صغيرة علة العشك

الرابع عشر

كال ضرغام ﻻمه هي ليش ضاجت اليوم وشنو اللي خلة سارة تتخربط
سكتت امه ودنكت بلكاع معرفت شدكول
يمه كوليلي الي ديسمم افكار مرتي خلي اعرفه
انتي مو تردين حفيدج يجي للدنية سالم وما بي شي
لو ترديه
قاطعته امه
ﻻﻻﻻ يمه اسم الله
لعد احجي
ما ادري بس عندي شك
بمنو
بسؤدد كلما تجي تصير مصيبه لو سارة تروح للبيت
لو تتخربط
افتهم ضرغام وصارت واضحه عنده الصورة
وراح يركض للحيه الي دائما تلدغ وتنهزم ورايدلهة كص راس
حته يخلص ويخلص العالم من شرهة
سارة كعدت شافت بس عمته يمه
عمته راحتلهة
ها حبيبتي سارة من اروحلج فدوة انتي من هل اليوم ﻻزم
متعبين روحج
شتردينه اني حاضرة بس اشري ولتتحركين.
اتعجبت سارة من كﻻم عمته
شكو اصاير عمه لتخافين اني مراح اموت كولهة دوخة
وراحت مني وهسه اني غزال
شنو دوخة اني شتدكولين
انتي راح اجيبيلي ولي العهد حسوني الورد حبيبي
ما افتهمت يعني اني حامل
اي سرورتي انتي حامل وبلشهر الثاني ديري بالج علة روحج
حته يجي للدنيه قوي وبطل مثل ابوضرغام
صفنت سارة
وكالت ويه روحهة هاي اني اسويت هسة خليت هذا الطفل
بيناتنه وشنو ذنبه المسكين حته يشوف امه وابو اعداء
عمته
هاي شبيج صافنه تريدين تسالين علة ضرغام هسة راح بشغلةويجي ميتاخر
اي طبعا اصﻻ هو ضاج من سمع بيهة حامل تلكي رايح
يشرب من القهر وسؤدد مكابلته وكاعدة تواسي بي

ضرغام راح يركض لسؤدد
وصل للبيت سال امه وينه
ليش يمه شبيك شو جاي تلهث صاير شي بسارة بنتي
خاله انتي تعرفيهة لسؤدد لعد لهاي من سالتج علة سؤدد.
سالتيني عله سارة
تعرفيهة ام المشاكل متجوز
شسوت هنوب كلي
حطمت حياتهة لسارة سممت افكارهة واني كل ذنبي حبيته او جنت منخدع بيه وبحبه
سؤدد جانت تسمع وهي واكفة على راسه بلدرج

انت انسان لعوب يوم تحبني ويوم تحب سارة
اني جنت احبج صحيح بس من عرفت طينتج وافكارج السوداويه وحبج للمال الي خﻻج تقتلين الشخص الي رباج
وكبرج وصلج لهذا الي وصلتي وطاج اسمه وفلوسه
وانتي ناكرة للجميل خﻻني اكرهج ومن شفت سارة بريئة
الكلب وحنينته ومحبته تشمل كل الناس حبيته.
ولج انتي حته اختج مخلصت من دنائتج يوميه تجيهة بحجاية
وتقهريه واليوم جان فقدت طفله البرئ من وراج
صاحت امه
سارة حامل ولك يمه ضرغام اخذني الهة خليني اشوفهة
خاله راح اوديح بس بﻻول خليني اخلص من المشكله.
الجبيرة سؤدد
عوف سؤدد عليه هاي انسانه مسمومه ومتكدر عليه وحدك
هسة وديني لبنتي

راحت ام سارة ويه ضرغام شافت بنته وحظنته وباسته
وهي اتكول كبرت بنتي سرورتي وراح اتصير ام
وضرغام يباوعله بنظره كلهة عشك وهي استحت من تظراته.
وكامت تلتفت يمنه ويسرة حته تخلص من نظراته الساحرة
اجه الدكتور وطمانهم علة حالته وكللهم اتكدرون اطلعوهة
اليوم بس ديروا بالكم عليه وعلة اكله وشربه
كالت امه اني مراح اعوفه راح ابقة وياهة وعمته كالت
شتريدين احنه موجودين
كالت سارى الله يخليكم الي انتو مﻻكي بهل الدنيه.
باوع بعيونه ضرغام وكال.
واني مو مﻻكج لعد اتي شنو بلنسبه الج
مردت سارة بس عاتبتة بعيونه
وهو حس بلي بكلبه تجاهة من ورة سؤدد
وراحو للبيت
وجانت كل ما اتمد ايدهة علة شغله ميخلوهة ﻻ امه وﻻ عمته

كامت تبعد روحهه عنه وهو يحاول يتقرب الهة
لكن محاولاته فشلت امام اصراره وعنادهة
قرر يهجرهة
ويخلي حل الهل النفور
بده يسهر بره ومبجي اله وجه الصبح
ومن يرجع ينام بغير غرفه بعيد عنهة

يتبع