قاسي بس حبيتك💔

B2

اخذيلج هيچ واحد من يذكرونچ ،
يغص بغيرتةه لو كالو عيونچ ! 💜

_____________

اليوم الثاني الساعة 8:15
تحضرت مريم ولبست ملابسها وطلعت تجنن

مريم: صباح الخير

ابو مريم واحمد: صباح النور

تريكت مريم وخلصت وصعدت بسيارة وية احمد وتوكلت على الله سبحانه لانه اول يوم بالشغل وماتعرف شنو اللي راح يصير
وصلت مريم للشركة وتفاجئت من كبرها وفاخمتها

مريم: بسم الله الرحمن الرحيم ياربي وفقني وخلي اليوم يكمل على خير
....
دخلت مريم للشركة وتشوف الموظفين واحد جاي وواحد راجع
اجتها موظفة لمريم

الموظفة: انسه انتي السكرتيرة الجديدة

مريم: ااا اي اني

الموظفة: تفضلي وياية
اخذت مريم للمكتب المخصص الها

الموظفة: انسه هذا المكتب المخصص الج

مريم: اهاا اوك

الموظفة: بس انسه بعد 5د لازم ترحين لمكتب المدير

مريم: ان شالله
وطلعت الموظفة من مكتب مريم

مريم بينها وبين نفسها: يا الله شكد خبله اني ما سئلتها وين مكتب المدير هسة شلون ياربي هاي بعدني اول يوم وهيج اووف بقة 2د ولازم اكون ب مكتب المدير
طلعت مريم من مكتبها وراحت تدور على مكتب المدير

مريم: لو سمحت بس وين مكتب المدير

صكر: ومنو حضرتج

مريم: بصراحة اني السكرتيرة الجديدة والموظفة كالت بعد 5د لازم تكونين بمكتب المدير ونسيت اسئلها وين مكانه

صكر: اهااا اوك تعالي وياي

مريم: لو سمحت حضرتك بس كلي وينه وني اروح وحدي مايحتاج تجي وياية

صكر: اهاا اوك روحي منا اول باب هو هذا المكتب

مريم: اوك

راحت مريم للمكتب دخلت ماكو احد كعدت تنتظر حته يدخل المدير
نفتحت الباب ودخل صكر

مريم(تفاجئت): انته ليش اجيت وراية متستحي اني بس طلبت منك تدليني على المكتب بعدني اول يوم وبدة الزحف شلون ناس يا الله

صكر: احترمي نفسج وعرفي ويامن تحجين عدل

مريم: وانته منو حالك حال غيرك

صكر: هه حالي حال غيري موو اسحبي كلامج احسن الج

مريم: ماراح اسحبه واصلا مخايفة منك وبعدين اني راح اشتكي عليك عند المدير على هاي التصرفات السخيفة

صكر: يلا روحي اشتكي خلي اشوف
بهذا الوقت دخل مهند

مهند: السلام عليكم

مريم وصكر: وعليكم السلام

مريم: بس لو سمحت استاذ المدير وين

مهند(بأستغراب): نعم بس هذا هو واكف كدامج

مريم(نصدمت ووجها صار ينطي الوان): ش ش شنوو هذا المدير

مهند: اي نعم هذا المدير

مريم خجلت وضلت تلعن روحها الف مرة

مريم: اااا اسفة استاذ والله موقصدي بس ماجنت اعرف انته المدير ولو جنت اعرف ما جان قللت احترام وياك عن اذنكم(وطلعت راحت لمكتبها)

مهند: استاذ صاير شي

صكر: لا ماكو شي بس هاي السكرتيرة الجديدة مووو

مهند: نعم استاذ بس ليش

صكر: لا ماكو شي

مهند: استاذ محتاج شي

صكر: سلامتك تكدر تروح
وطلع مهند من المكتب

صكر شال التلفون اللي على المكتب حته يتصل على مريم

مريم: افف والله مالي خلك احجي

مريم: الووو

صكر: تعاي لمكتبي ولا تتاخرين

مريم: ب...س

طوووط طوووط

مربم: يا الله هذا شبي حته مخلاني احجي كلمه بعدنه اول يوم الله يستر

وراحت مريم لمكتب صكر....

_____________

خلص البارت اتمنى يعجبكم ادري كصير بس ان شالله اليوم اذا كدرت انشرلكم بعد واحد
لاتنسون سووا لايك ودعموني بتعليقات حلوة حته استمر