قاسي بس حبيتك💔

B8

كعدوا من النوم دخل صكر للحمام ومريم جانت دمشط شعرها

بعد رربع ساعة طلع صكر من الحمام ومريم جانت دترتب الميز اللي عليه العطورات والمكايج وهاي السوالف بالغلط مريم وكعت عطر صكر المفضل وانكسر انتبه صكر

صكر(بعصبية وصياح): شبييييييج متشوفين عمية وبعدين منو اللي طلب منج ترتبين الميز

مريم(بدت تبجي): اسفة والله مو قصدي والله بالغلط

صكر: انتي كله عندج مو قصدي وبالغلط هذا اكثر عطر احبه وحضرتج كسرتي

مريم(بشهكة): و و والله مو قصدي وبعدين ليش حته اكسر العطر

صكر: انبليت بيج وبغباءج

مريم(بدموع): اسفة والله

تركها صكر وطلع من الغرفة
نزل جوة

رسل: هلة باخوي يي وين مرتك

صكر: فوك

رسل: لازم تعبتو😉😉😂

صكر(بعصبية): رسل انتي طالعة عينج وصايرة ماتستحين شنو هلسوالف الجديدة هاي

رسل: ترة مكلت شي شبيك عصبت داشاقة وياك شنو يعني حرام وبعدين انته عمرك معرفت صوتك عليه وحته اذا اغلط غلط جبير هم مترفعه وهسة بس داضحك وياك رزلتي هو اني صوجي
تركته وصعدت لغرفتها

صكر: استغفر الله ربي واتوب اليه ماشاء الله وحدة فوك تبجي والثانية صعدت زعلانه وهسة هم تكعد تبجي الله يصبرني
(صعد صكر للغرفة وسمع مريم تحجي)

مريم(وهية تبجي): ياربي ليش هيج يصير وياي شنو ذنبي يعني اني هيج ميصير افرح جنت عايشة بعذاب قبلت وتزوجت كلت يمكن اخلص بس متغير شي بس الشخص اللي يضربني او يصيح عليه تغير جان بابا وهسة زوجي والمدير مالتي بنفس الوكت ياربي ليش ماتاخذ روحي وتخلصني من هالعيشة والله تعبت ماكو يوم بعمري فرحت بيه ااااه ياربي المن اشكي همومي اريد شخص احجيلة اللي بكلبي اريد شخص يسمعني كلام يخليني ارتاح اااااه

دخل صكر للغرفة شافته مريم مسحت دموعها ورادت تطلع لزمها صكر من ايدها

مريم: عوف ايدي

صكر: واذا ماعفتها شراح تسوين

مريم(بدموع): استاذ الله يخليك عوف ايدي خليني اطلع

صكر: مراح طلعين اريد احجي وياج

مريم: استاذ مابيه حيل احجي بأي شي الله يخليك خليني اطلع من الغرفة

صكر: اني اسف واللي صار قبل شوية جان بنوبة غضب وماسيطرت على نفسي وحجيت هيج

مريم: استاذ خلص عوف ايدي خليني اطلع
(تركها صكر وطلعت من الغرفة...صكر بدل ملابسة وطلع من البيت)

راح صكر للكافتيريا
جان كاعد على طاولة واجتي بنية باتجاهة

.....: صكررر