صغيرة علة العشك

الرابع

ظلت سارة بغرفته وميجيهة النوم تفكر بلي صار ةاﻻحداث تمر كدام عينهة ودموعه تنزل بس شنو الحل وشلون تكدر
ترد كرامته من ضرغام واخته
هو لو الي خلاهةتحس انو يحبه طول هاي الفترة والحد هسة
ديتصرف وياهة هيجي حته اليوم اتعارك ويه فراس علمودهة
وبعدين يكوللهة اني ما اريدج تكونين زوجتي
بس اني اله الة انتقم منه واخذ ثاري واخلي غصبا علي
يخطبني وانزل خشمهة لسؤدد
شلون تجرأ وتضربني لعد هي متعرف من امي وعمتي انو
اني مخطوبة الضرغام
عل اﻻقل جان كالتلي وفهمتني حتى ﻻافكر بي وابعد عن تفكيري واني المخبله كل ليله احجيله عن حبي وعشقي اله
وهي تروح اتكولة ويضحكون عليه هم الثنين ويعتبروني طفله
لعابية بيديهم يلعبون بيه بكيفهم

حقوق الطبع محفوظة للكاتبة ذكريات
وظلت تتحلفلة الضرغام لحد مانامت
عمت سارة
عيني ضرغام عود كول اشويه باوعله السارة اخاف يصير بيهة
شي اني اخاف عليه
لتخافين ميصير بيه شي (يريد يضوج امه وشاقه وياهة)
هي راسه حديد تصوري اندعمت بلسيارة وبعدهة عايشة
ضربته امه يمة اسم الله ليش تحجي هيجي علة بنت خالك
مو زين طلعت سالمه من الحادث جان ﻻ قدرالله لو صار شي بيه خالك ومرته يروحون وراهة
خلي تروح هاي الزعطوط خابصينه بيه
هاي مو زعطوط سارة مو ﻻنه بنت اخويه وامدح بيه هي درة
مال الله رغم دﻻل اهله اله بس هي ادير شغل البيت وتعرف تطبخ وتخيط يعني ربت بيت ممتازة مو مثل اخته الي ﻻ شغلة
وﻻ عمله بس جيبولي وانطوني وسولي حتة ماتعرف تطك بيضة بلدهن واتخاف علة ايديه لتتوسخ
اتصور النهار كله بلنوادي وبﻻسواق واﻻصغر منه سارة
تختلف عنه نهائيا
تربيتي
وضحك ضرغام ههههه احس نوبات انتي اتحبيه اكثر مني
اثنيناتكم معزتكم جبيرة
زين وسؤدد
اشبيه ليش متحبيهة مثل متحبيه لسارة
احبه بس اني ممربيته ماحس بلمحبه بكدر مااحسة بسارة
هذا اسمه تحيز
وضربته مرت الخ وهي اتكول اشتريد اتسميه سميه بنت اخوية واحبه انت ليش تغار

وصعد ضرغام لغرفتة وهو يفكر بكﻻم امة وشافه علة حق بكﻻمهة بس هو يحب سؤدد ومشاعرة تجاه سارة
مشاعر اخوية ويحبه كاخ يحب اخته الصغيرة
وهنا
وكف عند باب غرفته وفتح الباب ودخل لكاهة نايمة
باوع علة وجهة المﻻئكي كانما طفلة بريئة متعرف شي من
هاي الدنيه وخاف عليه من اتذكر فراس وشلون هو
يحوم حوله
والصبح ****
كعد البيت علة صوت ام سارة وهي تصيح بنتي
سارة
ماما والله مابي شي
شلون مابيج وهذا راسج والسيارة مكلوبه كﻻب
هل اتشوفيني كدامج
اام ضرغام
لتخافين الحمد لله علة سﻻمته
ها اجابك مو انت مريض ليش كلتوله (ابو ساره)
باباتي شلونج
بابه هل اتشوقني غزال

يله حضرت ام رامي الريوك خل نتريك كلنه***** (ام ضرغام)
بعد يومين
ضرغام ابني تكدر اجيب سارة من كليته ﻻن سيارته
بلتصليح

