طلع سلام ..
دقايق وطب ويا ولد ...
السلام عليكم ..
ردينه السلام ..
وكعد ..سلام كال ..هذا طارق ..وينه بشغل ..
الولد كال رجاءا مهندس طارق
كتله ىاهلا وسهلا ..شرفت بيك مهندس طارق ..
سلام كال بعد واحد ..ونطلع ..
كتله ادري بيت لو كراج وتريد تقبط بينه ..
كام يضحك ..
مرتي نكلبت خلقتها ..لان ممتعلمه ع هيج اجواء ..ولا اني ..بس كلت مجبور شغل خوما العمر كله وياهم ..
دقايق وطب رجال ..جبير مو صغير ..
كامت سمارة بوسته اني ضليت صافن ..
سلام كال هذا خال المرة ..
سلمت عليه وكعدت ..
كال دقايق اخابر السايق ...
اباع ع مريم ع اعصابها ..كاعدة اني بس ابتسم بوجهه ..
هذا مهندس مدري شنو ..
لو يباوع بساعته لو ..ينفض هدومه مرتاحيت اله ابد ..
ويكلب بفونه ..ويتأفأف
والخال وي سمارة يسولف ..
سلام اجه اتصال ..كال اطلعو ..
والله طلعنه ..جايب كية..
صعدت مريم وصعدت
وصعدنه كلنه ..
بقى سلام وسمارة ..
يقفلون البيت ..
مطولنه وطلعنه ..
دكيت ع امي كتلها ..هسة حركنه ..
ضلت تدعي ..وختمته وياها ..
اني كاعد بصف مريم ..
كتلها شبيج حبي ..
كالت ماكو ..
بس
شنو بس ..
هيج ..
دحجي
هيج والله ..
نفسي تلعب ..
لعبي وياها ..ضربتني متبطل سوالفك ..
كتلها ولج لا تخليني اسحلج بلكيا..
لا والله ..
يلا ..اسحلني ...
ههههه احبج ..يل طولج شبر ..
كلبت الخلقه ..
كالت شنو هاي مرت صاحبك
شبيها ..
الله يستر عليها ..
ويستر ع الجميع ..
ي اشوفك فرحان بشغل ..ويوميه بيتهم..
مريم ..لو مسألج شبيج احسن ..راح تغثيني ..
اغار ..اغاررر..
من شنو ..
من كلشي حته من اهدومك ..
خوش منا وجاي اصلخ حتى لا تغارين ..
مخبل .
ضليت اشاقه ..وياها ..
الطريق طويل ..
تعبنه
حتى سوالف خلصت ..
اني كاعد اخر شي سلام ومرته كبالنه ..نامو ..
وخال سمارة ورة السايق ..
اما المهندس بصدر ..
انداريت ع مريم ..مغمضه ..عينها ..
اني هم ..غمضت ..
غفيت ..
حسيت اني بلحمام ..ودازين لحيتي ..
انجرحت ..فتحت المي داغسل رفعت راسي
فجاءة المرايه ..كلها اتفطرت ..صوت الجام تك تك تك ..
وطكت..بوجهي..
فزيت فتحت عيني ..بعدنا بسيارة ..
تعوذت من ابليس ..شنو هلحلم.. ..
شفت سلام ..كاعد ..كتله ..ها شوكت نوصل كال مضل شي ..
يالله تعبت ..
هانت صوحبي ..
اباع طبينه بمكان كلها كاع فارغه ..
كتلها هاي وين ..
كلي فلان منطقه ..
وراها عبر مجسر ..
وبينت مدينه ..
اشبهه بلقريه ..
يمشي واباوع ..
اسواق ..ابو صمون ..ابو لحم مخضر ..صيدليه ..اسواق ..
زين كلشي بيها ..
رد طب بمكان ابعد بشويه من المدينه ..
بدايته صبات حرس وتفتيش ..
مشينه
شوارع مبلطه ..ووصلنه اشوف كرفانات ..
طبك السايق ..عرفت ..وصلنه
اباوع
..البيوت بظهرها المشروع ..
كعدت مريم كومي وصلنه ..
كعدت صدك ..
ي
انتظرت سلام ومرته ينزلون ..
وراها نزلت اني ..ومريم ونزلت ..غراضنه ..
اخذ هوياتنه وراح سلام ..
والسايق طبك بكراج ونزل ..
اجه يمي خال سمارة ..
كال جداحه عندك ..
كتله لا حبي مادخن ..
مشرفت باسمك ..
كال باسم ..
كتله واني رعد ..
شرفت بيك
الي الشرف ..
مريم كالت رعد شنو هلمكان ولا حلو ..
كتلها عيني احنه مجاين نصيف ..
تريدين ارجعج ..
سكتت ..
اجه سلام ..كال ..رعد...
كابينتك رقم 10 ---
وانطاني كارت ..
كتله هذا شنو اسيا عراقنا ..
ههه كال ولك لا خلي ع الباب تفتح ..
ايبااه تطور ..
شعبالك لعد ..
اخذت..الكارت ومشيت ..
كتله وانت ..
كال بصفك لا تخاف ..
خوش ..
وصلنه ..
خليت الكارت فتحت ..
كتلها ولج شوفي ..طكينه ..
هههه ع شنو نطك ..
هذا الكارت راح ابيعه..ونطك ..ههههه ...
مخبل ..والله
طبيت هول صغير ..وبوجهه باب ..
وع يسرة مطبخ ..وحمام ..
