفسي
وسيم،،،شنو دتاكلين ؟؟ حبيبي كل مااحاجيج الكاج تاكلين فد شي
ريم ،،،دآكل معكرونة ماتغديت ومن احاجيك تنفتح شهيتي (وهو اني هاي ثالث وجبة اكلها من الظهر)
وسيم،،،عافيات كلبي بس ديري بالج تسمنين ترة اتخبل من السمينات
ريم ،،،اختنكت وغصيت وظليت اكح حسيت المعكرونة راح تطلع من عيوني
وسيم ،،،اسم الله حبيبي شربي مي
ريم ،،، غير الحجي الي كلتة ماينبلع لو اشرب نهر دجلة كلة كلت لا حبي ماكو شي شربت مي
وسيم،،،عوفي المعكرونة كافي لاتروح التنورة متجيج 😉 هاي اخر قطعة وراح اخليها الج
ريم،،،بس هاي مو قياسي
وسيم،،،لا حبي قياسج حسب وزنج قياس 40 فت عليج
ريم،،،كلت بنترة لا حبي مو قياسي وداعتك
وسيم،،،اممم فهمت عليج حبيبي ولا يهمج (اشتعلوا اهلك وسيم هاي شكد صاكة لعد اكيد عدها الانوثة طاغية واكو بروزات وتضاريس بالموضوع اووف ادفع نص عمري واشوف ريومة لو بس ترحمين حالي)
ريم ،،،وبعدين اني مااحب هيج الوان فاتحة احب الغوامق وعشقي الاسود
صدك وسيم ليش متلبس غوامق الاسود ونيلي يطلع عليك فد شي
وسيم ،،،ممجرب البس غوامق بس مع هذا لعيونج راح اغير حتى لبسي وبيوم الي تجين للمجمع انطيني خبر وكوليلي شنو تحبيني البس ودللي
ريم،،،فديت الي يلبسلي كلشي بس الاصفر لتلبسة بعد
وسيم،،،ياربي لتخبليني ريم كمت اخاف منج ترة الاصفر اجاني هدية ومالبستة الا مرة وحدة قبل ايام
ريم ،،،هههههه ضحكت وكلت اي وبالصدفة مريت وشفتك لابسة
وسيم،،،،ضجت كلش واعصابي تعبت بس مكدرت ازعلها وارجع احجي بالموضوع بس صار حجيها يخوفني ليش دتجي وتشوفني ومتخليني اشوفها!!
ميار الشمري
تورطت ريم😂😂 توقعاتكم بالبارت الجاي فدوة لعينكم تفاعلوا انتو تكلولي نشري ومن انشر محد يشوفه 😢💔
أنت تقرأ
حبيبتي بدينة 😻🙊
Romansa🌸 قصة بنيه تحب ولد من طرف واحد وهي بدينه ومتكدر تحاجي وجازف وتكلمه بدون ميعرف هويتها ويحبها لكن تتبدل الامور ع ساعه وتصير احداث سيئة بعد ما كانت عايشه بلحظات فرح 😭💔 اتمنى الكم قراءة ممتعه وقصه جدا لطيفه واحداثها مشوقه 🙈 القصه منقوله 🌺💐