وصل ضرغام لكليه سارة وكفت سيارته ابابه وحجه ويه الحرس وهي منتضرة وية صديقاته
صديقه سارة عيني سارة شوفي هذا الشاب الواكف يحجي ويه الحرس يخبل شخصيه مو مثل الي بلكليه تحسين بيهم
جهال
اندارت سارة شافته هو ضرغام
اتقربت من الحرس هذا ويايه
الحارس
شيصير منج
ضرغام
مااعتقد هذا اﻻمر يخصك
(الحارس من المعجبين ببسارة وانصدم من شاف
ضرغام وشخصيته )
سارةيله ضرغام معليك بي
شنو معليه هم كوليلي هذا يعتبر نفسه مسؤل عليج
انتي اشتحجي اشتعتبر ني من ذوله البنات الي بفكرك
لعد اشتعتبرين تصرفه وياج
مجرد معجب من المعجبين
هااااااااا هيجي معجبين
ايييي يله خلي انروح للبيت
امج ابيتنه هي واختج وراح اوديج هناك
وصلوا للبيت
شافتهم سؤدد وهم جايين والغيرة اشتغلت
طبت سارة ومن الباب لزمت ايد ضرغام بقوه وكالت
انت الطلعة وياك اتخبل ماما اتصوري عزمني عله مطعم
يخبل اﻻكل بي خصوصا الكنتاكي مالهم حار كلش
سؤدد
خنزرت علة ضرغام
وضرغام ميدري شي شلون يبرر الموقف المحرج.
عمة كلي لضرغام حفلة الخطوبة يريد انسويه يوم الخميس
مستعجل واني اكول خليه بعد اسبوع
وهنا شاطت سؤددوعلقت
اشلوووون
ام ضرغام
ﻻﻻﻻ مثل ميكول ضرغام يوم الخميس خير البر عاجله
ام سارة والله ال تشوفينه انتي
لعد ها هي اتفقنه علة يوم الخميس
وضرغام يباوع ومصدوم من سارة والي سوته****
سؤدد بلحديقه ويه ضرغام
اني مو كلتلك متكدر عليه وعلة امك شوف اسوت وانت صرت لعبة بيديهم
اني شكم مرة كتلج فكري بكﻻمج زين قبل متحجين
بعدين شترديني اتعارك اكلب البيت علمود اعجب حضرتج هاي سارة عوفيه عليه
خل انشوف اذا ملبستك الحلقه هي كول سؤدد كالت
سارة
عمة انطيني هاي مﻻبس ضرغام اني اكويهن واديهن بغرفته
من هسه تعود نفسه
هههه
ولمة وصلت لغرفته لكت ضرغام منتضرهة
اخذ المﻻبس من ايدهة وشمرهن بلغرفة
كوليلي انتي شد سوين
اشداسوي مثل ما اتشوف خطبتنه راح اصير يوم الخميس
وهزهة باعيلي انتي بوعيج مو كلتلح اني اعتبرج اختي واحب سؤدد مفتهمتي
واني كلتلك احب واحد ﻻخ بس ابوي مريض وما اكدر حاليا
اقهره هو وعمتي اذا اتريد انت كوللهة وﻻ سامح الله صار شي .بيهم انت المسؤل
فكر اشويه
وبعدين جرهة عليه وباوع بعيونه وكلله شوفي اني اشكد.
عايش وياج بس دا احس بعدني مااعرفج ومااعرف شيدور براسج والسبب هاي عيونج الخداعة
اذا حسيت منج اي لعبة راح اتشوفين مني الي عمرج مشايفته
ودفعت ايده بقوه
شوف لعبالك اني سارة الصغيرة الي تخاف من يهدده اي واحداني كبرت واشرت علة نفسه من فوك لحد رجله
الي تريدة سوي شتريد مني اهلي يكرهوني واصير مكروهة
ﻻﻻﻻﻻ حبيبي انت شتريد اتكول كوللهم وخلص
اني سارة احبك واعشكك لحد الموت وصارلي سنين احبك وما
اتنازل عنك بسهوله افتهمت (ضرغام ترجم كﻻمه تحدي اله يعني هي متقصد اتحبه بس اتضوجه بكﻻمه )لكن كﻻمهة كان نابع من كلبه بصدق
واتنفست وشهكت بقوة وهو يباوعله كانما جان فد شي نايم .علة صدرهة وخلصت منه
شنو قصدج تردين اكمل التمثيليه وياج
هااا لو هيج علما ابويه يطيب لو تروح اتكللهم والي يصير خلي يصير
دنك ضرغام وقبل بﻻمر الواقع بس اندار عليه
شوفي اني ماا
اريد تستمر التمثيلية وتصير صدك
بس يطيب عمي اني وياج نكللهم احنه منحب بعض
حته كل واحد يشوف طريقة
طلعت سارة وهي تكول ويه نفسه بعد انت اشايف هاي البدايه