صغيرة علة العشك

الثاني

مساء الخير
قصه صغيره على العشك
البارت الثاني
للكاتبه
ذكرى المندلاوي

ساره
جنت بلمطبخ اوصي الطباخات يحركون ايديهم
شويه ويسرعون بلطبخ العالم بدت تجي وعمتي وحدها واستنجدت بيه ٠٠
خطيه ماعدها بنيه واكتفت بضرغام وحيدها
وحيد گلبي ومعشعش بنصه ٠٠٠
اليوم هو جاي شلون مااوكف واكمل كلشي على اتم
وجه٠٠٠
حته يفتخر بيه كخطيبه كدام المعازيم مثل ماعمتي
مفتخره والفرحه باينةعليها
ياهو الي تتلكاه لازم اتصيحني وتقدمني
كخطيبه ابنها تحجي وتضحك من كل گلبها
احبها اموت عليها هيه الي ربتني ويه  امي
مافديوم قهرتني لو تسببت بقهري
بيتها هو بيتي الثاني
لكن صار الي جنت محاسبتله حساب ولا متوقعته
بهذا اليوم انصدمت صدمتي الي مجنت متوقعتها طول عمري ٠٠٠
٠٠٠٠
اتفاجئت بي وهو يسحبني من ايدي
عيونه حمر  وجهه ميتفسر
اول مره اشوفه بهيجي منظر وبهل الحاله

صحت اخخخ شبيك ؟؟
ا من نغز  اصابعه بلحم ايدي صارن حمر ۰۰
صحت بي
على كيفك وين ماخذني وليش تسحبني بهل الطريقه

رد لكن بغضب
عمري ماانساله هل الموقف
ضرغام
باعي  لچ‌ اريدچ اتقنعين والدتي تبدل رأيهه ٠٠٠
ساره واني مصدومه
بشنووو
استهزء بيه وهو يباوعلي بتقزز

يعني انتي متعرفين؟؟؟
لا مااعرف ۰۰فهمني انت استاذ وماكو داعي لهل
الحركه٠٠
تنهد وترك ايدي وكال بصوت قريب من الهمس
حاضر انسه ساره
راح افهمج حته ترحين كبل العمتج تفهميهه والا ميصير خير ٠٠

تخوصرت واني واكفه كباله مثل الفار والبزون
كول اتحفنه استاذ ٠٠
خزرلي ٠٠٠ تعدلي ولچچ مد ایده يكفخني براسي
ابتعدت منه بخوف ٠٠رد سحبني بقوه وكمل همسه
سمعيني زين هسه ترحين گبل الهه٠٠
وو
اريدج تكليلهه تلغي موضوع خطبتنه  ﻻن اني وانتي مننسجم لبعض  هذا الشي مستحيل٠يصير ٠
بلعت ريكي واني حاطه عيني بعينه
شنوو يعني انت متحبني ومتريدني بعد
هز راسه
مو قصه ماحبج ٠٠٠احبج بس بغير صفه ٠٠٠صفتج اختي٠٠٠الصغيره٠٠فهمتي

فريت راسي
لا مفهمت
شوفي ساره زواجنه مستحيل لهواي اسباب٠٠
اول واهم سبب انتي بعدج صغيره وفارق العمر بينه
جبير  ٠٠٠تردين الصراحه اني ٠٠٠
٠٠٠٠ ماحب زوجتي بهل الصغر ٠٠ انتي بعدج صغيره على الزواج وهاي امي طلعت عينج بهل السوالف
يرادلج سنين يالله يكبر عقلج وتكدرين تتحملين
مسؤليه اما حاليا فغلط واكبر غلط٠٠٠

ساره
خو كول ماحبج ولا عمري حبيتج وعندك وحده غيري وخلصت القصه ٠٠٠

ضربني على راسي
ولججج لسانج صاير اكبر منج مجنت اتوقع منج هل الصلافه ٠٠٠شنو انتي خالتي معرفت تربيج ؟؟
دمعت عيوني وصار اشوفه غواش كدامي منهن
مسحتهن بظهر ايدي ٠٠٠خزرته اريد ارجع كرامتي الي انجرحت ٠٠٠
وهو واكف صافن من شافني
بانت عليه علامات الندم
ضرغام
شفتها بهل المنظر ٠٠مدري شحسيت بوكتها
ندمت لان تسرعت وهيه طفله مجان المفروض
اتكلم وياها بهل الطريقه خاصه هيه تحبني ومن سنين بس احساسي انو اهلها وامي خاصه
مدلعيها زياده خلاني اتكلم وياها بهل النبره الحاده
وحته تفهم زواجنه مستحيل وتترك هل الموضوع
الي تارسين بيها دماغها من الصغر ٠٠٠
ساره
ماادري احساسي شنو  جان بذاك الوقت
الم وحرقه صارن بلعومي٠٠٠
الصدمه يبست بلعومي غصيت بعبرتي  وبديت اختنك والكلمات ضاعت مني ٠٠٠
دمعه رادت تنزل
بسسس لااء ديري بالج لتخلي ينجح باستصغارج وتحقيرج اكثر لااء ساره انتي صغيره عمر لكن
عقلج ناضج وسابق   عمرج ٠٠٠
وهو هذا الي ميعرفه استاذ ضرغام 
قررت ما انطي مجال يذلني اكثر بكلامه ٠٠مدري شلون
كوه لزمت روحي ٠٠ورديت مااعرف ليش هيجي كلت بس المهم حجيتهه وخلص يمكن حته ارد كرامتي ؟؟يمكن
ساره