اليوم الثاني الساعة 8:30ص
احمد: مريم تحضرتي ترة بعد نص ساعة ونروح
مريم: يي احمد تحضرت قبل شوي
(لبست مريم فستان طويل فستقي وابيض وحذاء ابيض كعب'متوسط' ولفت شالها لونه فستقي وبي نقشة وردة بيضة وجنطة لونها هم فستقي وحطت شوية ايلاينر وكحلة وحمرة لونها وردي فاتح "طبعا اني هيج تخيلت شكلها راح يطلع يجنن")
احمد: تدرين طالعة صاكة
مريم: ههههه طالعة على اخوي
احمد: هههه
اندكت الباب
احمد: اكيد هذا صكر
'مريم گلبها بدة يدك سريع لمن سمعت اسم صكر'
احمد: هلا استاذ صكر تفضل
صكر: هلا بيك....بس اني اكول لو تصيحلي بس صكر احسن لان صرنة اصدقاء واقرباء هم
احمد: تدلل صكر
صكر: هيج احسن(صكر شاف مريم)
صكر: احم السلام عليكم
مريم: وعليكم السلام
صكر: شلونج مريم
مريم: الحمدلله ع الله
(طبعا صكر صفن على جمال مريم ونزاكتها وبحة صوتها "علساس قبل بالدوام مجانت حلوة😑")
احمد: مهند وين ليش ما اجه وياك
صكر: مهند اليوم مشغول عندة شوية مشاكل عائليه
احمد: اهاا ماشي
كامت مريم
صكر: هاا وين
مريم(بخجل): بس رايحه اجيب چاي
صكر: لا شكرا شربت واجيت وهسة يلا نروح
احمد: ماشي يلا نروح
مريم: طلعوا قبلي اجيب جنطتي واجي وراكم
(احمد طلع بس صكر ضل واكف)
اجتي مريم
مريم: احم يلا نطلع
صكر(يأشر بيدة ع الباب): تفضلي قبلي
مريم:لا استاذ انته قبلي
صكر(بهدوء): بلا عناد مريم يلا كدامي
طلعت مريم لان متكدر تعاند بعد وتخاف من صكر
وصلوا للمحكمة وسووا الاجراءات مال الزواج وهاي السوالف('لو اعرف جان حجيتلكم بس كلشي مافتهم ع الزواج بالمحكمة وهيج سوالف😅😶)
وقع صكر وبقة اخر شي توقيع مريم
اخذت مريم القلم وظلت تباوع على توقيع صكر بعدين وقعت وخلت كلشي ع الله سبحانه
وهسة نكدر نكول مريم صارت زوجة صكر
احمد حضن مريم: مبروك حبيبتي
مريم: الله يبارك بيك
احمد: مبروك صكر
أنت تقرأ
قاسي بس حبيتك💔
General Fiction• اي يفلان ؛👤.' • واذا سألوك عايش وين ؛❕👌🏽.' • دليهم علةه عيوني ؛ 💜
