سوزان المندلاوي
هذا حلم ..اكيد ؟؟
لو انضربت ع راسي ؟؟؟
اي اي هسة اشوف البياض ويطلع ..حلم ....
هسه تتكسر المرايه ...
هسة مريم ..تكول رعد كوم ..عندك دوام ...
هوسة ..العالم متعرف تسكت بس تحجي ....
وتبجي ...
كمت اسكتوووبس ..هذا حلم ..
ابو ماريا ..مو ..حلم ..
سلام كعدني بداعه الخوة ..
ياعالم كعدوني ..من نومي ..اني بحلم ..يخنك ..كعدوني ..
اجه ابو ماريا لزمني ..رعد ..صيرقوي ..الرب يعينك ويصبرك ...
قوي ..ياقوة هاي ...
هذا شديحجي ..
كمت اعيط ..والزم راسي ..متحسون انتو هذا حلم ..
كابوس ...
رعد ...شبيك ..حرام هيج اتسوي انت رجال ..
سلام ..فدوة ..اضربني اريد اصحى ..
استغفر الله رعد ..ليش هيج تسوي بروحك ...
كلما اريد اروح يمها يجروني ...
بس اشوفها والله ..اتاكد ميته ..
ولكم تلعب عليه اعرفها ..تدلل...
كافي سلام ...اصحى ...
ام ماريا تبجي..
سمراء تبجي...
سلام ...
الكل واكف يبجي ...
حتى السما تبجي ...
زين شنو ذنبها ..هيه ...
شنو ذنب ابني ...
طبت الشرطه ....طلعو العالم ...
جوي اثنين ..شالوها ..وكفو كدامي مخلوني اتحرك او اوصل يمها ...
الضابط يحاجيني بس مداسمعه ..زين ....
صوت بعيد ..كلش....
غمضت عيني ...احس شايلني...ويمشون ....
افتح عيوني ..اشوف اضويه ..
وراها محسيت بشي الا واني نايم ..بغرفه ...
كمت ..راسي يوجعني ...
لزمته ..مضبر وملفوف ..بشاش..
اخ ...
مريم ..مريم ..
اجه سلام ..
ها رعد ..
اني. وين ...
يمي ..
كمت ولك شداسوي ...
اكعد ..رعد ...حبيبي ..
جتي سمارة ..
واكفه وتبجي ...
كامت ترجع ذاكرتي ...
جيت ...مطر ..ضلمه ...تعثرت مريم ..وواحد ضربني ..ووشم..ومريم اخذوها...
خليت ايدي ع راسي ..كمت اضرب عليه وابجي ..
سلام يكولي ابجي ..
سلام وينها ...
بلمستشفى ...بلثلاجه ..
اويلي ..ياربي ...
لزمني من اجتافي ..
رعد اقوة ...شبيك..اصحى ..
لازم تروح ..تقدم بلاغ وافادتك ..
الضابط صاحبي ..
وعافك اليوم ..
كتلة اي ...
خابرت اهلك ..وكتلهم ..
يحجي واني الطم ...
واهلها ..
وصيت اهلك يخابرهم ..
صوحبي ..صير قوي ..وراها اخذ حقك ..
كمت اضرب ع كلبي ..اني السبب ..
اني ...
كافي اروح الك فدوة ...
كول يالله ..الله ينطيك صبر ...
اطول يوم عشته بحياتي ...لان بعيدة عني ..ووحدها ...
وهيه تخاف من ..خيالها ...
شلون حالها هسة ...
وين اروح ياربي ...
تمنيته حلم ...
طلع الصبح ومحد نام...
رحت طلعتها من المستشفى ...
تقرير الطبي ..ماتت...مطعونه بسكينه ....
سلام..وباقي الولد ويايه ..
فوني لحضة ..ماسكت ...
بس جنت ماكدر ..اجاوب ولا احجي ....
ماكو صوت يطلع ..تمنيت الروح هم تطلع ...
صعدناها ..بسيارة فوك ...
وطلعنه لبغداد ....
الطريق اسود...
اذكر شون من جبتها ..اول يوم ..وجنت اشاقه وياها ..
وشلون جانت تكولي مخنوكه وممرتاحه هنا بس ..تريد ترجع ...
قوتي بدت تخلص اي طاقه ماكو ..عايش بصدمه ..
سلام كدر ياخر شغله الافادة ..لان صديقه كلش....
صح الكل ويايه ..بس محد ديحس بيه ...
ولا اكدر احجي ..
ولا اكدر ابجي ...
وصلنه ....للبيت ..شفت الكل بلباب ...
اهلها واهلي والجيران والعمام ..
الكل كامت تصرخ ..وتبجي ...
اني وكفت بمكاني ...
ام مريم جتي عليه ...
انت موتتها انت ..
وبقت تضرب بيه انت ...
الله ياخذك الله لا يوفقك ...
جروها مني ....
اجه ابويه يحاجيني ..واخواني ..
بس ماكدر احجي ...
بداخلي اكولهم ...
اني السبب ....
لو مجاي ...
لو مطامع بكم فلس زايد ....
سلام يكولهم ..ميكدر يحجي ...
صوته راح ..
رادو يطببوني ....
بلبيت مكدرت ...ابد ...
اشرت الهم ماطب ...
شلون اطب ..جانت تارسه البيت ..بسوالفها ...
واطب واطلع اني وياها ..
هسة اطب بدونها ماكدر ....
بقيت كاعد باب البيت برة ...
سلام معافني ...
كلي يله ..
نتوجهه لدفن ..
هوة فوكايه ..
جريت ايدة بستها ..
هزيت براسي لا .وبداخلي..
.بقيها ..بلكي ترد الروح بيها ....
جر ايدة ..كلي كوم ....
طلعوها ..
ورحنه للدفنه ..
مكدرت اسوي شي ...
ولا اكدر ارفع عيني عليها ...
بس وعدتها ..دمها ودم طفلي ميروح ..هدر ..
ارجعه اضعاف ..مضاعفه ..
ودعتها ..بس عرفت ..اني دفنت روحي وياها...
ودعتها ..واني خجلان ..ومتندم مالحكت ونقذتها ...
ودعتها..ووعدتها ..كتالها ..راح ..ياخذ ..عقابه ...
ايام الفاتحه مرت سم ..بين الفقدان ..وبين الندم ..
وبين ..العذاب من نضراتهم يحسسوني ..اني السبب ...
محد رحمني ...
كدرت احجي ..وحجيت الي صار ...
والكل ديشوف حالي ...
اني ماهمني شي ..
ان جنت بنضرهم مذنب لو لا ...
الي يهمني والي معذبني ..
ليش تاخرت عليها ...
وليش مالحكت ...
وليش..ماكتلته ...
ليش ماموتني ..وياها..
ليش اخذها مني .....
بقيت عايش بضياع ...
مرت الايام ..ولازم ارجع اقدم ..افادة ....
سلام مقصر ويايه ...
لازم ارجع للموقع ..وادرس كلشي ...
اريد اعرف منو ...الي اخذ روحي مني ..........
وللحكايه بقيه
