صغيرة علة العشك

التاسع

رجعت سارة وية ضرغام بس مو للبيت ﻻنو متصوب وراح يسا لون عن السبب

اخذهة وراح البيتة هو
وسارة قبلت ﻻنو محتاج وحدة اداري وتشوف احتياجاته لحد
ميشفه
ظلت سارة تعتني بي وتنطي دواه وتحضرله اﻻكل بيدهة
يله اشرب
هذا حار
يله عاد لتدلل عليه
هاي فوكاهة المثلج هسة يبوس ايدي علمود ارضه عليه
هي هم عايزة
لله هاك تخذ دواك وخلصني

ﻻحظ ضرغام سارة متباوعله بذيج العيون الي جان تباوعله
بي قبل ميموت ابوهة حاول يبحث عن السبب ولكن
كلما يحاول سارة اتبدل الموضوع
بليل
سارة وضرغام كاعدين هي تلعب بلموبايل وهو يقرة كتاب
كامت تضحك
عاف الكتاب  
ضحكيني وياج
كاعدة اباوع لقطات للاطفال كلش اتضحك
اول مره اشوف طفله تظل متكبر
تدرين اني افكر اذا اني وياج صارعدنه طفل المن يشبه
قاطعته اني وياك مستحيل يصير عدنه طفل ﻻنوا اني وياك
مراح نتزوج(ضرغام راد يعرف ما تحسه تجاهة لي هسه تحبه لو تفيرت مشاعرهةاتجاه)
اتقرب منهة ولمس وجهة ولعب بشعرهة ومن حست سارة بخطونه
اتهزمت منه

حس ضرغام هاي المرة مامن شك سارة تغيرت مشاعرهة
وبدت او كرهتة لكن السبب شنو ميعرف
اني ضرغام الي جنتي تعشقي بجنون وتذبل عيونج من يباوعلج من الخجل واتمنيتي وانتضرتي وسويتي المستحيل
علمود هذا اليوم الي نكون مع بعض شنو الي غيرج؟
للكاتبة ذكرى المندلاوي
محبت سارة ترد عليه ﻻ هذا وكته وﻻ راح تستفاد شي اذا ردت عليه
هي تريد تنتقم منه ومن سؤدد قتلة ابوهة وكلما تتذكر
شلون ضحكوا عليهة ولعبوا لعبتهم وياهة بس ﻻ هي مو
ذيج الطفله وهي بطلت تصير لعبتهم وانتقامهة راح يصير
قريب منهم وساعتهة يعرفون من هي سارة
متغيرت هي هي نفسه سارة
لعد شتبررين هذا الي دسوي تتهزمين مني كلما حاولت
اتقرب منج
كلتلك وانت مكاعد تفهمني اني مرايده هاي الزواجه ال صارت غصبا عليك وبصراحه اني اريدك تحبني اليه
وذاك الوكت تكول بنفسك انت تريد تخطبني وتزوجني مو لان
عمتي تريد منك هذا
صفن علة وجهة واتعمق بعيونه
انتي دتكبرين يوم علة يوم اكثر واكثر حته كﻻمج بدة يكبر وياج
شنو قصدح حجاياتي كبار
مال عجايز بس اني جان بعجبني حجي سارة الزعطوطة اكثر
ساره مو كلشي يبقة علة حاله
كﻻم سارة خله ضرغام يحس بحب جديد بده يولد بكلبه
وهو بﻻصل يمكن جان يحبه بس مراد يعترف وحبه السؤدد
خﻻهة يغمض عينه عنهة
راد ضرغام ينام
مكدر وهو يفكر بحبه لسارة هي يمه وميكدر يلمسهة
او يعترف بحبه حتو لو كللهة مراح اتصدك
راح اتحسه نزوة او لذة تجي وتروح ﻻزم يخليهة تقتنع انو هو يحبهة بس شلون وهي مدتنطي الفرصة

بعد ايام
ضرغام اتفرغ لسارة كثرت الطلعات وياهة
وراحوا هوايه اماكن ترفيهية ولعب وضحك ومطاعم واكﻻت
وهو حبه زاد الهة وبعد ميكدر علة فراكهة صارت
ضحكاتهة ونظراتهة وكلشي بيهة يحسسه بجنون 

جانت كلما يحاول تنفر وتبتعد بس هو مييأس لحد ماجه اليوم
الي صدك طلب ايدهة للزواج
وافقت سارة
اني اوافق بس علة شرط
هم شروط كولي اقبل بكول شروطج مقدما
اطلكني وترجع تتزوجني من جديد بعقد جديد
بسرعه ضرغام وافق
وهو يوافق ﻻنوا مراح يصدك هي ممكن ورة هل العيون
الي صار متيم بيهة غموض ضباب وكره عميق
اجه اليوم الي راح يتزوجون بي
تحضرت اوراق الزواج وتحضرت هي وصارت مﻻك من الجمال
وخلت عيون ضرغام تخدر بعيونه
ولحد موقع اوراق ميعرف وبدون ميقراهة
والي هي اوراق تنازله عن كل حصته بلشركه
سارة تعرف بهذي اﻻوراق راح ادمر من تسحب منه الشركة
بس هي شلون تنتقم لعد منه
وبوم عرسه راحوا لشهر العسل وهناك حاولت سارة تتهرب بكل الطرق من ضرغام وهو خﻻهة علة راحتهة
لحد يوم الرجوع من السفر

كعد الصبح ملكاهة موجوده دور عليه مﻻبسه ماكو الكنتور فارغ احنه ابلد غريب
اتاكد هي انهزمت شاف رساله عله الميز

اني رجعت لبلدي هناك امي وشركة ابويه تنتظرني ولتحاول ترجع ﻻن جوازك يمي اخذته ويايه وكتبت شلون قشمرته

وخلته يوقع علة اوراق وهو ميعرف
هذا انتقامي اني سارة من قتلة ابويه وكان ابودي اقتلك
بس ﻻ شفت هيجي احسن
قصه بقلم ذكرى المندلاوي