حبيبتي بدينة 😻🙊

البارت الاول

ريم ،،،عمري22 سنة طالبة مرحلة رابعة اداب وبعد اسبوعين لتخرجي ودنحضر لحفلة تخرجنا ومحتارة شنو البس اني وزني 100 وطولي 165 😖من اني وصغيرة هيج جسمي مليانة ومدبدبة لكن من كبرت زادت عندي السمنة وبعد مااسيطر على وزني بالرغم شكلي كلش حلو بيضة وعيوني كبار صفر ورسومي ناعمة بس للأسف جان جمالي ضايع من وزني تعبت من الانتقادات ووين مااروح يسمعوني حجي عن وزني بس ماجانت عندي ارادة وماحاولت اتبع حمية او التزم بريجيم  ميار الشمريجنت مو كلش اجتماعية ولا احب اطلع كلش حتى متزعجني كثرة الانتقادات جاية حفلة تخرجي ومااعرف شنو راح البس جانت شغلة الملابس بالحفلات تعقدني والقياسات الخاصة مو حلوة وموديلاتها عبالك مال عجائز اجوي بنات خالتي مرة العصر عليه كعدنة بالحديقة وطلعنة حلويات وعصير وفواكه وجانوا يحجون على مجمع مفتح جديد بالشارع التجاري بالسيدية يعني مو كلش بعيد علينا ويتبسبسن على صاحب المجمع ريم ،،،شبيجن ماتاكلن وكافي بسبسة  وأحجن بصوت عاليسالي ،،،وج فزكانة احنة بحال اكل هسةريم ،،،خيركم عدكم مصيبة والله وضحكنة سالي،،،،ريوم مو كلتي مااشتريتي لحد هسة ملابس لحفلة التخرج مالتكم ؟؟؟ريم ،،،اي والله بعد ويمكن حتى مااحضرها   ميار الشمريسالي ليش ولج متحضريها هو الواحد كم مرة يتخرج بهل عمر ريم،،،والله تعقدت من جسمي وكالعادة مالكت لحد هسة ملابس تناسبني سالي،،،وج اني وسرى توي دنحجي بموضوعج احجيلها سرى على مجمع الوسيم فديت وسامتة سرى ،،،يولي يموت يكطع شأحجيلج ياريمريم ،،،ولجن منو اليكطع المجمع لو صاحبة مو خبلتوني !!كاموا يضحكون وكالولي الاثنين يهبلون كومي بدلي خلي نروحلة ريم ،،،ماالي خلك هسة يطلع ميجيب احجام خاصة واتفشل لحاليبسرعة كاطعوني اثنينهم ولج يجيب والله احجام خاصة وعامة وكلشي وكلاشي بس كومي فضينا خلي نشوف شعندة ماعندةريم ،،،،يلا لعد انتظروني ابدل واجيكم وفعلا بدلت وطلعنا وطول الطريق وهنة يحجن على وسيم صاحب المجمع وعن جمالة حتى صار عندي فضول اشوفة جانن سرى وسالي متعددات العلاقات عادي يعني يحجون مع اليعجبهم ويصارحون ويصادقون وفري ومثل ميكولون عايشات حياتهن طول بعرض ضلينا نضحك ونشاقة طبينة للمجمع واااااووو فد شي راقي ويخبل الديكور الا بالشدة حتى العمال الي بي مرتبين وكشخة كالولي هذاك وسيم الي ورة المكتب باوعت 🙄🙄 سبحان الله تبارك الخلاق فيما خلق والله راد يغمى علية وظلينة بس مسطورين على الولد ونندس بعضنا شنو من طول وبياض وعيون احتار اي لون اوصفها السكسوكة عشق 😍المهم ظلينة نكلب لحالنا ونعرف ماكو قياسي عجبني تونر وكلت مستحيل اكو منة على قياسي سألنا العامل الموجود وكال مااعتقد اكو قياس خاص همس وسيم اكو من هاي القطعة حجم خاص باوعلنا وسيم بطرف عينة واني راد يغمى علية ميار الشمريوكال لاعيني ماكو بمحلنا احجام خاصة الي كدامنا يجيب احجام خاصة ريم،،،متت قهر وطبيت بملابسي من الخجل كنالهم شكرا وطلعنا ظليت الطريق كلة مقهورة على نفسي واعرف ماكو الي ملابس حلوةوالبنات جانوا يحجون على وسيم ولبسة وجمالة باوعت كلت هنيالهن شبالهن خاليكتلهم اصلا شكلة عادي وبلا ذوق ولا اسلوب وشايل خشمة طلعت قهري بوسيم وظليت احجي عليه رجعت للبيت ومن القهر تعشيت 3 مرات 😢😢. ميار الشمريوسيم ،،،26 سنة خريج ادارة واقتصاد ولان ظروف البلد وازمة الوظائف الحكومية فضلت اعتمد على نفسي وافتح مجمع البسة نسائية والحمدلله شغلي ناجح وماشي من جنت بالكلية واني محبوب ومرغوب للبنات جانوا اصدقائي يحسدوني على شكلي بالرغم احس نفسي عادي احتمال شكلي لعب دور بنجاح شغلي مااعرف،،، حالي حال اي شاب احجي مع بنات واصادق وكذا وبحكم ايضا انه عندي مجمع البسة نسائية خلالي شعبية اكثر بس لحد هسة ماشفت ولا لكت الي تعبي عيني وجان ذوقي صعب شوي

وللقصة بقية،،،، شنو رأيكم بيها اكمل نشرها لو لا