الخوف من الحب

part1

سارا والعيون ماليه عيونها:يمه تكفين لو سمحتي مابي اروح مابي اطلع من البيت وكذا والله حرام..حرام الي تسونه فيني.

ام محمد:اقول بلادلع ويالله جلسي هاديه خلي المراه تعرف تحطلك مكياج ولاتفشليني كدام الناس.

سارا:حتئ عرس ماسويتولي وتبوني ماتكلم والله حرام..ماكأني بنتكم...كامت تبكي.

ام الصالون:بنتي ياسارا..ليه تعملى بحالك هيك..انتي عروسه حلوه وزي الامر..

سارا:انتي ايش لك يالله برى مابي احد عندي خلاص انا ماراح اطلع يعني ماراح اطلع.

ام محمد:اكول احترمي نفسك يابنت لاتكلمين المراه كذا...يالله عن الدلع ولاانادي ابوك واخوانك يشوفونك.
تطلع ام محمد من الغرفه وهي معصبه وسارا مرميه على سريرها وهي ميته من البكي.
هدى:خالتي ايش فيك ليه معصبه.
ام محمد:والله تعبت من هالبنت ماادري ايش اسوي لها قاعده تبكي ومو راضيه المراه تحطلها مكياج ...ياريت تروحين وتتفاهمين معها.

هدى:انشالله خالتي لاتحاتين بنروح لها الحين..يالله مها خلينا نكلم سارا.
نزلت ام محمد تحت عشان تشوف اذا البوفيه وصل من المطعم ولاماوصل وتشوف الوضع اذا كان تمام عشان العشى الي مسوينه بمناسبه زواج بنتها سارا..وخروج سالم من المستشفى بالسلامه..

مها وهيه داخله غرفه سارا:الله الله كل هل الدموع عشانك بتشتاقين لنا يالدبه..

هدى راحت عند ام الصالون وقالت لها تطلع برى شوي وبعد دقايق بتناديها...وطلعت مع الثنين الي معها.

سارا وصوتها كله صياح:والله اني بشتاق لكم انتي راضيه يامها على الي صار..ماكأني بنتهم كاني بضاعه يزوجوني كذا..حتى الزواج دخلوا فيه المصالح..والله حرام لاالله ولارسوله يرضون بهالشي.لازم ياخذون راي البنت موكذا زوجوني غصب.

هدى: الله يهديك ياسارا..هذا انتي كلتيها زوجوني..يعني خلاص الزواج وتم...والاتبين تصيرين مطلقه.

سارا:ايه عادي ولااعيش مع واحد ماحبه ولايحبني وتزوجنا عشان مصلحت الاسره..

مها:ومين قال ان مايحبك اومتزوجك عشان المصلحه

سارا:ليه يعني تضنون اني غبيه او انتي تتغابين...لي سبوعين عاقده ولامره كلمني كلمه...ولاشفته والايوم العقد..وماشفته الاساعه بعدين خرج ولم يعد..شكله مومغصوب مثلي.

مها:الرجال ماينغصب..لاتفكرين كذا بس انتي تعرفين الضروف الي مروا عليها بيت عمي سالم..لولامرض عمي وطيحته بالمستشفى..والاكان سوينالك عرس كل اهل الخير يتكلمون عنه..بس الضروف هي الي اجبرتنا.

هدى:انشالله سارا اذا رجعتي من شهر العسل بنسوي حفله كبيره وتعزمين فيها كل الي تبينا.

سارا:ليه حفله تبوني احتفل بانتحاري.

هدى:الله انتحار مره وحده...حرام ياساراوالله عبدالعزيز نعم الرجل ومحمد دايم يمدحه لي..رجال بمعنى الكلمه

مها وهيه تغمز:ويقولون حلو وطويل.

سارا:تراني شفته مولازم تقولن لي شكله اعرف والانسيتي انه اخو صديقتي..واصلاهو عصبي مع خواته..منور دايم تشتكي منه يقولون هو غير عن عمر.دايم يخرب عليهم الطلعات ويعصب مرة ويتهاوش كثير معهم..

هدى:اكول بلاحركات اطفال تراك كبرتي.

سارا:والله موكبيره ولاوحده من صديقاتي تزوجت الاانا.ولابالغصب بعد..ورجعت تبكي مرة ثانيه.

مهاوهيه تجلس جنب ساراوتضمها لها:خلاص حبيبتي..انشالله بتنسين بعد الزواج وضحكين على حركاتج الحين.
ساراوكلامه موواضح من البجي:بس انامااحبه ماحبه.

هدى:والله ماخرب عقلل غير الاها لافلام العاطفيه الي تشوفيه..والقصص الي بتقريها..والااحنا وايش لنا بالحب الي قبل الزواج..ترانا مو غرب حنا عرب لاتنسين والله دلع.
وتطلع من الغرفه..وماجلست الامها بحكم انها تعتبر اقرب بالسن من هدى لسارا...حاولت تهدي سارا..

مها:خلاص حبيبتي ولايصير خاطرك الاطيب بس انتي لاتبكي.

سارا:يعني ماراح اتزوج.

مها:الله يهديك ياسوير انتي خلاص متزوجه ولاناسيه.

سارا:شلون انسه بس عادي خلوني متزوجته بس مابي اطلع من البيت مابي اروح معه واجلس معه بروحي..ترى ماعمري جلست معه وحدنا حتى بالعقد كان سلمان معنا.

مها:ههههههههه ايش هالكلام...نشوف بعد ايش ياسوين بتكونين انتي الي تبين تجلسون وحدكم.

ساراوهي تبكي:والله لاوالله لا.

مها:خلاص سوير والله قطعتي قلبي هالدموع مراح تنفعك بشي يالله قومي غسلي وجهك وخلي البنت تدخل وتسويلك ميك اب لاتنسين منور بتجي بدري..وفشله تشوفك كدا....