الخوف من الحب

part7

هلو

نكمل

الكل كان مجتمع عند الرجال...عبد العزيز جالس في المقدمه بحكم انو هو العريس...وعلى يمينه ابوه وعلى شماله اخوه عمر...صالح جالس يم سالم صديقه..والباقين متوزعين بالصاله..

دخل سلمان وجان يصور ويعلق على هذا وذاك ماخله واحد ماعلق علي...كانت الجلسه ممتعه والكل فرحان...عبدالعزيز هو الوحيد الي جان مو مرتاح ويحس انو شويه ويصرخ....عكس ابوه الي كان حاس الدنيا ماواسعته من الفرحه...واخيرا تحقق حلمه وصارت بينه وبين صديقه علاقه قويه...
------------

النسوان جانن بالغرفه الثانيه كاعدت سوالف وحش بالناس 😂😂 ...ماكو داعي احجي عن حجي النسوان اذا جتمعن....

هدى:اكول خالى مو لازم سارا تنزل هسه الساعه تسعه ونص..

لطيفه ام محمد:ايه والله راح اروح اشوفهم...

مها:اجي وياج خاله..

نورا:ياريت يامها تاخذين وياج حصه ومي علمود يدخلون ويه سارا...

مها:يمه فديتهم طالعين يخبلون...جنت اريد بنوته بس الله ماكتبلي.

نورا:ههههه حملي يله وجيبي اخو او اخت لفهد...شوفي اني ماشالله الثالث على الطريق.

مها:ههههههه الي كاتبه الله يصير...وفهود بغده صغير.

نورا:الله يحفضه....اكول حصه ماما نادي بنت خالج وروحوا مع خاله مها..

اخذت مها مي وحصه وراحت هيه وام محمد لسارا وصعدوا فوك يم البنات.

ام محمد وهي تدخل الغرفه:شخبار عروستنا الحلوه..

سارا ركضت لحضن امها وحضنته بقوه:يمه ماريد ابتعد عنكم.

ام محمد:ههههه الله يهديج يابنتي مانتهينا من هالقصه..ماريد اشوف ولادمعه بس كافي..الله بنتي كبرت وصارت احلى عروس..

لتفتت ام محمد لبنات سالم رهف ونيره:يوم الجن يابنات وافرح بيجن...

البنات استحوا وراحت منيره واخذت بنت اخته وبنت اخوها علمود تعدلهم واعطتهم باقه ورد صغيره لكل وحده مثل باقه سارا بس سارا باقتها اكبر منهم...

سارا:يمه الكل اجا.

ام محمد:اي يمه كلهم اجوي وهسه
لازم تنزلين.

سارا:ترى ماكو داعي تسون حفله هو عشى وكلهم كرايب ماكو غريب.

مها:ميصير ياسارا اني اروح احضر الاغاني وانتي يامنيره عليج سارا والبنت.

منيره:اوك.

رهف :واني شسوي..

مها:انتي تعالي ويايه...

ام محمد:يالله ياسارا اريد من دخلين تروحين تسلمين على ام رجلج موتفشليني.

سارا وبصوت يادوب ينسمع:ماشي.